2012件12月23日星期日(天寒地凍)，臨近聖誕節，今日我哋行程簡單又輕鬆，朝早9:00am喺西貢集合之後食個早餐，跟住坐船入去鹽田梓 (又名 - 鹽田仔) 輕輕鬆鬆行一圈，跟住出返嚟西貢嘆個下午茶，再預備心情準備迎接今晚ge第一個聖誕節 Party。
一早起身個天都幾靚。
不過真係幾凍，氣溫得11度咋。
想知有幾凍，睇吓佢哋未知囉。
西貢內海難得遇見ge白頭浪，通常都係吹大北風先會有。
見到佢哋ge聖誕頭飾我就諗起........又到聖誕.......
又到聖誕........下個聖誕........有冇咁嘆.........
經過15分鐘ge船程再加 $35 就嚟到鹽田梓 (又名 - 鹽田仔)。
第一次見依款年糕。
妖怪樹，莫非佢想食咗路過ge人。
鹽田教堂 - 聖苦瑟天主堂。
傳說中有角ge鹽田怪獸終於出現啦。
聽個名都驚驚啦..............地墓村。
上到嚟小山丘，可以睇到馬鞍山同西貢市。
另一邊就可以睇到........滘西洲。
連接滘西洲ge一條河堤。(又名 - 玉帶橋)
再深入陣地就係滘西洲高爾夫球場。
睇完高爾夫球場就要淨雞雞行回頭路返去鹽田仔，依條水道已經變成一個遊艇停泊處。
昔日ge鹽田遺址。
閒遊一圈後當然唔小得嘆返吓喇 !
我哋坐下午14:30pm船出返嚟西貢舊墟行吓街，再沿路尋找一間百年大宅。
方氏大屋係西貢方氏家族的古老大宅，建於1920年代，樓高兩層，屋頂
建有監察山賊的「女兒牆」，屋主曾於1942年開辦當時西貢唯一的小學
- 公立學校 (小一至小六共六班)，校舍10年後才遷至今天天后廟旁。
睇完大宅，順路出嚟金山粥店食碗粥，點知嚟到得返腸粉食，不過都好過乜都冇。
即叫即做ge蝦米腸 / 叉燒腸 / 豬潤腸。
嘆完下午茶就坐小巴走人，預備心情迎接今年ge第一個聖誕 Party。
辛苦我哋ge主廚.......琴琴，仲有其他咁多位有份出力ge朋友，依個係羅宋湯。
雜果蟹子沙律。
釀雞翼。
小食大拚盆。
肉醬螺絲粉。
唔記得個名，所以我幫佢改咗個名叫.............碎蛋沙律蟹子餅。
西貢即切...........ham。
菠蘿腸仔。
蘑菇意粉。
翻版澳門生果酒。
食完仲有由Sheryl 讚助 ge 聖誕CAKE。
當然唔小得香甜大橙清新吓個口腔啦。
想睇兩年幾前ge鹽田仔之行就請Click入去...............2010年10月03日 : 鹽田再現
沒有留言:
張貼留言