暢走塘朗茶香徑

2010年10月31日星期日天清氣爽 (約22度)，今天係第一次跟簡sir出隊，$25包去程車費，目的地係深圳市內最高ge山 - 塘朗山 (430米)，暢走茶香古道，早上8:30am喺福田口岸集合後就坐地鐡去世界之窗轉乘26號公巴去挑源村， 9:55am起步，全隊29人用了差不多一個鐘頭經 "荔雲登山道" 依條天梯上到去今天ge最高點塘朗山 ，真係好耐都冇試過一氣而上ge感覺，估唔到今次可以交出想當年ge一半功力，小休過後就轉接入 "茶香徑" ，因為以前喺依幾個山頭都係用嚟種茶而得名，原以為今日走過最高點後就可以輕輕鬆鬆，點知大隊選擇咗條較長ge路線，仲要上上落落多5個山頭先可以走到梅林水庫，不過咁仲好，可以睇多d.......影多d.........，結果全程小休七次加大休一次30分鐘，只係約走了5個鐘 ，下午15:00pm 就已經到達梅林水庫散隊，跟住同寵物返出去深圳市嗰邊食返個飯先返香港。

(1) 一行29人準備坐地鐡去世界之窗。

不一樣的虎豹

2010年10月30日星期六天晴 (天氣清涼 - 約20度)，約一星期前得知 "虎豹別墅" 將會公眾開放五天 (10月30日至31日和11月5日至7日 - 上午10:00am 至下午16:00pm)，所以決定今日收工點都要去排一排隊，睇一睇，影一影，下午14:00pm嚟到虎豹別墅ge大門口，已經見到一條長長ge人龍，排隊排咗45分鐘終於可以入去喇，不過今次去ge就係嚿時一直都未有對外開放ge主樓同私人花園，而以往對外開放ge花園已經面目全非，因為已經變成現今的高樓大廈，而在腦海中ge一幕一幕童年往事 (父母帶我們幾兄弟姊妹在假期時到園內到處遊玩，在那些假山及人工山洞內玩捉迷藏，而且還有很多十八層地獄浮雕)，就只能繼續緊緊的收藏於腦內。

最新消息 : 開放日會再加開11月13日和14日兩天

(1) 好多人呀.............

月照青馬

2010年10月23日星期六天晴(農曆九月十六日)，世紀超強颱風鲇魚敵唔過東北季候風，最終喺400海里外向福建閃咗過去，今早一起身就見到個天非常之正，所以就順手拎埋部相機返工，等收工之後入馬灣影夜相 (d車費同船費勁貴，葵芳 - 馬灣 / 荃灣 - 馬灣，$10一程 。)

(1) 夕陽醉了......落霞醉了.......任誰都掩飾不了............

雙翻東觀日

2010年10月16日星期六天陰 (東北風5級 - 高地6級)，早於6月份已籌備ge大東山之爛頭營觀日終於成行喇，中午我哋喺東涌集合後就坐巴士去到伯公坳 (約360m)起步，不過真係負擔太重 (水加食物加腳架..................等等等，都已經足足成30磅)，結果差唔多成16:00pm先行到去爛頭營舍 (因為全程選用咗行三停一策略，行三步停一步)，今次我哋租咗兩間屋 (18號同14號)，安頓好之後，我哋就開始行吓影吓，等吓日落再等日出....................

(1) 一行19人準備出發喇，仲有3個人會入夜之後分兩批
嚟，當然唔小得會孤身上路ge長江啦，依條友仔差唔多
成零晨2:00am先到，不過就外賣咗3筒餅乾同零食上嚟。

壹靈壹靈之魔咒焚城

2010年10月10日星期日天陰有微雨，今日要暫停擁抱大自然一天，因為我要去黑色世界........hahahaha，一早起身食個早餐之後就動身坐地鐡入欣澳，再轉乘廸士尼夢幻號列車離開依個現實世界一日咁多喇。

(1) 依部就係廸士尼夢幻號列車。

鹽田再現

2010年10月3日星期日天晴，今日輕輕鬆鬆坐船去鹽田梓 (又名 - 鹽田仔 <建村約150年歷史>)，到此一遊已經係三年前ge初夏，今次重臨又有另一番知味。

(1) 一早入到嚟西貢等坐10:30am船入鹽田仔。

慶到開花

2010年10月1日星期五天晴(東北風4級)，今日係我國61週年國慶日，自從香港回歸祖國之後，每年國慶ge時候，維港都有煙花點放，今年當然唔會有例外啦，而今年我就決定同幾個山友上..............太平山山頂 (在此多謝王氏及黃氏兩族三人幫我哋位霸)。

(1) 今晚21:00pm先放煙花，不過18:00pm已經........靚位有限。