2013年6月12日星期三 (氣溫24度至28度 - 北風4級)，今日係端午節假期，亦係第二階段開放禁區 (由羅湖至落馬洲內嘅六村..........得月樓村 / 料壆村 / 馬草壟村 / 信義新村 / 落馬洲村 / 下灣村 ) ge 第二日，早於上個月尾得到消息後已立即相約一眾好友安排是日行程。
起步前先喺河上鄉影返張相先。
昔日嘅禁區牌已拆除。
真係辛苦晒...........今日多咗好多警員在提示大家路向。
昔日禁區ge神秘世界，今日終於可以大大方方咁展現比大家。
多謝阿Sir派給大家ge道路使用安全單張。
今日終於可以在鐡網外堂堂正正咁走來走去影吓相。
料壆村。
好特別ge路牌。
途中遇見生果報記者同我哋朱領隊做咗過訪問。
麥景陶調堡。
終於嚟到接近落馬洲出口處，搵到一戶有汽水賣，而且仲有.............
老板娘原本收我哋$50大元，後尾佢話益吓大家，
依個粘米大樹菠蘿只收 $40，好甜好爽。
昔日落馬洲禁區 ge 警崗。
落馬洲村。
最後一站...............下灣村。
仲未完成ge禁區閘口。
下灣村內竟然有碼頭。
全新禁區警崗。
今日行完六村之後再喺元朗食飽飽，係時候返屋企抖一抖。
沒有留言:
張貼留言