四日四夜公司之旅 - Day 3 雪橇飛天

2013年1月13日星期日(零下4度)，嚟韓國已經係第三日，今日依嚿一早七點鐘起身換衫落樓食早餐，正所謂出得嚟玩就緊係玩到盡啦，食過早餐，有啲同事們已經準備去滑雪，當然有啲仲未起身啦，而我同Sonia就緊係繼續玩玩玩玩依個滑雪場其他啲好玩ge嘢啦!

酒店早餐ge質數同味道就一般，不過都可以接受。

食飽咗就要出去搵嘢玩。



個個坐晒喺個兜度仲乜東東。

原來係玩雪兜 / 雪橇 (W20000 / 半天任玩)，3.......2.....1.......我嚟啦 !

嘩......嘩......嘩......

滑呀.........滑呀.........

我玩咗10次，Sonia仲玩咗12次。

玩完雪橇，我哋再會合其他人一齊玩多次雪地四轆電單車。

今次我玩大車 (W15000 / 單人) (W20000 / 雙人)，仲可以載住Sonia一齊兜圈。

唔洗講都知係醫肚時間啦。

食完午飯就再陪其他人去玩雪橇，當然我就唔會再玩啦，我就緊係影相啦。

玩完雪橇，比我哋發現咗原來仲有一樣幾過癮ge嘢玩，

大家又估吓我攬住條圍裙仲乜。

就係放人肉紙鳶，呀........我要飛往天上.........呀.......像那天鳥翱

翔.......... 呀.......... 那裡充滿希望........... 呀.......... 找那溫暖太陽

一返落地就即刻走去買嘢食。

玩完升空遊戲，其他人已經開始攰，一啲走咗去coffe shop 度嘆咖啡，

一啲走咗去食嘢，而我同Sonia就...........走咗上山。

原來吊車下面都幾多嘢執，佢郁緊ge時候真係唔

好行佢下面，如果唔係頭獎話咁易就中。

啲雪又真係好深，腳腳都唔見咗對鞋。

影完夜景，食時候去醫肚啦，今餐我哋選擇食包。

食完包仲即刻行埋過嚟依間啱啱由阿姨介紹ge酒吧

餐廳 (Building 201)，不過唔係嚟飲酒，而係食嘢。

阿姨推介.................人參雞 (W16000)，真係又平又正。

甜不辣餃子 (W16000)，好大窩，餃子起碼有24隻以上。

燒烏賊 (W13000)

仲要有免費 WI-FI，食完就可以暖笠笠咁行返去酒店休息啦。

想睇吓我哋最後一日點樣玩，請Click入去...............
(四日四夜公司之旅 - Day 4 雪再見)

想睇返我哋Day 2 點樣玩，可以Click 入去望下望..................
(四日四夜公司之旅 - Day 2 四個轆滑雪)