(1) 點解個個喺入面而你喺出面ge....乜你又遲......
2007年12月31日 星期一
分流之行
2007年12月30日天晴寒冷,氣溫只得12至15度,我地一行九人於早上10:00正入到大澳,再轉乘駁艇前往分流 (因為唔想走石屎路),先在岸邊綑了一小段,便走了去分流東灣的牛鼻窿,幸好豬腸粉帶了繩索,使我們成功攻佔了一個天然石室,做了海盜皇,之後返回分流炮台,再摸石筍頂,犀牛角石....... 落分流西灣轉走煎魚灣出象鼻崖,然後再折返二澳出番鬼塘食晚飯(美味齋宴),最後以香滑車站豆腐花作為今日ge總結,回程已經係晚上19:45了。
2007年12月30日 星期日
2007 聖誕神洲行day 2 – 水鄉情懷
2007年12月26日天晴寒冷,比預定 morning call 時間早了一個鐘起身,目的係想落街到處睇睇。當大家都準時7:30係車上等開車時,唯獨有人又因為要影日出而遲了十五分鐘,想要影相應該好似我地咁早起身ma。真係..........。
2007年12月29日 星期六
2007 聖誕神洲行day 1 – 淘金之旅
2007年12月25日天晴寒冷,天氣報告15-19度,準時早上5:00彈起身收拾行裝迎接聖誕神洲兩day行,6:15出門。經過一個小時的車程終於到了羅湖口岸,可能因為太早關係,過關非常順利,吃過一個苦等咗半個鐘ge遲來的早餐後,才施施然的行去集合地點,但奈何等了15分鐘還未出發呢? 追問之下得知有一家四口正在過關,遲的原因是因為有小朋友忘了帶自己的証件, 但大家都覺得更可笑的是,小朋友的証件唔係大人幫佢地準備ge咩? 原先以為事事暢順的一天,大家就係企咗係度半個鐘有多,最後我地比起原先出發的法定時間遲咗一個鐘。所以奉勸大家一句 (童男童女就救苦救難,遲男遲女就累人累己)。上車後,領隊及導遊一輪介紹後,大家就zzzZZZzzz,經過三個半鐘頭的車程後,我地先到達行程安排的第一個景點,鼎湖區ge(憩庵),她除咗有千年歷史之外,國父 孫中山 先生亦曾在憩庵內的一個小碼頭上岸及在此度宿過。
2007年12月28日 星期五
東九圍城
2007年12月22日天晴,不用返工ge星期六,亦係一年之中最大ge節日 (冬至),中國人傳統冬大過年,所以一早街市已經人頭湧湧,令我想到舊時d村莊依一日是何等熱鬧,忽然之間,心想找條村閒遊一下,於是就坐巴士去咗一條我差不多每日都會經過,但從來沒有細心欣賞過的一條圍村,一條在社會急速發展下將被活埋的圍村 (衙前圍)。隨身攜帶相機ge我,就立刻跳上巴士,不用5分鐘,衙前圍已經就在眼前。
衙前圍村以陳、吳、李三姓為主,約於1352年間立此為(衙前村),村民多以捕魚為業,惟昔日新蒲崗仍未填海,村民常被海盜滋擾,因而在村莊加建圍牆,故有(衙前圍村)之稱。而門樓、(慶有餘)牌匾、以及圍村中央的天后宮屹立至今被譽為圍村三寶。
衙前圍村以陳、吳、李三姓為主,約於1352年間立此為(衙前村),村民多以捕魚為業,惟昔日新蒲崗仍未填海,村民常被海盜滋擾,因而在村莊加建圍牆,故有(衙前圍村)之稱。而門樓、(慶有餘)牌匾、以及圍村中央的天后宮屹立至今被譽為圍村三寶。
(1)
2007年12月18日 星期二
麒麟爬樹 - 上回
2007年12月16日天晴(煙霞)有風,今日之行程是探路形式,因為我地沒有一個曾經留底過腳毛係依度,早上10:00在上水火車站美心吃過早餐後,我地一打人就坐小巴前往麒麟村,落車整理過行裝後,10:45正式開始上山,今日主要既行程係由麒麟村上麒麟山西崖摸頂( 222m ),正因為沿途沒有正規之山路,所以上山初段必須穿插數個墓地才能進入西崖之山幅,繼而摸草而上,所以自由度非常之大。
(1)
2007年12月6日 星期四
閒遊白沙洲
2007年12月2日,晴有微風,早上11:00一行十人剩街渡前往白沙洲閒遊加野餐,這個小島唔係好大,只有一條沙堤連往小鏟洲,快綑連摸頂的話,不消半小時,但我地竟然可在此消磨大半天,你話我地係未真係好得閒........
(1) 冇污染....冇垃圾....正
2007年12月2日 星期日
2007年11月27日 星期二
蚺蛇米粉
2007年11月25日,晴有風,為了想小走那些石屎路,我們一行5人由黃石碼頭乘大飛到赤徑起步(位位$20.-),早上10:00 從赤徑起步,不消廿分鐘已上到大浪坳,整理過行裝後,便迎戰我們今日的第一道主菜蚺蛇尖,雖然這個地方我已經到個好多好多次,但每次上去都給我有唔同的感覺。.
(1)
2007年11月24日 星期六
幾開心的年宵2007
2007年11月24日, 一覺醒來太陽還未出來,今日又唔洗返工,於是乎打開電腦睇吓相,忽然睇到一輯file的相片, 就讓我記起2006年12月的某一日, 有個佬友打黎問我農曆年前得唔得閒, 有冇興趣玩玩年宵, 因為佢地今年年初係長沙灣年宵市場投了一個熟食檔, 正值個時我D工作時間非常之自由, 而且又未玩過, 所以諗都唔諗就一口答應咗。
距離開檔日子仲有一日的一個下午, 電話響起, 因為人手抽調唔到, 所以call 我去幫幫手set 檔, 一輪爬高爬低之後, 能力可做的都已經做晒 但因裝電工程有小小延誤, 所以開檔時間需要順延一日到2月12日先可以正式運作。
時間一日一日近, 心情一日一日奮 (興奮), 終於到開檔既第一日2月12日啦, 中午時份各有各到, 大家走過對面吃過午飯之後, 就開始Set爐煲水, 烹調煮食...........忙了一大輪之後, 差不多四時左右就正正式式開檔大吉。
(1) 開大............檔
訂閱:
文章 (Atom)