黃泥淺水游

2013年6月30日星期日 (氣溫34度 - 東南風4至6級)，今日係一連三日回歸假期ge第二日，想行吓山........但又唔想太辛苦，所以決定返兜一條早幾個月先行過ge超爽路線.................黃泥涌落淺水灣。

藍天白雲ge黃泥涌水塘。

總有出頭天

2013年5月5日星期日 (氣溫21度至24度)，今朝喺中環食過早餐之後，臨時加咗個頭盤就係...........香港大會堂，而主菜就依然係出南灣岬角近賞頭洲，甜品就緊係出返香港仔嘆下午茶啦。

依個紀念龕只係開放每個月第一個星期日ge時間係 9:30am 至 12:30pm。

張保仔魔爪

2013年4月14日星期日多雲 (氣溫22度至25度)，天氣唔穩定，能見度又差，真係唔知行邊度好，只好約好班朋友一齊食過靚早餐，再邊行邊諗。

 

今日集合時間係9:00am，不過第一站係去嘆返個歐陸早餐先。

由淺入深

2013年3月24日星期日天陰 (氣溫21至25度)，由於天文台預報今日中午過後有雷瀑，所以今日行程超輕鬆+簡單，仲要攪到昨晚差唔多成10點先落實到路線，就係由黃泥涌水塘落淺水灣，不過唔上山。

喺中環飲埋早茶再坐巴士上到嚟有水上單車踩ge黃泥涌水塘都差唔多成11:30am啦。

魔星倒數運吉行大運

2012年12月31日星期一 (氣溫10至15度)，今日就係除夕，2012年仲有一日咁多就完結啦，明天就係新ge一年，往年我哋一班山友入咗塔門玩倒數，可惜今年大部份人都要開工，為咗方便大家，我哋一行十六人早兩個月前已經安排咗一處都幾交通方便ge地方嚟開個party玩倒數，再得玩旦嗰日一齊登高行個大運，依處咁好ge地方之唔係...............摩星嶺。

今日17:30pm收工，趕住攞部相機入廠之後就輕輕鬆鬆過到嚟上環，

襯仲有小小時間 (20:30pm先有接駁車)，走去嘆返個豐富ge晚餐先。

太平山下

2012年6月10日星期日天陰，今日想行山但又唔想辛苦，所以決定離開人多車多ge巷道，走進全港最平ge地方..............太平山，我哋約咗10:30am先喺中環坐小巴上山頂。

(1) 山頂好大霧呀。

聶歌信臉譜

2012年5月1日(星期二)天陰有雨，今日係勞動節，當然要出嚟勞動吓啦，我選咗一個唔係太勞動ge山頭比大家鬆一鬆，一早10:00am先約好喺灣仔食早餐，再輕輕鬆鬆坐巴士去灣仔峽起步，慢慢行向我哋今日ge目的地................聶高信山。

(1) 一日之計在於晨....................早第一餐。

熱辣辣的玉桂鴨脷

2011年5月10日星期二，天朗氣清，今日係佛誕假期，由於早兩日已經預測到今日會天氣炎熱 (天文台於晚間報導 : 今年已來最熱的一天，市區有32.9度，部份更有34度高溫)，所以之前決定選擇行得輕鬆d，一早喺銅鑼灣集合之後，就坐車去鴨脷洲ge利東村，開始今日ge行程 ........ 上玉桂山出鴨脷排。

(1) 好耐都冇去過一品香....... 估唔到依家有早餐食。

飛禽走獸遊石澳

2010年8月22日星期日天晴 (東風4級)，今日輕輕鬆鬆由港島徑8段開始上山 (當然唔係行龍脊喇)，而係右移玩山脊上ge石頭，再抽頭直插返落馬路去石澳食午飯，下午就去大頭洲轉一圈...........睇睇石澳一帶 (飛禽走獸) ge怪石頭。

(1) 賴洋洋ge小肥豬。

澗行薄扶林

2010年8月1日星期日天氣炎熱，一早喺中環飲完茶就坐巴士入去薄扶林水塘，目的地就係山頂，雖然今日冇乜指定路線，不過我主要想由澗而上，等大家有d新鮮感，只可惜條澗唔係好長 (不過好滑)，走咗半個鐘已差唔多駁返郊遊徑，所以臨時決定改行山路直上山頂探吓隻神龜，再行返落去中環。

(1) 是是旦旦搵條就開始入澗。

七一回龜

2010年7月1日星期四天氣炎熱 (35度吹西南微風)，今日係香港回歸假期，本來今日有好多節目都想去............上深圳揼骨 / 跟隊行西灣 / 行街睇戲，結果7:00am一彈起身見到個天勁正 (但係又好熱)，最終決定上山頂睇石龜，當然唔小得影吓維港啦...........

(1) 未玩隻石龜...............先睇吓d海龜仔。

閒遊舂坎山

2010年1月10日星期日天晴，今日冇乜特別想去ge地方，所以決定copy 返一個月前跟社長行過ge舂坎角山就算(當然會再加插小小嘢啦)，一早9:00am喺中環飲完茶之後，就坐車入去舂坎角，點知........上錯車入咗赤柱，唯有張錯就錯，就喺赤柱起步啦 !

(1) 第一個景點係乜乜超級市場，原本預計喺係

赤柱大休，點知比長江點咗上架唔入舂坎角嘅巴

士去咗赤柱，行程有變，唯有買個麵包當午餐。

 

趕住舂魔爪

2009年11月7日星期六天晴，今日中午趕住收工去親親大自然，點知都係遲咗小小，結果去到中環地鐡站ge時候，啲人都已經起晒步............不過好彩我都識路知點入去起步點。

(1) 起步啦..........

一別十八年的西高山

2009年7月12日星期日天晴，本來已經成個月都冇出過海ge我，一心已為今日可以游吓水.....綑吓邊......再穿吓洞........，點知昨天社長因風浪大(東風5級)取消咗今日ge行程，於是懶洋洋ge一日就開始啦，起身之後約咗班山友下午上西高山，一處在細路仔時代差不多個個月都會去ge地.............山頂(太平山)，2點幾先喺中環坐小巴上去，今次再重遊舊地，真係已經面目全非，原本ge一條山路，差不多已經變咗密林，另一條本來只有沙石ge山脊路，如今兩旁都係密林，而且已經變咗做樓梯........唉，真係一別18年，乜都已改變。

(1)

無字碑之迷

2008年11月23日天晴有微風，一早未夠9:00就已經喺大潭水塘開始上走大風坳，一行九男女要趕在10:00前報到，因為應成咗豬腸粉幫旅聯今年 (2008港島徑越野馬拉松大賽) 做大風坳站ge支援人員，經過幾個小時ge 優閒工作之後，約13:30就跟大隊車徹離大風坳，前往大潭檢查站，由於支援隊ge工作已經完成，而且時間尚早，所以決定餘下ge下午時間，跟車返出去大潭峽迥旋處落車，開步前往.........石碑山，去會一會這個仍然眾說紛云，佢ge存在到現在依然都仲係一個迷.................無字碑。

(1) 大家.........開步走。

久違了的大頭洲

2008年10月18日天晴，今日個天真係好正，我地只有三丁友，由老師帶隊，目的地就係一個小小的大頭洲，雖則依度我曾經踏足過無數次，卻原來一張相都冇影過，其實這個地方對我黎講係非常之有情意結，中學階段差不多每個星期六都會同一班朋友仔入黎吹吓風...........睇吓浪，不過依家所有ge片段都只能回味，都係講返今日ge行程先，一個唔係好大ge島，竟然石景多多，我地左影右影都仲未影晒，不過已經用咗成3個鐘有多，於是大家都決定返去石澳食d野，留返下次先再玩過。

(1) 石澳石灘.........很多很多的中學回憶。

鶴咀禁地

2008年8月3日天晴，一早影完日出(日出東方)，嘆過早茶之後，跟住就跟社長出隊，早上先去黃竹坑睇吓古石刻，再去香港仔郊野公園條樹木廊，之後閒遊埋瀑布灣就食午飯，下午14:00就正式玩今日ge主菜..........鶴咀清潔日，不過今日真係好鬼死熱，喺鶴咀執一陣垃圾已經冇晒力，唯有走去影吓相啦，今次已經係我第二次去鶴咀執垃圾，之前一次已經係前年ge事，因為個次有d地方未影到，所以今次一定要補返晒上次冇影ge地方，喺度逗留咗差不多兩個鐘頭，大家都好滿足咁上返車，回程順路玩埋鶴咀村ge更樓先走，今日終算滿載而歸。

                 

(1)

石鼠賀年

2008年2月17日天晴，今日跟社長走反轉老鼠石賀一賀鼠年，由於昨天喪走黑角頭已消耗咗我七八成ge體力，而今日尾段又會再走黑角頭，不過就係普通版，因為所有高危地方都唔會到 ，所以我睇完鼠石之後就回走港島徑八段到馬塘坳開餐等佢地，再落探射台轉走黑角頭燈塔，依個時候已經係18:00啦。

(1) 起步啦.......

喪走黑角頭

2008年2月16日天晴，今日ge目的地係黑角頭，早上10:00我地一行四人坐的士去到起步點，再沿山路一直落山去天崖海角，跟住再沿斬樹路一直探落去，途經所見的羅漢松真係比d偷渡客斬得就斬，成條斬樹路仲闊個d郊遊徑，我地一路從條山坑殺落海邊，途經相信是斬樹黨ge巢穴，佢地d設備真係齊全過好多路營人士，而且註場起碼都有一段相當長ge時間，真係唔明點解d差人貢到發現唔到佢地。落到海邊之後，我地沿路折返上山再橫移到另一個海灣，那裡有兩個軍事探 照 燈 座 ，而且仲有一個相當攝人ge崖壁同滾石灘，灘中更有一個山洞，內裡可藏七至八人，大休過後，我地就繼續上返山經過馬路再秦歌連臣炮台，炮 台 建 於 1936 年 ，現 在 炮 台 部 分 遺 跡 仍 然 存 在 ， 其 中 炮 台 的 碉 堡 位 於 歌 連 臣 懲 教 所 範 圍 內 ，唯 四 周 雜 草 叢 生 ，沿路上去都要灣住腰 黎行。一輪鼠黎鼠去之後，依個時候已經係14:30，我地仲要趕去黑角頭，誰知途經一隱蔽處，豬腸粉又發現一幅差不多有30層樓高的大直坡，由於小弟體力有限兼仲要留力明天ge行山，所以只有佢同非常老師游繩落去玩返轉，之後先再去黑角頭燈塔，跟住再殺落海邊，上攀和尚與修女石。

(1) 

賀年臉譜

2008年2月11日年初五天陰寒冷，由於今日行程輕鬆兼未齊人，所以一早先上酒樓飲返個早茶，嘆到11:00先喺灣仔起步，我地一行四人先走訪依個灣仔藍屋同北帝廟，再由船街開始上山，順路睇一睇有鬼屋之稱 ge [南固臺] & [同濟中學] 遺址，而同濟中學舊址地台俗稱ge山洞（平台底的去水洞）地方，過去曾有一名老婦上吊身亡，跟住先經寶雲道行上灣仔峽，不消半個鐘已經到咗，由於天氣寒冷，為有一邊食住魚旦同燒賣等阿長江，下午13:30終於齊人啦，我地沿布力徑繞過金馬倫山再上聶高信山，好彩喺上到山頂時魷魚妹奉獻咗佢份由長江送出ge新年禮物出黎 (金莎朱古力)比大家食，當增強熱能之後，我地就可以落山去玩今日ge主菜 [臉譜石]，誰不知在最後的一小段為咗影張相時，竟然唔小心比棵樹割開我條褲，尾段入風凍到差d企唔穩。

(1)