2007年11月27日 星期二

蚺蛇米粉

20071125晴有風,為了想小走那些石屎路我們一行5人由黃石碼頭乘大飛到赤徑起步(位位$20.-)早上10:00 從赤徑起步不消廿分鐘已上到大浪坳整理過行裝後便迎戰我們今日的第一道主菜蚺蛇尖雖然這個地方我已經到個好多好多次但每次上去都給我有唔同的感覺.

(1)

2007年11月24日 星期六

幾開心的年宵2007

20071124 一覺醒來太陽還未出來今日又唔洗返工於是乎打開電腦睇吓相忽然睇到一輯file的相片 就讓我記起200612月的某一日 有個佬友打黎問我農曆年前得唔得閒 有冇興趣玩玩年宵 因為佢地今年年初係長沙灣年宵市場投了一個熟食檔 正值個時我D工作時間非常之自由 而且又未玩過 所以諗都唔諗就一口答應咗

距離開檔日子仲有日的一個下午 電話響起 因為人手抽調唔到 所以call 我去幫幫手set 一輪爬高爬低之後 能力可做的都已經做晒 但因裝電工程有小小延誤 所以開檔時間需要順延一日到212先可以正式運作

時間一日一日近 心情一日一日奮 (興奮) 終於到開檔既第一日2月12日啦 中午時份各有各到 大家走過對面吃過午飯之後 就開始Set爐煲水調煮食...........忙了一大輪之後 差不多四時左右就正正式式開檔大吉


(1) 開大............檔

2007年11月23日 星期五

大閘蟹宴

20071122大閘蟹宴又黎啦不知不覺依個蟹聚已經有六七年既習慣數數手指依次已經係今年既第四餐本來係係一個月前食但因為有佬友工務繁忙所以約左又改改完再約終於等到今天先可以再刷多一餐

一如以往因為有佬友同某某蟹商相熟所以可以用比較經濟的價錢食到比較超值的蟹仔而我亦唔執輸落左order 要食兩隻仲一定要兩隻都係公因為公d膏冇隻乸d膏貢實我覺得好吃d話明大閘蟹宴當然齋食兩蟹又點過得自己不過今次個蟹宴同過往既有小小唔同唔同就唔同在今次係Super Max 蟹宴 (中印大) law因為有位家用印尼大廚……… Tutik 先為我地烹調港式大閘蟹然後再炮製一系列正宗地道印尼菜. 正呀有炸雞翼 / 炒雜粒 / 鹹魚仔 / 巴東牛肉 / 黃薑飯 / 蔥花煎蛋 / 郊外油菜附加廣東靚湯 (紅蘿蔔湯,及大閘蟹孖寶之薑茶心總之食到唔停得手啦飲到唔停得口真係好好味而且賣相仲好得潻

(1) 大....閘....蟹.....

2007年11月20日 星期二

輕工水上飄

20071118天清氣爽一樣已經想去玩左成半年有多既活動今日終於可以去玩了係乜….. 之唔係輕工水上飄law原名係水上步行球依樣野最初係係外國先有得玩但最近佢地就引入左黎香港玩法就係你會係個波裡面 但係個波就係水上面 而你要係個波裡面走來走去個波先會郁其實好難平衡架所以多數人都係滾下滾下就算而且都幾晒氣架不過都幾好玩因為係裡面睇出黎同瞓係度既感覺都幾得意架而個波最多仲可以坐兩個人潻 (睇你有幾重啦)有機會的話大家都可以去試試玩架真係值得一玩

(1) 救命呀@@@

2007年11月13日 星期二

毅行支援隊結局篇最終回之 (一起毅行的日子)

(毅行支援隊結局篇下) 努力加油聲過後佢有佢地走,我有我地玩d未知唔係一手玩四背囊law快快手手走上車準備去終點會合支援小隊影相la不過途經黃金海岸時我地比d魚柳包吸左過去哈哈哈貢都得當報時訊號一響黃昏17:30支援大隊同支援大包都到達終點現場

(1)) 玩得幾開心   

毅行支援隊結局篇下

(毅行支援隊結局篇上2007年11月10日早上 07:00短休兩個半小時後我地各人又要起身為第二輪支援做準備不過唔洗講都知我地一定會鯨吞返個早餐先la08:00 早餐食過係時候幫佢地買補給law wor今日佢地order 左粥 / 炒麵 / 腸粉 / 生果正所謂比錢收貨跟住……  走去邊? 未走去開車上第二支援站 (大帽山訪客中心)law

(1) 我的早餐   

2007年11月12日 星期一

毅行支援隊結局篇上

(毅行支援隊前傳) 200711918:00 pm放工在回家途中立即聯絡支援大隊並相約18:45會合於支援總部(my home) 提取物支其實較早前已有部份支援隊員於早上8:00 為我地既參賽隊伍運送物資今年三隊出發時間分別為頭隊早上11:00中隊中午12:30尾隊下午14:00玩法係中隊追頭隊尾隊追頭隊同中隊 (各隊分配 : 頭隊4人中有兩人是第一年參賽 其中一位更是女將預計完成時間2628個鐘中隊所有隊員都有參賽經驗預計完成時間2426個鐘尾隊又名藏羊隊亦係三隊中最快的一隊而隊中只有一名隊員是第一年參賽預計完成時間2124個鐘)講返支援隊先我地已經安排其中一小支隊前往水浪窩注扎, 為各隊預備補給(各式吉野家飯盒吉之島日式手卷, 飲料)頭隊已於晚上19:10到達水浪窩 (合共走了34.1公里, 所須時間約8個鐘)而中隊亦於19:40到達 (所須時間約7個鐘)至於藏羊隊呢……… .



(1) 沙田坳道支援點


2007年11月9日 星期五

毅行支援隊前傳

2007年11月9 日有微風相對濕度54% 今日天氣非常之好又係一年一度既毅行者今年已經係第廿六屈啦亦都係我第二年玩毅行者.........自己友既支援隊哈哈哈一百公里wor我緊係走唔到la因為我已經係一個雙腳經過改做  (關節過) 既超級尾男

今天因為要開工所以只好等到收工後再會合支援大隊如同往年今年我地有3隊共12人參與毅行者而支援隊陣容亦有13人加4部支援車可以講係人才仔仔雖然走既人好多.........應該係支援既人仲多實早於前一晚11月8 日Fancy 已經聯同其中兩個隊員預備了一大鍋粥湯料同生果等安置係我屋企叔度,認真唔話得目的都係想方便今晚為參賽隊員預備補給我地今年set 左兩個支援點其實同舊年一樣一個係沙田坳道另一個係大帽山訪客中心因為依兩個地方都有理想既位置做注扎而且預計我地既參賽隊伍會分別係10個鐘同廿個鐘左右到達第一同第二個補給點,剛剛好係佢地肚餓同最想休息既時段唔想知我地今晚會玩d乜同點樣渡過依個漫長夜晚仲有唔小得既.........緊係聽日依班人點樣適應因為機因突變後而改換作熊貓生活的情況啦呢!  密切留意下一集.........

毅行支援隊結局篇上

毅行支援隊結局篇下

毅行支援隊結局篇最終回之 (一起毅行的日子)





2007年11月6日 星期二

鯉魚過壁

2007年11月4日晴有微風早上8:15背起行裝出門去習慣地每次奔走大自然前必先嘆返個靚靚早餐今天的行程只有我同另一位行友探路原本約定9:00於觀塘出發可惜有人遲到.....(唔係我)但因有法定遲到時間關係所以順廷15分鐘今天的頭盤是先到鯉魚門 這個地方差不多已有十七八年冇黎過讀書時代常常都會在這裡釣魚所以突別有情意結不知不覺走走看看都停留左成個幾鐘



(1) 鯉魚門