早晨尤特

2013年8月14日星期三 (颱風尤特 - 八號風球)，依個颱風中心風力每小時175公里，離岸有成7至8級風，昨晚天文台一話會於凌晨時份改掛8號烈風信號，已得知今日一定有半天假，本想大覺瞓半天，點知六點鐘就自動彈咗起身，左諗諗右計計都係決定同Sonia一齊出去尖沙咀碼頭感受吓。

七點幾...............咁多人坐地鐵，又話打8號風。

高達食魚蛋

2013年8月11日星期日 (天晴 - 氣溫38度)，今日約好咗個同事一齊入長洲食魚蛋，點知一早起身ge時候寵物話想去銅鑼灣時代廣場睇吓模型，所以就決定臨時加插一個環節，睇.......高達。

(1) 今次來港的 "高達" 和 "渣古"，是按真實
比例 1：3 製作，雖然仍不及 "台場" 的 1：1 
"高達"  (高18 米)  般霸氣，但今次 6 米高的
"高達"  和 "渣古"，在銅鑼灣鬧市亦非常搶眼。

瞬間看地球

2013年7月6日星期六 (氣溫29度至33度)，今朝一早過咗太古城睇一個世界遺產...........樂高展，因為全部都係用LEGO砌出嚟，今次首次衝出日本嚟到香港，展期到本月底。

(1) 巴拿馬運河。

藍天日落

2013年6月1日星期六天晴 (氣溫28度至32度)，最近依幾日個天都好清晰，所以同朋友借咗部車去遊車河影日落，今日陽光普照 + 藍天白雲，天文台仲送多個酷熱天氣警告................

依家有成37度高溫，你就緊係爽啦，匿埋嘆冷氣。

百看香港

2013年5月26日星期日天陰有雨，今日係我有生以嚟踏上最高ge樓層............100層，再用另一角度全方位360度咁欣賞我哋嘅家.............香港。

(1) 隻鴨................中咗毒。

人人都要Duck

2013年5月4日星期六天陰 (氣溫18度至22度)，今日出尖沙咀買嘢，順路行出碼頭睇吓隻鴨仔，點知佢已經游埋咗去角落頭。

(1) 風水鴨........頭向東尾向西。

香港乜都Duck

2013年5月2日星期四天陰  (氣溫16至20度)，除了自1917年以來最凍ge五月，而今日亦有另一大件事就係巨鴨襲港，得知隻鴨會於中午正式登場，至於幾時會由青衣運送過嚟海運大廈就不得而知啦，所以我決定襯未開工就一早就走咗出尖沙咀影返幾張相。

(1) 好一條3D鴨仔河。

冇大冇細

2013年4月27日星期六 (氣溫21度)，今日同寵物約埋長江一齊去睇鴨，不過未睇鴨之前先入咗沙田睇戶外品開倉，跟住我哋先撲入青衣，尋找一隻只係睇得唔食得ge大肥鴨，點知今日睇ge嘢原本大ge就變咗細，原本係細ge變咗大，結果攪到冇大冇細。

入到嚟青衣城，發現依度原來仲有一個 "微型藝術展"，我哋緊係順手影埋佢啦。

積木城市

2013年4月13日星期六天晴，早兩日從報紙得知大會堂展城館會有一個名為.........城市印象@尖沙嘴 (兩套由彩色塑膠積木砌成的模型)，所以決定襯今日寵物要返公，我就可以送完佢返公再順路走去昅一昅。

(1) 十點先開門，走去食個早餐嘆吓報紙先。

點燈宵村

2013年2月24日星期日年初十五元宵節 (天陰 - 氣溫17至21度)，難得今年元宵節又喺星期日，所以我忍不住又要入去新界穿村睇人點燈，因為在未來十年嘅元宵節都唔會出現在星期日，只會在2017年同2020年出現在星期六，其餘日子都要請假先有得再去睇，咁你話係未非入不可。

8:45am上水集合，本來今日一行17人，出發前已講明因趕睇點燈，所以

遲到不候，可惜仍然有兩人遲到，結果............一個選舉放棄唔入........一

個選擇自己坐車入，而我當然歡迎歡迎。

誇世紀古帆

2013年2月23日星期六天晴 (蛇年初十四 - 氣溫17至21度)，一首已有92年高齡並已列入世界紀錄大全 <<仍在行駛嘅世界最大古帆船>>正環繞世界，今站嚟到香港可以比大家登船參觀，咁好機會我又點會走寶啦。

謝多夫號 - SEDOV

我在天神村

2012年12月1日天陰，昨晚在黃大仙食飯ge時候睇到今年樂富商場會IQ博士ge卡通人物用嚟做聖誕節佈置，而且仲有一條過萬呎ge天神村，所以決定今日點都要過嚟睇吓，因為依條天神村係我那些年.............細路仔ge時候喺電視機睇卡通片睇過ga咋。

天神村ge入口。

那些年的漫畫角色

2012年10月27日星期六天晴 (間中有微雨)，今早出咗尖沙咀九龍公園行吓依條開咗差唔多一個月ge.......香港漫畫星光大道，依度d彩繒雕塑全部都係屬於香港本地創作漫畫裡面ge角色。

(1) 屬於香港人ge漫畫星光大道。

日叮夜叮

2012年9月7日星期五天晴，今日一早決定咗依個晚上同明天早上要同叮噹一同留守尖沙咀海運大廈，當然我會中途返屋企瞓覺啦。

(1) 叮噹真身嚟咗尖沙咀呀。

熱到溶喇

2012年8月26日星期日天晴，早兩日收到一個商場ge推廣電郵，覺得幾有趣，所以就決定出去影吓相。

(1) 出到尖沙咀就醫咗個肚先。

澳門有蝶冰食

2012年8月25日星期六天晴，今早我哋一行四人約埋一齊食咗個麥記早餐，就提早坐8:00am船過大海 (澳門)，實行今日要玩到盡........食到盡。

(1) 經過一個鐘頭船程，終於9:19am踏足澳門喇，

嗱嗱淋行去坐免費接駁車去美高梅酒店賭場......

人人都愛依個夢

2012年8月19日星期日，今日約咗幾個朋友8:00am出去尖沙咀碼頭，不過我同寵物就7:30am已經出到去，諗住未去行山前先去一去尖沙咀睇吓個個都愛ge夢...........多拉A夢。

(1) 唔知時空門會帶我哋去邊處呢。

深夜快閃

2012年8月16日星期四深夜00:30am (東北風 - 啟德一號風球)，窗外突然行雷閃電，正想瞓覺ge我，又不知不覺舉起部傻仔機出嚟影返幾張，結果..........................

(1) 唔set腳架就只能夠影到咁，傻仔機即係傻仔機，

雖然黑漆漆，不過.............天有不測之風雲。

金星凌日

2012年6月6日星期三天晴，今日有一個相信我依一世都冇機會再睇到ge天文現象...........金星凌日，因為下一次再有得睇ge時候已經係2017年12月11日，所以今日都抽返小小時間出嚟睇吓依個只有今生冇來世ge天文現象。

(1) 早上10:22am，見唔見到左上角有一
小點黑色呀.............佢就係金星喇。

超勁量乾電

2012年4月25日星期三天陰有雨，今晚返到屋企都已經成22:30pm，個天啱啱落完雨，不過香港南面都依然閃電閃過不停，最初我都只係坐喺個廳度睇吓就算，點知睇吓睇吓見d雲越嚟越小，最終都係忍唔住攞起部相機影呀影呀，但最衰都係自己懶.......................冇set腳架，所以影得唔係好正，不過總好過乜都影唔到 (因為我都影咗成兩個幾鐘，影到成零晨2:00am)。

() 今晚齋閃電，冇行雷...........冇落雨，所以可以開
大隻窗慢慢影，唔怕整濕間屋同部相機。