蛇年春茗賀新歲

2013年2月12日天陰 (氣溫18至24度)，今日係蛇年大年初三，公司同往年一樣都係選擇咗依日做春茗，下午拜完年之後就嚟到酒樓高興吓，齊齊恭喜發大財。

公司特別order嘅叉燒餐包...........三大碟，用嚟做餐前小食。

當然仲有其他小吃啦。



依邊有蛇年十三張壯士。

嗰邊有新春四方城。

想飲酒............要乜有乜，紅酒 / 白酒 / 梅酒。

仲有啤酒汽水。

19:15pm準時開席啦。

埋席後第一個活動就係..............派利是環節。

今晚遊戲多的是，一邊食一邊玩，項項遊戲可以玩幾次，

獎金豐富，先嚟玩吓開口中.........$1200一圍。

仲有全新玩法geBINGO，唔洗中一行，抽十個號碼，

仲幾多攞幾多，一個窿一佰大元。

收買佬..........真係要乜有乜。

仲有啤酒勁飲大賽.............仲有燒煙鬥快大賽。

返兜再玩BINGO，今次每檯四張，一樣抽十個號碼出嚟，不過今次鬥多窿。

掛住玩，差啲唔記得介紹今晚ge美食.................鴻運乳豬全體。

踏雪藏金龍 (四斤半)

碧綠珊瑚玉帶。

百花炸釀蟹鉗。

火瞳雞燉鮑翅 (廿四兩)。

果然足料。

清蒸大海紅東星斑。

蠔皇原隻南非鮑魚扣玉掌。

當紅炸子雞。

上湯水餃生麵。

生拆龍蝦肉炒飯。

美點雙輝。

鴻運慶團圓。

黃金萬兩。

大家開開心心................笑。

你又等........佢又等..........我又等..........

有得分.............

原來係玩返幾鋪新春發財麻雀牌九，一齊開心吓.......熱鬧吓........應吓節。

想分享吓我哋龍年春茗有幾熱鬧ge話可以Click 入去望下望..................(2012年1月25日: 龍年春茗賀新歲)