黑暗的黃昏

2010年7月29日星期四有雨，今日18:51pm傍晚時份個天真係給人有一點.......................心寒 (真係好似就嚟世界末日咁)。

(1) 18:51pm...........

玩轉東平洲

2010年7月24日星期六，今日個天真係唔錯，一早起身天青氣朗，而且能見度都幾高，中午收工後立即返屋企攞埋個背囊去沙田會合d山友飲茶，跟住趕15:30pm船入東平洲宿營，不過今日個天文台好準，個天果然開始越嚟越多雲，雖然盤算過影到日出日落ge機會不大，但係都影響唔到我哋依班咁貪玩ge人，因為我哋係................(唔理有乜好影，總知有乜就影乜)，17:00pm一落船就趕去士多放底晒d行裝，跟住改走山路去先玩海螺洞，點解要咁急，因為d潮水已經開始漲緊.......................

(1) 天氣唔錯ge一日。

慢遊石龍拱

2010年7月18日星期日天清氣朗，今日天氣炎熱，一早9:00am喺荃灣飲過早茶之後，就坐車上荃錦坳，輕輕鬆鬆慢步過蓮花山落石龍拱，再轉接元荃古道返荃灣，本來一段只需兩三個鐘已經可以行完ge路段，今日卻用上七個大鐘至行完，沿路影相 (雲 / 風景 / 飛機....................)同大休小休無數次，真係慢慢遊啦喂。

(1) 起步啦..............

雨後夜維港

2010年7月17日天晴，今日依一起身見個天又係幾清，對於昨晚ge迷幻香江夜依然有小小唔夠喉，不過經驗造我知，今日個天影白天會唔靘，但係影夜景就應該冇問題，所以決定今日再整理行裝，比個電話長江，兩條友約埋殺上山頂再影過，上到山頂ge時候已經差唔多17:30pm，不過能見度都係一般，而且雲層比較厚，計算過黃昏彩霞應該唔會有，所以就嗱嗱淋走去今晚ge落腳點set返支腳架等入黑，點知等等吓就等咗一場大雷雨 (好彩早有準備)，不過...................都算有收穫，場雨啱啱喺20:00pm幻彩詠香江之前5分鐘就吹咗去青衣嗰邊，而且個天只係好咗半個鐘，另一場雨又殺到嚟。

(1) 風起雲湧會維港，  我等等等等..........................

迷幻香江夜

2010年7月16日星期五，今朝一起身見個天好清，於是拎埋部相機返公司，一心諗住今晚上山頂影夜景，點知臨收工準備出發ge時候，個天竟然落起大雨嚟，個心十五十六，最終都係出咗去尖沙咀碼頭.................

(1) 好迷幻ge香江夜。

蜆難再現

2010年7月11日星期日天晴，今日同寵物入水口摸蜆，不過唔知係唔係因為水口依個地方已經黃咗(太多人去)，定係d海星或者德國保羅d親戚嚟咗(八爪魚)，水退之後只係見到勁多勁多ge大蜆殼打開晒喺沙灘度，結果摸咗成5個鐘有多，都只係摸得幾隻，而且仲係中蜆，真係摸咗咁多次，今次都算最失敗失敗........

(1) 蜆呀，蜆呀........我嚟啦。

大三門禁地

2010年7月3日星期六天晴 (酷熱天氣警告) ，又係,北上神洲行ge日子，繼3月份小三門之旅後，今次我哋再玩埋佢ge好兄弟......................大三門島，由深圳坐咗差唔多個半鐘頭車過到去東涌，沿路上睇到ge藍天白雲再加香港境內ge山峰，就知今日我部相機又要得返半條命.....................

(1)

七一回龜

2010年7月1日星期四天氣炎熱 (35度吹西南微風)，今日係香港回歸假期，本來今日有好多節目都想去............上深圳揼骨 / 跟隊行西灣 / 行街睇戲，結果7:00am一彈起身見到個天勁正 (但係又好熱)，最終決定上山頂睇石龜，當然唔小得影吓維港啦...........

(1) 未玩隻石龜...............先睇吓d海龜仔。