玩玩食食番禺四天遊 - Day 4 廣返香港

2011年12月27日星期二天陰，今日係聖誕節最後一日ge假期，亦係我哋四日三夜行程ge最後一日，我哋張會離開番禺坐地鐡返上廣州，喺市區行行逛逛之後再食返個晚飯就坐直通火車返香港。

(1) 今日我哋成9:00am先出去食早餐，又係去返依一

間粥店，食完早餐就返酒店拎埋行李走人。

玩玩食食番禺四天遊 - Day 3 動物奇觀

2011年12月26日星期一天陰 (氣溫16度)，一早起身食咗過港式肯德基早餐，跟住就趕住坐地鐡去9:30am 先開門的 "長隆動物園"，依度開咗幾年都冇嚟過，所以我哋特登安排今日去，而且希望星期一會小啲人，可以冇咁迫，咁就可以睇多啲同影多啲嘢，遊完動物園之後仲會安排睇埋今晚嘅馬戲先離開依個主題樂園。

(1) 第一站係去麵包店買定午點。

玩玩食食番禺四天遊 - Day 2 齊齊玩大夫

2011年12月25日星期日天晴，出遊ge習慣............一早6:00am就已經彈起身，襯大家仲未起身，換件衫出去逛一轉，睇吓當地ge晨早生活，跟住先返酒店再會合大家出去食早餐，今日我哋ge見的地就係大夫山森林公園。

(1)

玩玩食食番禺四天遊 - Day 1 蕩遊番禺

2011年12月24日星期六天晴 (14至18度)，今日係平安夜，一早坐7:45am班船去 "蓮花港"，本來打算順路先去 "蓮花山" 行一轉，點知去到門口ge時候先發覺興趣不大兼太貴而冇上到去，結果行返去碼頭 (約廿分鐘) 等坐免費接駁巴士入 "番禺" 市區。

(1)

聖誕路人嚟啦

2011年12月22日星期四天晴，仲有兩日就到平安夜啦，今年ge聖誕節會係本世紀以嚟最凍ge聖誕節，其實依個世紀只係過咗11年咋，所以我依個聖誕路人都要預先喺月球度搬返棵聖誕樹返嚟地球同大家講聲.....................Merry X'mas

青宮炮影

2011年12月18日星期日天晴 (東北風4級 - 19度)，今日能見度唔係好好，而小弟足踝ge骨膜炎又開始輕微發作咗成個星期，不過亦無阻我再次探遊青人腹地ge興致，早上10:00am由龍鼓灘北朗村正式向青山腹地進發，由於今次冇正式路線 (邊行邊策劃 - 未知大休點 / 未知終點，唯一知ge就係預計行六個鐘)，亦唔想行青山腹地內ge熱門路段 (月牙谷 / 青松紅壑 ......)，所以決定先上花香爐頂看看久違了ge青山迷宮，然後再與長江商議餘下行程。

(1)

今晚素一素

2011年12月16日星期五天晴，今晚公司老細請食新派私房素菜，而且仲安排咗專車接送......正呀。

(1) 依間嘢位於北角，要預先 Book 位先有得食。

冰皮月蝕

2011年12月10日星期六天寒地凍，今晚係農曆十一月十六，本來圓圓ge月光，將會比地球完完全全食晒 (月全食)，雖然個心十五十六 ，睇歡樂滿東華定係影月全食好呢.............. 東華下一年有得睇，而下一次香港可見ge月全食將會係2014年10月8日，所以最終決定就算幾凍都要影一次，睇吓隻錶ge溫度顯示得9度咋 (仲要好大風)，不過好在天公做美，個天好清..............

(1) 今晚我ge戰場.......

九小時分流

2011年12月4日天晴 (東北風4級 - 18度)，今日目的地係大嶼山南ge分流，對上一次嚟ge時候已經係好幾年前ge事啦，我哋一人7人一早約咗8:00am喺東涌集合一齊食早餐，點知喺地鐡車廂內偶遇，結果...........一段意想不到ge行程，就提早開始咗啦。

(1) 約都冇咁齊人呀。

燒得好盡興

2011年11月27日星期日天清氣爽 (22度東北風4級)，今日被朋友邀請一齊BBQ，辛苦眾友人一早走去霸爐，本來打算去獅子山郊野公園，可惜一早八點幾已經滿座，唯有臨時改去獅子亭嗰一邊 (坐的士都成$30蚊左右)，不過塞翁失馬.....焉知非福，因為依度d空氣同環境都係一流，樹蔭底下與好友一同享受美食和歡樂，用另一種途徑擁抱大自然。

  

(1) 我哋11:40am嚟到獅子亭。

長玩長食

2011年11月26日星期六天晴，今日坐12:15pm大船入長洲，目的只係玩同埋食返半日，輕輕鬆鬆過一個悠閒ge週末。

(1) 成11:45am先出到去上環，先去翠華買兩個包比自己

同寵物做早餐..........菠蘿包 $6 / 墨西哥奶皇包 $7。

好嗲好嗲

2011年11月25日星期五，今日約咗幾位朋友喺尖東食晚飯，正當大家都唔知食乜嘢好ge時候，其中一位朋友蘇小姐 (實情佢並唔係姓蘇ga) 介紹我哋食沙嗲，大家喺尖東穿插一輪之後到達好時中心，嚟到門口竟然出現數十人排隊等位ge情況，估唔到商場內竟然有一檔如此好食而我又唔知ge沙嗲，最正ge就係佢d嘢食唔貴，我哋4個人都係食咗$284 (每人都係約$70)................抵呀，我一定會返嚟搵你。

(1) 櫥窗內外貼滿多年嚟報紙雜誌ge訪問介紹。

輕鬆大石磨

2011年11月20日星期日天晴 (東北風4級 - 25度)，大石磨 - 一座位於羅湖禁區邊皮ge山頭，可以短走半天ge輕鬆行，今日比我選中咗，一早我哋一行4人約好先去上水食個早餐，跟住先慢慢出發。

(1) 未起步就先去食個早餐，依間冰室要排隊等位ga。

日食又返嚟啦

2011年11月18日星期五天陰有雨，今晚喺尖沙咀街頭無意中收到一本飲食指南，睇到裡面有一篇幅介紹 "小林尊西日式放題"，所以就立即打電話去訂位，自從年初日本因為地震而導致輻射洩漏，我哋已經好耐冇去食過日本放題，事隔半年，今次就勇敢地同寵物一齊走去食返餐 。

(1) 每位$178 另加一，d食物質素新鮮，味道幾好，

特別係你order幾多數量佢就比咁多你 (抵讚)。

塔門尋筋

2011年11月13日星期日天晴，今日打算同班朋友輕輕鬆鬆去塔門 (輕鬆到我只係狽咗個腰包)，早上10:00am先喺鑽石山坐96R巴士入黃石碼頭，再駁大飛 ($20 一位) 去塔門玩龍頸筋。

(1) 巴士超載呀..........一行位得五個位但係坐咗七個人。

橫行棧道

2011年11月12日星期六天晴 (東北風3級)，朝早坐火車經過吐露港ge時候已經睇到個天好靚，準時8:15am到咗深圳僑社門口報到，今日會先去霸光附近ge一條小魚村 - 小桂村，然後再驅車入楊梅坑轉大飛 (¥580人仔一艇6人 - 港幣對人仔係1 : 0.81) 直闖大亞灣 "橫洲"。

(1) 啱啱一圍檯  - 連埋社長11人。

慶足14年

2011年11月6日星期日天晴 (東北風4級)，嚟到年尾依個時候，大型節目唔單止有台慶 / 東華 / 工展會，仲有我哋行山隊ge社慶，今年社長又改返去太子食，整體食物味道都算唔錯，而今年就開咗9席去慶一慶14週年，不過最可惜就係今年我同寵物一個獎都抽唔中。

(1) 社長今年廷開9席賀社慶14週年。

筆架九男女

2011年11月6日星期日天晴 (東北風4級)，因為今晚要去社慶，所以老師張今日ge行程安排到下午3點前散隊，比大家返屋企沖涼換衫，一早食過早餐，今日一行9個人，9:00am喺 "黃大仙" 坐巴士上去 "豐力樓" 落車，再沿龍祥道尋找4號坑殺上高458m 的 "筆架山"。

(1) 依個就係我哋今日ge目標..............筆架山。

我要入青山

2011年11月5日星期六天晴，今早起身上網八掛吓，點知無意中搜尋到一處從來都未去過兼完全不認識地方竟然有開放日，於是決定取消晒原本ge約會行程，立即入荃灣轉坐大會安排ge免費接駁巴士入...............青山醫院 (一次好正面嘅了解同認識)。

(1) 對上一次開放日好似已經係5年前ge事。