聖誕尋寶四天行 - Day 4 (澳門回歸)

2010年12月27日星期一天晴，聖誕節3日假期終於嚟到最後一日，今日冇乜特別景點同行程，所以我都極小有的8:00am才起身，梳洗及整理行裝後已經9:15am，但係因為主人家還未起床，而我又唔想浪費時間等待，所以我同寵物決定先行離開到處走走，轉頭先再會合。

(1) 坐路邊另有一番風味。

聖誕尋寶四天行 - Day 3 (腳踏七星)

2010年12月26日星期日天晴 (氣溫8度 - 12度)，7:00am一早起身見到個天冇落雨，而且仲陽光普照，立即落去公園行咗一圈影吓相，本來今日預定係6:00am Morning Call 7:00am出發，不過最終都係攪到要成8:30am先開車出發，大家先到市集食個早餐，再補給一d糧水之後，就正式開車去七星坑................等咗四年ge七星坑我嚟喇。

(1) 昨天晚上就在恩平5星級的家休息咗
一晚........在香港夢寐以求的居所。

聖誕尋寶四天行 - Day 2 (風雨古鎮)

2010年12月25日星期六天寒地凍又有雨 (氣溫8度-13度)，經過一晚ge休息之後，今日ge行程主要都係喺江門走走逛逛，早上6:00am就彈咗起身ge我，拿拿淋梳洗後就獨自落去轉個圈影吓相，六點半個天都仲未光，沿馬路左轉轉右轉轉行咗15分鐘，就嚟到江門市星光公園 (有d似香港ge星光大道)，影完相之後就返去叫佢哋起身，大伙兒就與當地的另一位朋友去了飲早茶，嘆過茶之後才正式開始今日ge行程，本來一心想搵個山頭摸吓，再等黃昏日落之時去新會ge小鳥天堂欣賞百鳥歸巢，可惜個天又大霧又凍又落雨，估計d雀仔都唔會飛得去邊，所以決定一改今日ge行程，提早開車去恩平，並順路一遊赤坎古鎮。

(1)

聖誕尋寶四天行 - Day 1 (平安出發)

2010年12月24日星期五天晴 (氣溫13至18度)，今日係平安夜，一個奇望咗四年ge旅程..........七星坑，今晚終於可以出發啦<<<七星坑在網上的資料不多，搜集咗四年都只係得好幾個編幅，曾踏足這地而有上載的資訊亦已經是2005年份，但地圖上基本上是找不到這個地方的正確位置，所以今次只屬探路形式，希望可以對這個地方更進一步了解，為我下次作好準備。>>>，我哋一行四人早於兩個星期前已經買定今晚20:00pm由尖沙咀中港碼頭開往中山港ge夜船 (船程個半鐘)，由於19:30pm 加班船仲有位，我哋決定提早上船，21:15pm已經到咗中山港兼過埋關，而當地ge朋友 Jenny 亦已經喺碼頭準備迎接我哋，大家將行裝安放好在車尾箱後，就立即開車直奔江門市食宵夜 (車程約1小時)，食飽飽之後就立即借宿喺依個好朋友喺江門ge屋企。

(1) 可以讓我哋遠離繁華都市，踏足尋寶之路ge船飛，

平安夜要加付加費，結果要成$207一張。

聖誕節又到啦

2010年12月24日星期五，今日係平安夜，先同大家講聲Merry X'mas ........ 聖誕快樂，今年聖誕節得11度咋，等我依個聖誕路人同大家唱返首歌仔慶祝聖誕節先，music 唔該...........(又到聖誕........又到聖誕........下個聖誕...........有冇咁嘆..........  啦啦啦啦啦啦啦啦)

天寒地凍夜維港

2010年12月17日星期五天寒地凍 (6 -13度)，仲有一個星期就係聖誕節，不過今日終於似返個冬天喇，天文台報告今天只得6度 (今年入冬以嚟最凍ge一日)，大帽山和打鼓嶺更有結霜，係自2002年至今最凍ge12月，所以決定今晚出去應吓節同影吓相。

(1) 聖誕節快樂..........

慢遊荔枝莊

2010年12月5日星期日天晴，今日ge目的地係其中一個朋友特別要求，目的地係荔枝莊，我哋一行13人一早9:00am喺西貢坐的士入去榕樹澳起步，輕輕鬆鬆經深涌過荔枝莊，當到達荔枝莊ge時候已經差唔多下午13:00pm啦，本來今日ge終點係白沙澳，不過我哋ge行程係非常之彈性，因為大家最終決定不走回頭路，改由荔枝莊坐船出黃石碼頭，亦正因為咁，結果在旅途未聲卻帶喺小小不愉快，話說........... <<<<<荔枝莊出黃石的尾班船係開15:45pm，我哋已經提早廿分鐘到了碼頭等船，等了一陣就看見有船嚟，正當大船拍向碼頭時，大約相距50米，只聽見大船響了兩聲，跟手就180度轉了出海走了，但睇吓隻錶只是15:39pm，正當碼頭上ge人還未知發生什麼事時，只聽見有一船家話依隻就係去黃石碼頭嗰隻乜乜船務隻船囉，於是立即致電船公司了解，點知回覆當然是非常可笑 (我比個電話個船長，佢話已經拍咗碼頭但冇人上船)，唔係吓話...............荔枝莊真係咁猛，成個碼頭十幾廿人等上船都話見唔到，最PK就係都未夠鐘就連碼頭都唔拍就開走，咁你貼個船期表出嚟玩人咩>>>>>，最終有其他行山人士call咗大飛出去，我哋緊係順便跟尾啦，每人放底$40。

(1) 少年食神喺電視節目 "為食一條街" 推介過的西貢粥店。

停不了的蛇宴

2010年12月2日星期四 (氣溫約20度)，又係一年一度必定參加ge社務活動之一ge蛇宴，今年又伙拍寵物同雙親一齊食返轉蛇，$138一位仲有獎抽，你哋話啦每年一次ge蛇宴又點能夠比佢停呀!

(1) 熱鬧非常，16圍爆滿。

孖圓都咁好玩

2010年11月28日星期日天晴，今日跟社長出去圓洲 (大鴉洲隔離)，一心已為會坐 Uncle Happy 隻船，點知無啦啦坐咗艘快船，攪到冇糧水補給，坐咗差唔多兩個鐘頭船先嚟到圓洲，大家二話不說就坐駁艇跳上岸，又開始今日綑邊之行，依個島唔係好大，而且冇乜險位，超輕鬆咁行咗兩個鐘，本來今日仲有一個叫石洲ge小小島可以一登，不過浪湧大，怕部份團友未有足夠經驗登岸，大隊唯有轉戰孖洲，不過今日d阻滯真係一不離二，隻駁艇本身已經開得超慢，仲要比水警查牌查咗成半個鐘，結果可遊樂時間大大縮減，而且已經漲潮，大家小綑一段後就已經差唔多夠時間回程了......................

(1)

我和挪亞有個約會

2010年11月21日星期日天晴，本來今日諗住去行山，不過今朝起身ge時候忽然想同寵物去馬灣ge挪亞方舟行吓，所以就改變行程，坐車入去馬灣.........  準備上挪亞方舟，其實依隻方舟比我預期中多嘢睇，3D都睇咗四五套，而且大部份活動空間都喺室內 (夏天入嚟玩就一流)，結果我哋都玩咗差唔多成日，不過最可惜就係Book 唔到方舟ge自助晚餐，因為一早已經爆滿。

(1) 挪亞方舟我嚟喇.........$100入場再另加$45睇
埋其他三個新開ge展館。

遲來的閘閘蟹

2010年11月20日星期六天清氣爽，早兩日莫太來電，話豬腸粉約咗今日上佢屋企食大閘蟹，當然有好嘢食ge活動又點會小得我同寵物喇 (我照舊order咗4隻 - 同寵物每人兩隻，不過今年d蟹好似真係貴咗。)，所以今晚乜人都唔約，準備同...........九月圓時十月尖ge大閘蟹開返過Party，結果食吓食吓就由19:00pm食到成10:30pm先完場。

(1) 嘩嘩嘩.......真係年年都要同你開返一兩三個Party先高興。

不一樣的鳳凰行

2010年11月14日星期日天晴，一早5:00am就彈起身，6:15am出門坐車入天水圍再經西部通道過關，坐機場巴士去到福永寶安機場再轉乘的士 / ¥25，用咗成3個幾鐘頭到9:30am先至嚟到今日ge起步點 (鳳凰廣場)。

事原早兩天突然想返上深圳行吓山，於是即刻喺網上搵吓d資料同交通安排，而心中ge目的地就係一個早兩年我已經想去ge山頭，依個山唔算好高，而且亦唔係好遠 (深圳寶安區 - 福永鎮)，不過未行過就真係比佢個名嚇一跳，因為佢個名就係叫做鳳凰山森林公園..............鳳凰山 (古稱 - 大茅山 : 高367米)。

(1) 用咗差唔多兩個鐘 (8:05am) 先嚟到深圳灣關口。

13週年社慶大聚餐

2010年11月7日星期日天晴，今日天清氣爽，不過我冇行山，選擇咗去睇吓我嗰兩個可愛ge大細孖姨甥，因為佢哋啱啱一歲啦，仲可以順路出嚟長沙灣參加今晚行山隊ge13週年社慶，今晚熱鬧非常，延開11席.........$250一位 (元州村 - 新金翡翠海鮮城)，仲有社長介紹新疆ge幻燈片同文源大哥今年年頭北極之行ge幻燈片，咁你哋話係唔係唔去唔得先。

(1) 話咁快就13年喇 !