45年啦

2013年5月23日星期四，今晚係小弟母校四十五週年校慶嘅校友聚餐，雖然相比五年前ge40週年聚會小咗啲人，不過今次都有成19圍ga，而且收費冇變，依然係每位三佰大玩，不過今晚真係好開心，更要多謝一班幕後攪手。

(1) 人生有幾多個四十五年。

深燒一博

2013年2月19日星期二 (初十 - 氣溫18至22度)，今日依然係我嘅新春假期，我同寵物喺深圳作一個歷史文化之旅。

(1) 由福田口岸坐¥2地鐡就嚟到市民中心站。

競步啦啦啦

2012年10月28日星期日天晴，早在兩三個月前已經答應今日會幫朋友做地鐡競步賽ge啦啦隊，所以今早8:45am就嚟到中環地鐡站集合等分配工作。

(1) 先分配今日啦啦隊需要ge用品。

鬼馬飛車嚟啦

2012年10月14日星期日天晴，今日個天都算幾好，我約好幾個朋友一齊喺沙田圍食過午餐後，13:25pm開始行到入去 "多石街"，準備霸個靚位影吓香港第一屆ge依44部鬼馬飛車。

(1) 11:45am已經嚟到沙田圍火車站，準備食午飯
前先行入去場地度昅吓個環境先。

告別農莊時

2012年8月4日(星期六) 天晴，今日有一處地方非去不可，因為依處曾經給一群人士努力ge耕耘，慢慢演變出今時今日ge一個小小有機農場，鬧市中ge一個綠洲，可惜天災加人為.......... (韋森特10號風球 / 政府收地改建公園)，係時候要同佢say 句goodbye啦，因為最快會喺今個月中就要開始還原返塊地比政府  。

(1) 一處鬧市綠洲。

24小時VIP之行

2012年7月28日星期六天晴，今日下午兩口子坐四點船過中山，準備享受一個全VIP招待ge.............非凡駕駛。

(21-7-2012 / Day 1)

(1) 個半鐘ge船程，再坐旅遊巴入住今晚ge酒店。

細蜆好大食

2012年6月2日星期六天晴，昨晚心血來潮想去摸蜆，所以今日一早起身就入了東涌食個醒神早餐，跟住先坐車入水口一路摸一路等退潮，其實早兩年入嚟ge時候已經冇乜大蜆，不過嚿年冇入嚟摸過蜆，所以心存希望，當然...........希望永遠都係好難實現的，中午過後已經手又攰腳又攰，再加上曬到個人變咗燒豬之後，我同寵物決定走頭坐車入大澳食嘢。

(1) 豐富ge中式早餐。

開心釣魚毛

2012年5月27日星期日天晴，今日兩口子入咗西貢食個早餐併盤，跟住走咗出去碼頭釣魚，不過唔知係自己釣魚ge技術大不如前定係環境真的已經改變，舊時手掌咁大ge泥鯭 / 石九公 / 雞泡魚多的是 ，如今.......................

(1) 我ge大雜會早餐。

昂船軍事大解放

2012年4月28日星期六天陰有雨，今日係佛誕假期，本來plan咗會北上大陸，不過早兩日豬腸粉問我有冇慶趣去昂船洲軍營開放日，我當然係第一時間 say YES 啦，今早一行四人約好喺美孚一齊食返個早餐後出發。

(1) 今日就靠晒你啦。

2012 天文台開放日

2012年3月24日星期六天晴 (氣溫19度)，今朝一早睇香港早晨ge天氣報告時得知天文台今明兩日會係開放日 (10:00am 至16:00pm)，所以立即掉動今日上午行程，走去天文台 (鬧市綠洲) 參觀吓。

(1)

我要入青山

2011年11月5日星期六天晴，今早起身上網八掛吓，點知無意中搜尋到一處從來都未去過兼完全不認識地方竟然有開放日，於是決定取消晒原本ge約會行程，立即入荃灣轉坐大會安排ge免費接駁巴士入...............青山醫院 (一次好正面嘅了解同認識)。

(1) 對上一次開放日好似已經係5年前ge事。

千渡雙魚

2011年10月16日星期日天晴，一大清早就嚟到闊別香港人33年ge維港渡海泳起點 (三家村碼頭)，經同長江商議過後，決定先到起點影幾張相就開始上山 (原本由藍田坐的士上山，不過重陽封路未解封，就連的士都唔準上山，所以先改去起點。)，希望可以從高空拍攝到千人渡海ge壯觀場面 (由鯉魚門至鰂魚涌 - 全長1.8公里)，行上山冇耐 (8:30am)已經搵到合適ge位置，靜待半小時，等待比賽ge開始。

(1) 非常熱鬧ge渡海波起點 - 三家村碼頭。

勾魂照相館

2011年10月15日星期六天晴，雖然距離萬聖節仲有半個月，不過外面已經到處都係V娃鬼叫，早兩天收到有一份有關勾魂照相館ge資訊 (由尖沙咀美麗華商場開辦)，所以就約埋兩個朋友出去探究吓，不過............奇怪ge事就續一發生係我哋每一個人身。

事件一 : 我竟然睇錯開始時間係10:00am，其實係13:00pm，結果早咗去而撞到羅茲威爾家族成員。


事件二 : 寵物到了尖沙咀時打了多次給文文手機都冇人聽，最終發現係打錯去佢屋企。

事件三 : 文文一早就到咗佐敦地鐡站等我同寵物，可惜我哋係約咗喺尖沙咀地鐵站等。


事件四 : 樂樂去完廁所之後，我哋問佢拉咗拉鍊同休好褲仔未，佢話攪掂晒啦，結果3個小時候比我哋發現原來未拉拉鍊。

(1) 依度就係勾魂照相館

農曆七月十四的約會

2011年8月13日星期六天晴，早兩個禮拜就安排好今晚一個嘩鬼聚會，就係約咗一班好耐冇見ge舊同事出嚟打邊爐，果然多年不見........... 個個都冇乜點變，只係幸福咗小小。

(1)

浮游生活

2011年8月4日星期四，收工同幾位朋友去咗尖沙咀美麗華商場學人影漂浮相片，因為依個商場做緊漂浮攝影宣傳 - 無重力之夏，有好多ge佈置比你哋影呀.......影呀........影呀不過泳池底ge相就要用佢指定提供ge相機 (Panasonic GF3)影，兼要喺場內消費完之後再用發票換領影一張相 ，而我就喺隔離萬寧買支 $2.90 ge水就ok。

(1) 乜你好似落電單車仆倒多d囉。

大蜆不見了

2011年6月4日星期六天晴，今日收工之後同寵物去水口摸蜆，本來今年打算休息一年 (因為往年d蜆已經小得離普)，不過都係心郁郁忍唔住要去摸返次，經過4小時ge大戰之後，有手掌咁大ge一隻都摸唔到，得返d中小型size，相比早兩年ge收穫，今年就真係災情嚴重，唔好話大蜆，就連d 司帢都冇乜，結果................... 我決定今年暫休，臨走時再將d細小的放生，留待明年再戰。

(1) 唔通...........雪人都想摸埋一份。

三村賀兔

2011年2月6日星期日天晴，今日係年初四，唔洗問阿貴...........過年緊係穿吓村襯吓熱鬧啦，今日選擇咗三條村嚟賀兔年........................ 上水圍門口村 / 大埔林村 / 大埔社山村。

(1) 新年最常見ge門口告示。

福兔大團拜

2011年2月5日星期六年初三 (天晴 - 17度至23度)，今年又要麻煩金老板借出佢會所ge場地比我哋攪團拜，可惜波爺一家四口只有兩位能出席 (細女病咗，波嫂要留喺屋企照顧個女)，今年大會預備ge食物非常之豐富好味，而且又有美酒相伴，真係熱熱鬧鬧的一夜，不過眼見大家ge小朋友一年一年咁長大，唔知佢哋重會跟住父母出嚟幾多年呢，期望明年大家都能健健康康又開開心心咁一齊再大團拜。

(1) 一早知道今日ge菜單有羊架，
所以就一早預備咗薄荷醬啦。

我和挪亞有個約會

2010年11月21日星期日天晴，本來今日諗住去行山，不過今朝起身ge時候忽然想同寵物去馬灣ge挪亞方舟行吓，所以就改變行程，坐車入去馬灣.........  準備上挪亞方舟，其實依隻方舟比我預期中多嘢睇，3D都睇咗四五套，而且大部份活動空間都喺室內 (夏天入嚟玩就一流)，結果我哋都玩咗差唔多成日，不過最可惜就係Book 唔到方舟ge自助晚餐，因為一早已經爆滿。

(1) 挪亞方舟我嚟喇.........$100入場再另加$45睇
埋其他三個新開ge展館。

蜆難再現

2010年7月11日星期日天晴，今日同寵物入水口摸蜆，不過唔知係唔係因為水口依個地方已經黃咗(太多人去)，定係d海星或者德國保羅d親戚嚟咗(八爪魚)，水退之後只係見到勁多勁多ge大蜆殼打開晒喺沙灘度，結果摸咗成5個鐘有多，都只係摸得幾隻，而且仲係中蜆，真係摸咗咁多次，今次都算最失敗失敗........

(1) 蜆呀，蜆呀........我嚟啦。