屏南水上樂園

2011年6月26日星期日多雲間中有雨，今朝喺上水準備起步ge時候灑咗一場雨，10:00am嚟到南涌睇到個天都仲係灰灰黑黑，由於颱風海馬啱啱離我哋而去，個天早兩日都仲落緊雨，不過遠看屏嘉石澗就一滴水都冇，相返屏南ge水量就較為理想，所以臨時決定改走屏南石澗.....................

(1) 食返個日式早餐先。

夕陽東尋

2011年6月18日星期六風和日麗 (朝早間中有雨)，今日個天ge能見度超過30公里，唔洗問阿貴都知我同寵物走咗去影相啦，4點幾同另外兩位朋友一齊入到東涌，再慢慢行上去觀景山 (72米) 等等等............

(1)

風雨過後維港夜

2011年6月17日星期五雷暴，一早起身睇完天文台網頁之後，心裡盤算今日黃昏時段個天應該會幾清，所以一早返公已經揹埋相機同腳架，雖然今日個天落咗成日雨，但到四五點ge時候已經開始有小量陽光，所以一收工就直奔尖沙咀，等待今晚ge幻彩詠香江。

(1) 雨後..........另有一翻新氣象的尖沙咀天星碼頭。

 

向老點居出發

2011年6月12日星期日雷雨交更，今朝6點幾ge時候比個雷嘈到彈咗起身，早兩日熱帶風暴莎莉嘉匆匆的來匆匆的走，為我哋帶嚟今年第一個颱風 (一號戒備訊號)，不過打風唔成三日雨，今日終於落出雨嚟啦，仲要一落就係黃雨 (黃色暴雨警告)，可惜我哋依班超級爛玩之人(一行20人)都依然無懼風雨，照原定計劃..........向老點居出發。

(1) 灰灰的天.....空空的街.....千串細雨點.....用斜紋交織

出一張冷冷面.......微涼的風中街中一把遭棄置的破
傘.....像說怎麼過這一天..... 向麻南笏老點居出發。

端午破柱之行

2011年6月6日星期一藍天白雲，今日跟隊出海綑邊來歡度龍舟節，一早9:00am 尖沙咀碼頭開船直奔2個鐘先嚟到東海ge破邊洲，再轉駁艇分遊神削峽 / 孖洞 / 雷音洞待天然奇景，不過短短一條水道加兩個洞卻用上差不多一個小時，而在船尾的我只聽見大家的快門聲響個不停，熱身過後，大船再開往浪茄灣，先放下想應吓節游龍舟水ge人士，不過今次出奇地得六七個人咁小，其他熱愛辛苦的人就再向千柱海岸 / 罾棚角石罅進發。

(1)

不想說再見

2011年6月4日星期六天晴，但心裡卻未能像天氣一樣，相反的是心中灰沉一片，今日回家時收到友人的一個電話訊息，一位熱愛大自然ge朋友在今早已安靜地離我們而去了，從我得知他的身體起了變化到今天只有半個多月，雖然心裡為他祝福著，但今天的結果亦早已有心理準備，不過心底仍然是那樣的痛，已住他的笑聲.....笑容......口琴聲........互相幫助的無施奉獻，以後只可以成為腦海裡的點滴回憶，今天............已再沒有什麼可以為他做，只能在心裡默默的對他說一聲，華忠...........一路好走。

大蜆不見了

2011年6月4日星期六天晴，今日收工之後同寵物去水口摸蜆，本來今年打算休息一年 (因為往年d蜆已經小得離普)，不過都係心郁郁忍唔住要去摸返次，經過4小時ge大戰之後，有手掌咁大ge一隻都摸唔到，得返d中小型size，相比早兩年ge收穫，今年就真係災情嚴重，唔好話大蜆，就連d 司帢都冇乜，結果................... 我決定今年暫休，臨走時再將d細小的放生，留待明年再戰。

(1) 唔通...........雪人都想摸埋一份。