生日薄餐

2013年8月8日星期四 (天晴 - 氣溫31度至34度)，今晚收工有飯局，本來約咗三個壽星 + 六個陪客，點知臨時各有一個嚟唔到，不過又突然多咗個外星人小朋友，結果我哋都係.............party 繼續。

(1) 有薄餅吃..............

 

魷去英國

2013年8月3日星期六 (氣溫27度至31度 - 間中有大雨)，今晚同一班山友約好咗隻魷魚妹出嚟食餐飯，因為依條魷魚好快就要出國讀書啦。

(1) 鴻運乳豬全體。

六月High Tea

2013年6月29日星期六 (氣溫33度)，一連三日回歸假期正式開始，今日本來想同Sonia入長洲行吓食吓影吓，點知去到中環嗰碼頭ge時候見到勁勁勁多人排隊，所以臨時決定改行程上山頂，雖然山頂冇咁多人，不過都有小小迫嘅感覺，最終行行逛逛就入咗去食個Tea Buffet，喺香港高度接近海拔500米的地方食Buffet，仲唔係真真正正的High Tea。

(1) 真真正正ge山頂..............老襯亭。

 

星星飯局

2013年5月28日星期二 (天晴 26度至30度)，今晚約咗一班好友喺北角市政街市<<東寶>>食飯，實情就係要同兩位壽星佬 (5月楚大俠 & 6月郭大俠) 慶祝生日，開開心心食餐飯兼聚一聚再吹吓水。

(1) 一班好朋友，點會冇啤酒。

積木城市

2013年4月13日星期六天晴，早兩日從報紙得知大會堂展城館會有一個名為.........城市印象@尖沙嘴 (兩套由彩色塑膠積木砌成的模型)，所以決定襯今日寵物要返公，我就可以送完佢返公再順路走去昅一昅。

(1) 十點先開門，走去食個早餐嘆吓報紙先。

九缽一盆

2013年3月23日星期六天陰 (21至25度)，早兩星期有山友介紹新界有處食盆菜幾好ge地方，所以就約好一班山友今個星期一齊食......................九缽一盆。

(1) 早咗入到嚟屏山，就行去搵吓事頭婆，

因為好掛住佢................

公司請叫雞

2013年3月13日天晴 (氣溫18至22度)，Carmen萬歲今晚公司飯局，請晒大家齊齊去土瓜灣叫雞............煲。

同事推介，結果請食海鮮餐與雞煲ge最終比拚定局係

雞煲勝出，海鮮就要留待下一次啦。

人人生日飯

2013年2月16日星期六天晴(蛇年初七 - 氣溫18至22度) ，今日係人日，Part 1 就緊係同屋企人飲茶啦，之後仲同我兩個姨甥去咗九龍公園度玩，到Part 2 嘅時段就已經係今日晚餐，我哋一行多人早在三個星期時已約好今晚一齊出嚟聚一聚高興吓，而最重要係必須多謝.............Vincent萬歲。

() 由水姑娘介紹我哋入到嚟石澳。

生在泰越

2013年1月28日星期一，今晚有幸與一班好友慶祝Sonia同自己嘅生日，我哋去咗九龍塘又一城ge一間泰越式餐廳食飯，啲味道仲..............好味好味，真係多謝晒咁多位好友既出錢又出時間。

蟹肉蝦片沙律。

生食海鮮

2013年1月27日星期日天蔭 (氣溫16至20度)，今日係Sonia 嘅生日，所以我決定休山一天，同Sonia一齊悠悠閒閒咁過一個豐富而又滿足ge生日，行吓街.....睇吓嘢......食吓嘢，重頭戲係今晚ge................游水海鮮餐。

第一站係太子，午餐係.........東京醬油拉麵 ($49)。

約埋一齊蛇返晚

2012年11月23日天陰有雨(19至22度)，天文台話今日有個泠鋒到港，夜間氣溫會跌至18度，咁啱今晚約咗靈異小學會ge朋友出大角食蛇兼打邊爐，真係天時地理人和到夾都冇咁啱。

食蛇首選.............大角咀蛇王濤。

閘食派對

2012年11月16日星期五天陰 (氣溫20度)，今日我哋公司又搞咗個大食會食大閘蟹加打邊爐，一早趕起晒啲工作之後，四點鐘已經沒乜嘢做，大家亦開始好積極咁為今晚個party set場。

() 四時恭候，七時入席。

今年初蟹遇

2012年10月27日星期六，今晚約咗幾個朋友開咗一個大閘蟹飯局，順道私下同一位好朋友補祝生日飯，不過今年啲蟹就一般，我order咗兩隻，結果...............一隻有一隻冇蟹糕。

(1) 一處叫 "海海工坊" ge地方，可以提供比大家開party。

板燒假期

2012年10月21日星期日天晴，早在兩星期前已經約好點爺今日會入去去佢嗰處鐡板燒，今早大家食完早餐之後，就去準備食物，迎接食多多唔洗行ge一天。

(1) 今日個天真係風和日麗。

一齊食餐冇飯餸

2012年8月18日星期六天晴，因為之前我同Sonia都咁啱一齊係自己公司訂咗d帶子剌身同煙三文魚，所以今日特登招呼幾位朋友嚟我屋企食餐冇飯餸。

(1) 食得啦。

星期五食星期二

2012年6月22日星期五天陰有雨，本來早兩星期約好幾位朋友今晚一齊食晚飯開大會...........當然係去玩嗰D會啦，點知早兩日甩咗幾個底，不過都影響唔到我ge堅持，就係...........雖然得返3個人，就算唔傾都照食，我哋臨時改選咗去德福ge....露比星期二餐廳。

(1) 迷你露比三重奏 (牛 / 蟹肉 / 雞)。

食在父親節

2012年6月17日星期日，今日係父親節，休山一天，全日主要活動就係陪住阿爸逛吓街食吓嘢，同母親節一樣都係輕輕鬆鬆享受一天家庭日。

(1) 香脆燒腩仔 - $48。

細蜆好大食

2012年6月2日星期六天晴，昨晚心血來潮想去摸蜆，所以今日一早起身就入了東涌食個醒神早餐，跟住先坐車入水口一路摸一路等退潮，其實早兩年入嚟ge時候已經冇乜大蜆，不過嚿年冇入嚟摸過蜆，所以心存希望，當然...........希望永遠都係好難實現的，中午過後已經手又攰腳又攰，再加上曬到個人變咗燒豬之後，我同寵物決定走頭坐車入大澳食嘢。

(1) 豐富ge中式早餐。

食在母親節

2012年5月13日星期日，今日係母親節，休山一天，全日主要活動就係陪住阿媽逛吓街食吓嘢，輕輕鬆鬆享受一天家庭日。

(1) 中午全家人八大兩細 出咗去尖沙咀稻香飲中茶。

開心住家菜

2012年3月31日星期六天陰，今晚約咗幾個好友聚一聚，其實就係去食住家飯，不過就辛苦晒我哋蔡師奶又買又煮啦，九人大餐準時20:30pm開飯。

(1) 辛苦你啦..................蔡師奶。