悠悠閒閒荔枝莊

2008年12月28日天陰有微雨，今天一早追蹤完龍津橋之後，就立即坐小巴入西貢同d山友一齊嘆早茶，雖然我已經8:45分到，不過佢哋已經開咗兩圍係度食緊，好彩我都趕得切，大刷一輪之後，我哋就分4部的士入去榕樹澳，開始我地今年最後一次ge 擁抱大自然。

 

(1)

追蹤龍津橋

2008年12月28日天陰有微雨，我由9月份喺網上知道今年4月初喺舊啓德機場發現咗一條有超過130年歷史的龍津石橋部份石板後，至今已經4個月喇，而我就好似中咗毒咁不斷去keep住影相，上一篇(消失的龍津橋)係我頭3次所影到ge嘢，而今次已經係第5次去影相喇 (之前四次分別喺今年ge10月7日 / 11月1日 / 11月15日 / 11月30日)，其實每次都要好早起身出去，不過好彩每去一次都有新ge發現，總算有d回報。

*****以下分組是由小弟自編，如有錯亂，請多多提點修正。*****

龍津橋橋板

 

攝於2008年11月30日

(1) 龍津橋仍被沙泥覆蓋。

梅窩的另一小角

2008年12月25日天晴，今日係聖誕節，我哋今日決定輕輕鬆鬆咁行返轉，目的地就係入過去無數次ge梅窩，不過今次ge主菜係.......更樓，我地一行23人先探涌口ge袁氏大屋(不過有惡人加惡狗.......小心小心)，之後再步行入鹿地塘睇曾氏更樓，就在尋找最後一座更樓時，我哋有緣地巧遇一名原居民(廖太)，而且亦非常投緣，亦因為佢ge出現而改變咗我哋今日餘下ge行程，廖太先熱情咁招呼我哋到佢屋企參觀，其後更引領我們尋找一個差不多已經消失ge蝴蝶山更樓，仲有就係帶領我哋走入一處遠離繁華(沿路勁多惡狗)，以農務為生ge私人農場，總知一句，今日ge行程另我更了解梅窩這個地方，而我哋臨走前更向廖太表示，下次再去梅窩一定會探佢。

 

(1) 出發啦~~~~~~

遺忘了的平安夜

2008年12月24日平安夜(約19度)，好耐都冇試過睇聖誕燈飾啦，今日忽然心血來潮，於是乎一早攞部相機帶埋腳架返工，等待收工ge一刻，出去尖沙咀感受一吓聖誕節ge熱鬧氣紛。

 

(1) 今年d燈飾好似小咗好多............同
我細路仔ge時候比較。

初探香園圍

2008年12月21日天晴 (冬至)，今日我地ge行程係非常之輕鬆，一行10人早上9:00喺粉嶺坐車入坪洋，原路上都見到d村民喺度燒炮竹，可能今日係做冬ge關係，大家整理好行裝之後，我哋就開始漫步入去品嚐今日ge主菜..........香園圍，而依度將會係未來蓮塘口岸關口ge發展地帶，因為早幾個月前新聞報導邊境禁區的新定界綫在2010年實施後，禁區面積會由約二千八百公頃，縮減至只剩餘四百公頃的保安緩衝地帶，分階段釋出的二千四百公頃土地，相信在未來時間，一定又會大興土木，修橋築路，想要細嚐昔日仍未被污染ge村落，可能只可以在書籍上先可以睇到啦。

(1)

聖誕節又黎啦~~~

魚排BBQ

2008年12月13日星期六明月清風，約咗兩年先成事ge魚排BBQ終於成團啦，我地喺大埔買完嘢都已經成18:30，跟住坐的士入三門仔，草蜢大師已經喺碼頭仔等緊我哋，一行12人立即跳上駁艇，不到幾分鐘已到達草蜢大師ge魚排，今日ge天氣真係非常之好，唔會太凍太大風，而且又唔熱，海面又非常之平靜，真係好舒服，而且我地買咗好多正嘢.......靚靚牛排 / 牛抑粒 / 香草洋掛 / 沙白 / 游水大海蝦 / 新鮮青口 / 蜆等等，大家開開心心的玩到12點幾才say good bye，如果可以快d再攪多次就好啦。

() 明月當頭 .....現場好靚ga (不過冇帶腳架) ，所以影到咁。

蛇皇蛇唔足

2008年12月9日天寒地凍，放工之後一支箭咁坐車出去太子，因為行山隊攪咗個 (蛇宴聯歡聚餐)，而今日ge氣溫約17度左右，真係凍凍地三蛇肥，不過就要佰四蚊一位，但係就有獎抽，本來一心諗住今年一定要噗返個糯米飯 (因為年年都飽得滯食唔落)，誰不知食到一半ge時候，我隻寵物收到個緊急電話，發生咗小小ge私人事務要處理，眼見只餘15分鐘就要離開，但係仲有5樣餸未黎，獎又未抽完，莫非.............，不過唔知點解，個廚房好似知我趕時間咁，嗱嗱淋咁出晒d餸出黎，就連個糯米飯都比我有機會食埋先走，而抽獎亦喺我離開之前抽完..........當然一份獎都唔中啦，以往食飽之後都會同d山友吹吹水，結果今次我地個圍d人都仲未食完，我同寵物就連聲要講...........唔好意思、唔好意思咁先行離開去處理一d私人事務，不過好彩我已經報咗下個月ge另外一餐蛇宴，一於下次先再黎食餐勁ge。

(1)

坪洋深度之行

2008年12月7日天晴，中午自行入到坪洋村會合豬腸粉，食過腸腿麵之後，便開始今日坪洋深度之行，因為今次只係打算見路行路，沒有指定ge目的地，所以最後左兜兜右兜兜，兜咗入去瓦瑤下，然後最終都係兜返出去坪洋村，不過在起步時，啱啱同村內一個小朋友吹緊水，於是我哋就結伴同行，邊行邊吹水，原來依個小朋友正是村長ge公子，而且同我地一d代溝都冇，最後仲同我地豬腸粉交換咗電話，等我哋下次入去ge時候再搵佢玩。

(1)
 

廿四孝亞婆髻

2008年12月6日寒冷，今日係今年入冬以黎最凍ge一日，市區只得12度，因為8:15集合，而我又要留返半個鐘嘆個早茶，所以一早天未光就已經出門口直往深圳，今日跟社長去深圳亞婆髻，車程太約個半鐘，約10時鬆d就到咗山腳，一行16人就沿住山上果林ge路，一路行到上半山，再經過一個採石場之後，已經離山頂不遠啦，正當要繞過個髻底時，先發覺原來跣到你要爬住行。

(1) 開步啦~~~~~

無字碑之迷

2008年11月23日天晴有微風，一早未夠9:00就已經喺大潭水塘開始上走大風坳，一行九男女要趕在10:00前報到，因為應成咗豬腸粉幫旅聯今年 (2008港島徑越野馬拉松大賽) 做大風坳站ge支援人員，經過幾個小時ge 優閒工作之後，約13:30就跟大隊車徹離大風坳，前往大潭檢查站，由於支援隊ge工作已經完成，而且時間尚早，所以決定餘下ge下午時間，跟車返出去大潭峽迥旋處落車，開步前往.........石碑山，去會一會這個仍然眾說紛云，佢ge存在到現在依然都仲係一個迷.................無字碑。

(1) 大家.........開步走。

神秘的石鼓

2008年11月16日天晴，今日跟社長出隊，去一處又係想咗去好多年ge地方，由於事前已經知道名額有限，所以早在2個月前一出行程已第一時間報名，講咗咁耐都仲未講邊度，一個唔會接待外來船ge地方，一處平時唔會比人到訪ge神秘荒島，其實佢只係同長洲相隔約兩公里ge...........石鼓洲。

(1) 香港代表作.......人力車。

水陸鐡板燒

2008年11月15日天晴，早兩日收到老點ge電話，約咗入去老點居食海鮮，本來一心諗住同以往冇乜分別，點知真係又有驚喜...................，飲吓食吓又傾吓，最終大家都食得又飽傾得又開心，不過又要鳴謝老點今次ge全包宴。
 

(1) 新鮮由艇家運到ge.........

消失的龍津橋

2008年11月15日天晴，不知不覺最近依2個月已經去咗依個地方兩次啦，而今次亦已經係第3次啦，點解我會去得咁密，事原早於9月時喺網上面看見一則新聞，就係今年4月初喺舊啓德機場發現咗一條有超過130年歷史的龍津石橋部份石板，屬於早年石橋的遺蹟，其中一段長達80米石橋相信仍保存在地底下。由於之前2次都係無功而回，(第一次就比d水浸晒，另一次就係水退晒之後比d泥埋返落下面)，但剛剛的星期一經過ge時候見到數架掘泥車各同有幾部私家車喺度，所以早兩日決定今日一早再走返轉睇吓，結果...........................

(1) 攝於2008年10月7日，在水ge中央部份就
應該係龍津橋ge遺址。

齊齊去印塘執毛

2008年11月2日天陰，行山界有一句話............(中國有蘇杭，香港有印塘)，每次去到印洲塘都給我有一種好舒服寧靜ge感覺，今次跟社長出隊ge目的地係紅排，大隊先輕輕鬆鬆的短走一段海岸，好快就坐駁艇過紅排，大休過後就再轉過執毛洲，雖然執毛洲同紅排都係兩個非常細小的地方，但都給人有不同之處，由於今日又係要守尾，所以剛剛落艇唔夠五分鐘，又話要跳返上艇過往灣洲，而最後大家就好似漫無目的咁行呀行呀，終於個多小時後就停下來，等大船執返我地依班孤兒仔。

 

(1) 一上岸先嚟張大合照先.............

當茅湖古堡遇上魔鬼炮台

2008年11月1日天陰吹清勁東北風，我地一行5個人已經有4個人一早9:00就到咗集合地點，最終4個人都係要等一個自私的人，因為依個人又一次一次偷咗大家ge時間(遲大到)，經過15分鐘後，我地就行去裕文坊坐小巴去靈實醫院，正式沿山路開始今日ge行程，上走茅湖山途中經過一座古堡遺址，一輪影相留念之後，我地就繼續向山頂進發，不消5分鐘，已經到達茅湖山頂，小休數分鐘後，我地就由老師帶領，前往昔日老師在細佬仔時經常玩樂的一個防空洞，我地經過一輪搜索之後，終於搵到個入口啦，洞內ge通道雖然好窄，但內裡卻有兩三個可容數十人的大室，經過幾分鐘ge探勘之後，我地喺另一邊ge洞口出返黎，由於時間仲早，所以我地決定再加遊魔鬼山，但沿住山路進發其間，因為個天開始落雨，所以我又再一次更改路線，改向鯉魚門徹退，其間意外地比我地搵到條路落去近海邊的大炮台，這個炮台喺上一次魔鬼的炮台ge行程裡面搵唔到路落去ge大炮台，所以我直頭開心到跳起。

(1)

苦等4年的長岩險岸

2008年10月26日天晴，今日比天文台搵咗笨，又話多雲，點知曬到成隻野咁，真係唔方唔多暈呀，講返今日ge行程，等咗4年...............終於可以一攀娥眉洲ge長岩險岸啦，我地先喺木筏頭搶灘登陸，沿途經過一兩個險位之後，就喺鶴咀環大休，食飽後，我地又要向長岩出發，先黎再走幾個險位，好快............等咗4年ge長岩終於可一嘗走走啦。

 

(1)

久違了的大頭洲

2008年10月18日天晴，今日個天真係好正，我地只有三丁友，由老師帶隊，目的地就係一個小小的大頭洲，雖則依度我曾經踏足過無數次，卻原來一張相都冇影過，其實這個地方對我黎講係非常之有情意結，中學階段差不多每個星期六都會同一班朋友仔入黎吹吓風...........睇吓浪，不過依家所有ge片段都只能回味，都係講返今日ge行程先，一個唔係好大ge島，竟然石景多多，我地左影右影都仲未影晒，不過已經用咗成3個鐘有多，於是大家都決定返去石澳食d野，留返下次先再玩過。

(1) 石澳石灘.........很多很多的中學回憶。

魔鬼的炮台

2008年10月7日天晴，今日係重陽節，所以我都登吓高應吓節，中午11:00，我地一行三人先彩虹坐地鐡出發，到油塘之後就開始步行上山，沿途見到唔小孝子賢孫，而我就選擇咗一條比較舒服的山徑經高俊苑上走衛奕信徑到魔鬼山(日軍佔領後被易名炮台山)，貪玩ge我地就沿途見乜玩乜，原本只需要行個多小時ge路程，我地竟然玩咗成5個幾鐘，仲要係未玩晒，睇黎我地都係要再黎多次先可以.................哈哈哈哈哈。

(1) 重陽節就係重陽節。

偷闖禁區望神洲

2008年10月1日天晴有風，今日跟社長走洲頭頂，我地先到曾經是熱門旅遊景點ge落馬洲觀景台一望我國神洲大地，跟住就回走今日ge主菜.........洲頭頂，本來一心今日可輕輕鬆鬆的走返轉，點知.............先黎在村內左穿右插，終於喺一面又斜又勁多碎石ge山坡自行開路直闖山脊，功力唔夠個d行友就要手腳並用咁爬上去，好快我地已經到咗洲頭頂，小休過後，大隊就再次攀山越嶺，穿越禁區界線的走多咗兩個山頭到達馬草壟。

 

(1) 起步啦........

十一國慶煙花耀香江

2008年10月1日國慶節，今年係中華人民共和國慶祝59週年，維港依舊以放煙花黎與民同樂，不過因為今日行完山，所以都係決定喺屋企睇就算啦...........，雖然係遠d，不過都幾唔錯ga。

(1)

水口摸蜆

2008年9月15日天晴，今日特登入去東涌食返過lunch，跟住中午13:00會埋阿美佢地成堆人一齊喺東涌坐車入水口，因為阿美話帶我地去摸蜆，其實我從來都未玩過摸蜆ga，所以覺得非常之開心，不過入到去先知原來已經有好多人喺度摸緊，原本我地有一個大把用黎掘蜆，但當我試玩過之後，我知自己已經唔再係一個後生仔............條腰同個膊頭即刻散晒，於是我都係用返d細件頭工具，經過3個鐘ge努力之後................哈哈哈哈(睇相啦) 。

(1) 水退後ge水口.........好大ga。

八月十五的月光

2008年9月14日.......農曆八月十五，今日就係中秋節，人月兩團圓.....................

大磡長洲追火龍

2008年9月13日天晴，繼上個星期(大磡三寶)之後，今早9:00我地一行4人再次搜查大磡村，由於上星期玩咗單人大戰四狗ge遊戲 ，所以今日大家都自備咗打狗捧以防萬一，我地以極快ge動作閃咗入去鐡網重重ge大磡村遺址裡面，好快就已經搵到我上星期仲未搵ge野.............機槍堡，經過一輪深入詳細ge偵查之後，我地就好滿足咁立刻撤離現場，走去坐車趕住乘坐11:45ge渡輪入長洲 ，會合埋老點一齊去飲茶，跟住就再去尋找之前仲未搵到個2舊長洲界石(長洲尋界石)，由於今次有備再來，No.6 的界石好快已經搵到，於是我地就立刻去搵埋最後一舊No.6ge界石，由於沿路兩邊都係一d已起ge墳地，所以我地都行得好小心，萬一跌到就真係大吉利是囉(個坑一定夠長)，經過一段密林之後，我地依然仲未搵到，但由於個天真係好熱，我地決定放棄搜尋............下次再黎過，不過No.3個舊都算叫做搵到個入口啦，下次應該一定可以搵埋最後個一舊界石，之後我地就去咗老點居ge長洲分陀沖返個涼，休息一陣先出去食晚飯，食完飯我地仲夠時間行吓沙灘迎吓月，之後先趕出去大坑睇舞火龍........(趕唔切就變咗睇.......冇火龍)，不過最終經豬腸粉ge引路下，我地都趕得切睇到最後個半個鐘，所以今日真係行程豐富，仲有火龍迎月。

(1) 果然鐡網重重。

小鴉洲風雲

2008年9月7日天晴，經過兩個鐘ge船程，終於黎到今日ge頭盤，就係位於大鴉洲對出的一個衛星小島........圓崗洲，登岸後，第一件事就係剪林開路，因為依度有一個貫穿小島兩邊的一個海蝕洞........通心洞，做過熱身之後，大隊就直航到達小鴉洲，今日終於可以一遊風雲海岸啦，黎依度我已經等咗四年啦~~~~~，點知最唔好ge野終於又發生咗，我個膝頭d老朋友又黎探我，沿途d石舊舊都好似部車咁大件，又要爬又要穿石巷，結果好唔容易先走畢全程，真係想小d力都唔洗旨意可以行得完，正當最後攀落一舊大石時，竟然條褲食咗成10幾支露兜葉d刺，一輪急救後，就喺北灣個沙灘同大隊分開咗，唯有自行穿林過反去另一邊上船，點知今次老貓燒鬚，喺個林穿咗10幾分鐘，結果都係走返出黎北灣，最終都係要由文源大哥過黎點條明路比我，不過今日都影漏咗d石景，睇黎下次又有借口可以去多次。

(1) 青洲。

大磡三寶

2008年9月6日天陰有雨，大磡村.........一處已經不存在ge木屋區，但很多人都唔知原來依度有佢珍貴ge歷史遺跡喺度，不過依家ge大磡村，已經比d鐡絲網圍到實一實，而裡面d草同樹長到好似森林公園一樣，從外圍走了兩個圈，最終都比我搵到偷偷鑽咗入去ge途徑，但由於啱啱落咗場大雨，所以d路都非常之唔好行，正當我入到心臟地帶時........飛機庫，本來一心以為可以影返幾張靚相，誰不知相機都未拎出黎，結果換黎3隻惡狗ge招呼，牠們由對面山丘的草叢不斷惡叫，我唯有立即回頭退下火線，正所謂一人難敵四狗。

(1) 好難想像之前依度係一個木屋區。

荒島哈哈笑

2008年8月31日天晴，今日又係跟社長出東海，目標就係大洲同尖洲，其實佢地ge位置就喺西貢西灣對出的兩個小島，不過要一登依兩個島，並唔係一件容易ge事，因為一定要睇天架.........大浪上唔到，潮漲又玩唔到洞，不過我地就計到啱啱好，經個差唔多兩個鐘ge船程之後，終於見到哈哈笑島(尖洲)啦，想知點解會咁叫佢..........一陣間睇吓相就明ga啦，依個島d岩石真係好靚同好特別，大家綑遊咗一圈之後，個個都笑住上返大船，本來一心會過埋大洲，但因為未退晒潮，洞口仍然未預備好比我地入去。

(1) 你看見 "尖洲" 的微笑嗎?

萬里坪洋尋石問路

2008年8月24日天晴，今早起身發覺個腳踝冇乜點痛，於是就臨時決定去行吓山，我地一行12人先走返轉萬里長城，沿軍車路由虎地坳過坪輋，結果曬到成隻野咁，好彩中途有黃氏恩人提供冰凍可樂一罐，一解乾煎之苦，當大隊一落到去坪輋，大家都第一時間跑去士多買返支汽水救救命，小休過後，再由豬腸粉開小抄帶我地去睇坪洋響石，而本來下半part去鳳馬古道ge行程，亦因天氣太熱而再改期，其實玩完響石ge時候已差不多15:00啦，大家係時候走去填吓個肚啦，依個時候，我忽然記得早兩星期前在圖書館看過一本書，內裡介紹咗一舊問路石.........(指示ge地方係好特別，相信已經係好多年前樹立喺個度)，為了進一步探究，我就走去問問士多ge村民，得到太約ge位置之後，於是乎立即再聯同豬腸粉在村內到處搵，不過就要好小心.............小心好多惡狗，穿過村中巷道之後，哈哈........真係仲喺度，今日可算係收穫豐富。

(1)