總有出頭天

2013年5月5日星期日 (氣溫21度至24度)，今朝喺中環食過早餐之後，臨時加咗個頭盤就係...........香港大會堂，而主菜就依然係出南灣岬角近賞頭洲，甜品就緊係出返香港仔嘆下午茶啦。

依個紀念龕只係開放每個月第一個星期日ge時間係 9:30am 至 12:30pm。

順路行過隔離睇埋玩具展，依期超級大紅鴨。

 

左右做人難。

今日主菜就係出依個岬角睇出面嗰個頭洲。

離開石屎路，先落一個小叢林比大家熱吓身。

對面就係舂坎角。

另一邊就係熨波洲同淺水灣。

南灣。

舂坎角山同沙灘。

沿路都有好多暗器，搵扶人真係要睇真啲先好，一個唔小心就.............

溫馨提示 : 郊外野行不要亂摘野菌，輕則肚痾，重則送命。

尾段林路比較密，若要求一路，必需帶剪來，好彩我把開林剪係隨身帶的，

而朱腸粉亦有備而來，再加上仍有小部份前人留下的認路彩帶。
依段路都用多咗時間，不過緊記要小心認路。

終於到岬角咀啦，最出嗰個就係頭洲啦。

依度竟然有個竹棚用嚟網魚。

第一次喺依處睇返淺水灣。

南灣，本來一心打算綑邊返南灣，可惜水未夠退，

只能走小段回頭路再接駁落山路。

大休半個鐘之後，13:50pm係時候鬆人啦。

再見啦..............頭洲。

在最尾段ge山坳有一林路向山下走，我哋決定一試，希望佢係落南灣沙灘。

果然選擇正確，落咗約六七分鐘已經見到南灣沙灘。

 

燒......燒........燒橙，佢哋話清熱氣，有機會真係要試一試。

15:00pm出到南灣，我哋決定打的 ($73) 出香港仔食個泰式下午茶，依個係

我最愛之一ge清邁叻沙雞翼米線 ($38 / 凍飲加$3 - 80分)，有成四隻雞翼ga。