2008年7月28日 星期一

熱爆雞煲翅

2008年7月28日天晴,今日放工返到屋企又有新攬作............,不過由於依排放咗工比較多野攪,所以個過程就不再多加寫作啦,就睇睇相吧。   

(1) 又係雞........今次又攪乜呀 !

2008年7月27日 星期日

電車120

2008年7月26日天晴(天氣酷熱警告生效),今日等咗半個鐘終於可以坐到佢啦相信香港地冇人未聽過昂平360,好多人或者都已經坐過,但係.........電車120你又聽過未呢? 又知唔知自己有冇曾經坐過佢呢?其實電車120係香港唯一仲喺市區行走的老爺電車之一,車身保持藥油廣告,車箱裡一切依舊,包括木造ge座位、窗框,而照明就係柔和溫暖的烏絲燈泡,唯一加多咗兩樣新ge野,就係八達通機同多了幾條扶手。       

(1) 等到你啦............電車120 !

2008年7月21日 星期一

田雞蠔一餐

2008年7月21日天晴,唔知點解今日突然之間好想食田雞,於是放工一返到黎,立即走去街市買咗d田雞同d蠔,跟住即刻洗呀洗呀斬呀斬呀,經過一輪調味之後,嗱嗱淋用d蔥同薑爆香個鑊,跟住炒炒炒,由於d田雞一定要煮得好熟先可以食,經過獨家ge炒焗之後,終於大功告成,試過味之後..........唔錯唔錯,所以決定下個星期返屋企再煮多次比屋企人食 

(1) 排排坐.......等住我

2008年7月20日 星期日

初探飯甑洲

2008年7月20日天晴,今日都係跟社長出海,原因係因為今日會上西貢浪茄對開的一個荒島...........飯甑洲,依度係我第一次到,由於個島又唔係大,而且個山又唔係高,所以連背囊都冇拎上去,一踏上個島,嗱嗱淋走去燈塔影返張相,跟住就跟隨大隊向飯甑洲頂進發,今日藍天白雲.........熱到個人想暈,好彩有個林可以避一避,穿個林之後,就沿天脊落去瑤柱岩,依個時候,清風送爽,小休過後,就再綑回燈塔,坐駁艇回大船返浪茄游水,雖然今日路程非常輕鬆,但由於太陽伯伯太過ge關照,曬到個人好似散晒咁

(1) 火石洲.....穿岩秘洞

2008年7月16日 星期三

火柴再現

2008年7月13日天陰有雨,經過上個月坪洲新天地ge一役後,豬腸粉已經搜集咗更多有關大中國火柴廠石碑ge位置資料,所以今日我地又再一次走入坪洲,果然不負所望,經過早上一輪行程之後,終於喺會合社長食晏前搵到佢地啦........(5塊完整不一ge大中國火柴廠界碑)   

(1)

2008年7月8日 星期二

2008夏水禮

2008年7月6日有雨,今日終於可以落水啦,我地一行7人一早11:00入到去西貢老點居,點知............一落船就見到老點喺度緊急維修緊佢隻艇,過咗一陣個天仲開始落雨,應該係雷暴先真,於是我地就立即走去老點居度避避雨,過咗廿分鐘左右,個天就停晒雨,由於天文台一早已預測今日下午個天會越黎越差,所以大家都好珍惜依一刻ge停雨,一個個係咁跳晒落海玩,一於冇蝕底,而依個時候老點隻艇已經維修完畢,我地終於可以照原定計劃出牛尾洲,誰不知一出到去,d雨好似喺我地隻船尾ge地方喺咁追住我地黎落,所以大家一致通過回程返白沙灣食午飯。                

(1) 藍天白雲ge白沙灣