端午逃鴉記

2009年5月28日星期四端午節，今日吹起5至6級東南季候風，結果原定出東海ge行程改咗向西行，目的地係大小鴉洲，不過依舊分咗兩條線，輕鬆組就跟社長兩頭行，探奇組就當然跟我哋文源大哥去闖關啦，雖然係咁........，由於探奇組今日只係出望顱角，跟住就要行回頭路返碼頭會合大隊，而我又因為咁多年都未正正式式行過大鴉洲，次次黎都係綑邊only，所以最後關頭我決定退回跟社長閒逛大鴉洲，誰不知已追唔上，所以最後就自己同幾個山友自行開第三條痴線...........C線，就係亂咁行。 

 

(1) 肥豬石.........(嘩~~~襯水漲洗吓個身先)。

水泉秦石

2009年5月3日星期日天晴吹東風3級，今日係3日公眾假期ge最後一日，決定自己開隊玩，大家一早先飲過早茶，10:30係彩虹地鐡站再集埋一齊分4部的士上去飛鵝山觀景臺............每人$10 就可以慳返唔洗行d黑人憎ge石屎路...........而落車後嘅95%都係落山路，主菜就係水泉澳的飛來石，甜品就係沙田內的秦石。
 

(1) 飛鵝山頂多咗個的士站咩 ?

滄桑啟德行

2009年5月2日星期六天晴，今日係family day，一早同寵物參觀完 (遠望6號航天測量船)，跟住就坐天星小輪過海，再坐叮叮(電車)落筲箕灣，準備同屋企人中午入石澳閒遊返一轉.............不過真係幾熱，下午出返黎ge時候差不多已經16:00pm，心血來潮想入去舊啟德機場行吓 ，順便睇吓仲有冇其他出入口，於是喺九龍城碼頭嗰邊落咗車，果然真的又比我搵到個隱蔽出入口，決定先入去睇吓以前啟德機場ge消防局。

 

(1)

遠望6號航天測量船

2009年5月2日星期六天晴，因為長江幫我哋攞咗兩張8:30 參觀遠望6號航天測量船ge門票，所以今日一早就出咗去尖沙咀海運大廈等上船，不過最好笑的事係，其實我一直都以為係參觀軍艦，直到去到五支旗干ge時候發覺點解冇大炮ge，再睇吓張飛先知原來係首航天船。

 

(1) 晨早ge海運大廈..........真係人都唔多個。

晨曦之旅

2009年5月1日星期五天晴，東風4級，今日終於可以堂堂正正一上伙頭墳洲喇(伙頭墳洲又名晨曦島)，點解....................因為之前上親去都係跟社長玩個島後面ge龍眠洞和虎眼洞，其實依個島係不對外開放ga，原因係依度有一個福音戒毒所用黎比人戒毒，冇電..........冇自來水，今次我哋係跟東九龍居民委員會去參加依度ge開放日，而且仲係早成個月前就已經報咗名，雖然今日都有成差唔多427人入黎參觀探訪，不過係由25個唔同ge地方組織和教會一齊同行。

 

(1) 準時8:45am 報到。