甲龍尋橋

2013年3月17日星期日天陰 (氣溫21至25度 - 微風2級)，今日行程直到落車食早餐嘅一刻都依然係一個迷，因為我只喺約好幾位好友於荃灣一起食早餐，至於行邊處山就仲未諗到，而約在荃灣ge好處就係目的地可以多元化，而最終我決定以大帽山ge荃錦坳為出發點，路線就等坐車上到去先邊行邊決定，就係咁啱在落車時見到巴士內ge顯示器顯示出下一站係甲龍，所以就決定先由荃錦坳落車行甲龍古道，起步冇耐竟遇到一位高手兼貴人，短短十分鐘嘅交談，佢給予我哋一些提示去河貝水塘尋找一石橋，遠離一石檯，仲分享咗好多行山事宜比大家，另我穫益良多，亦令我今日ge行程豐富許多。

我ge至愛早餐之一............羅宋湯螺絲粉。

人在甲龍，心卻迷網，前路茫茫，終點是何方。

咁多鋤頭.............原來今日係越野單車徑ge開幕典禮，大會留返60米長條

山徑比啲嘉賓開路影相交功課，以後大家踩單車就千祈唔好行錯人行嗰

條啦，否則捉到就罰$420，仲分分鐘會撞傷人。

好在遇到你依位貴人 ，今日先可以行程充實

(為咗唔影響人唯有幫依位貴人打格仔)。

正式踏上甲龍古道，細心睇吓條路，左邊係新做ge石屎樓梯，

右邊係石迫石ge古道，資訊都係由貴人講解。

由下而上望返上去係未會睇得清楚啲呢，依家就係左舊右新啦。

左扭右扭兼會退皮ge樹。

魚咀石。

百年問路石............右去林村大埔，左邊就睇唔到。

中午12:15pm就輕輕鬆鬆行咗個半鐘行到嚟雷公田村ge引水道。

春回大地。

洋紫荊。

禾雀花。

木棉樹ge木棉花，人稱英雄樹。

差唔多13:00pm，係時候小休吓食啲生果，多謝阿 Ling 提供冰凍柑桔。

本地牛奶場，不過聞說現時嘅牛場已轉戰國內。

熱薑汁撞奶 ($16)，百份百純鮮牛奶 ($14 / 500ML)，凍燉奶 ($16)。

餐蛋出前一丁 ($24)。

小心有毒。

曼陀羅................整株有毒，種子毒性最大。花的主要成份為莨菪鹼、東莨菪

鹼及少量阿托品，而起麻醉作用的主要成份是東莨菪鹼。它的作用是使肌肉

鬆馳，汗腺分泌受抑制，因此古人將此花所制的麻醉藥取名為「蒙汗藥」。

石崗。

昔日ge菜園村，依家係地盤，未來ge高鐡站。

雞公嶺 (又名圭角山)。

上清潭灌溉水塘。

小休時間。

又有由阿琴供應ge冰凍菠蘿。

八鄉。

大家估吓依塊係乜東東，下一幅相片有答案。

真係幾嫻飲，我都唔覺意飲咗兩杯。

河貝水塘，獨特嘅S型堤壩。

離開堤壩，右手邊就係環湖小徑，不過起步時那位貴人再三叮囑下午三

時後就不要入內，就算入去也不要在對岸中間那張石檯逗留，因為他話

比我哋聽那裡陰氣重，時常會有幾位故人在那裡停留，信不信由你。

就係依張石檯，照片攝於 ((2007年1月1日)) 約下午16:30pm，

真係要講返句.......唔好意思.........打攪晒。

在貴人提示之下，我哋選擇左走入另一古道尋走一條石橋，由於此路段已

闢作越野單車徑，所以行走時要瞻前顧後，不要塞住耳仔行，留意單車。

落一大斜路之後，在一山坑位小心留意之下就會見到昔日ge石橋墩

同石橋板，不過其中一板石橋板已經倒塌。

尋得古老石橋之後，我哋回走原路返出去河貝水塘落河貝村鬆人。

當然唔小得喺元朗食埋個晚飯先散水啦。

豬排粉仔($21)。

炸云吞。

炸醬麵。

生煎牛肉包 / 生煎豬肉包 / 香煎鍋貼。

多事的我臨走時看見對面檯有一家人正用餐中，大人食飯，小朋友睇

I-PAD，可惜父母欲沒有要求小朋友食飯時不要繼續睇，而且仲親手餵

食給小朋友，等佢可以一邊食一邊睇，大佬呀...............你哋點教仔ga，

唔怪之得一代不如一代啦，唔識教就唔好生啦。