2012年12月31日星期一 (氣溫10至15度)，今日就係除夕，2012年仲有一日咁多就完結啦，明天就係新ge一年，往年我哋一班山友入咗塔門玩倒數，可惜今年大部份人都要開工，為咗方便大家，我哋一行十六人早兩個月前已經安排咗一處都幾交通方便ge地方嚟開個party玩倒數，再得玩旦嗰日一齊登高行個大運，依處咁好ge地方之唔係...............摩星嶺。
今日17:30pm收工，趕住攞部相機入廠之後就輕輕鬆鬆過到嚟上環，
襯仲有小小時間 (20:30pm先有接駁車)，走去嘆返個豐富ge晚餐先。
四人一房，好乾淨企理，仲有冷暖氣。
由於已有先頭部隊比我哋早到營社，所以我哋一入飯堂
已經可以開餐啦..............(薑蔥蒸海鱸)。
燒鴨。
大海蝦。
蠟腸蒸飯。
今晚ge主打...........烚吓烚吓打邊爐，其實仲有好多嘢食ga，
好似鹽焗雞 / 灣仔再興叉燒 + 燒肝等等。
2012年最後一日ge香港夜色。
食吓玩吓ge時間已經不知不覺距離倒數唔夠半個鐘，依個時候原來
仲有homemade蛋糕作今年最後一日ge甜品。
10.....9.....8.....7.....6.....5.....4.....3.....2.....1......Happy New Year。
Yeah.....................
倒數完仲有精神ge話，可以再繼續玩吓啲益智遊戲開心吓。
2013年1月1日淩晨2:00am..........
瞓咗四個鐘之後，元旦我哋6:30am就彈起身，準備上魔星嶺頂睇吓2013年ge晨光。
2013年身一份早餐就係...........燒味餃子烏冬。
嘆完個早餐，行行企企一陣之後，我哋坐9:30am接駁車返落上環，
準備迎接全新一年ge首次登高。
仲乜班友仔停晒步係咁影。
原來可以入咗去聖誕節雪影球裡面。
冇嚟中上環一排，原來依度已經變咗係露營區，唔知係歸警方定漁護處管轄ge呢。
行前啲見到ge又有啲唔同，依個區域唔係過夜，只係日租，仲係最新式ge紙間房。
不過啲大家都好nice，佢哋仲好歡迎我哋入內參觀，臨走前仲
送咗兩盒小點比我哋做新年禮物。
新一年，我哋首次登山活動就係坐車上山頂...............哈哈哈哈哈。
依個就係西高山昔日ge登山口。
元旦個個運吉登高，咁今年就大吉大利啦。
小休一會就開始落山啦。
我哋朝住魔星嶺ge方向落山，實行元旦運吉行大運。
終於返到落嚟啦。
下午14:15pm我哋第一時間跳上巴士落北角飲下午茶。
又係示威遊行，次次最尾就一定係............沖出馬路.......倒塞交通..........，
遊行示威唔係大晒ga，唔該照顧吓其他道路使用者ge權利同感受。
嘆完茶之後，大家你一輪byebye，佢一輪byebye之後，我都一於好小理，
走去食埋個甜品先鬆人，咁新ge一年就開始得好甜美啦，所以我 order 咗
凍ge冰花燉蛋 ($13) / 西瓜蘆薈汁 ($15)。
Sonia就order咗鮮奶燉蛋白 ($18)。
想睇去年ge倒數party就請Click入去...............2011年12月31日 : 徐夕倒塔到元旦
沒有留言:
張貼留言