登山武林大會

2013年1月6日天晴 (東北風3級 - 氣溫 14至18度)，今日係行山界中一年一度ge大日子，每年第一個星期日，各方行山好友都會好似武林大會咁集結喺西貢嶂上開party，而今年我亦約咗幾個好友帶佢哋去感受一吓氣氛，而依個活動被行山界叫佢做...............登山節。

為咗趕得切去排隊等車，今日只得半個鐘頭早餐時間。

山上釣魚翁

2012年12月2日天蔭 (東至東北風四至五級 - 氣溫17度)，今早九時約好一班朋友先喺鑽石山嘆個一盅兩件先，跟住10:00am 一行九男女先再坐91號巴士入五塊田落車，目的地係集香港與西貢三尖一身ge............釣魚翁。

五塊田。

海灘雨濛濛

2012年11月25日星期日有雨(氣溫18至22度)，今日ge冷雨嚇退咗好幾個朋友，最終只剩底四個傻人繼續大步向前，今日我哋10:30am先喺西貢集合後坐小巴出發，目的地係由海下行去大灘，然後再去黃石碼頭坐車出西貢食下午茶，雖然今日啲雨冇停過，不過雨濛濛卻有另一種感覺。

食返個豐富早餐先...........即做芝士漢堡包 + 凍檸茶 ($32)。

熱爆東壩

2012年9月9日星期日天晴 (東南風3級 - 氣溫34度)，今日我哋一行12人ge目的地就係萬宜水庫ge東壩，當然我哋會的士 ($100 一程) 出入啦，不過今日真係好好好好熱..........................

(1) 一早食返個漢堡包做早餐先。

浮龜走粉

2012年6月3日星期日天晴，跟咗社長都玩咗八年，終於今次可以一上 "偏洲" 睇吓大浮龜，雖然上午行程好開心，不過下午就真係一肚氣，本來可以綑晒成條 "千溪海岸" 綑到 "米粉咀"，點知綑到只餘五佰米距離唔夠，大船竟然嚟到叫我哋上返大船，依個時候只係14:00pm，上到大船.............竟然去返我哋之前上岸ge地方悶等A線ge隊友上岸玩 (因為起步ge時候已經玩過)，最後大家都向社長發洩不滿，最終社長亦只能叫船家將大船開去 "米粉咀" 比大家遠觀，本來我哋有足夠時間可以完成綑去 "米粉咀"，最終因為不當ge安排，結果今日下午ge行程變咗遊船河。

(1) 豐富ge早餐................唔該晒長江。

基北擇食

2012年5月20日星期日天晴 (南風三級)，由於今晚有晚局，所以今日ge路線又係已簡短輕鬆為主，目的地係逆走麥徑四段ge (萬里長城) 落西貢食好嘢，當然話明輕鬆就緊係用$50 的士換走一段石屎大斜路啦，我哋ge起點就係.............基為爾營。

(1) 豐富早餐。

意想不到的白腊月光

2011年9月11日星期日天晴，今日係農曆八月十四迎月，今早一起嘆過早茶，9:30am就分批由西貢坐的士入白腊 ($93一程)，今日真係大湧又大浪，我哋行程先去士多放底行裝，再去木棉洞玩洞，中午返士多食午飯，下午就分批出去潛珍珠蚌 / 網魚仔 / 游水 / zzzZZZzzz ，齊齊享受一個憂閒假期。

(1) 嘆個靚茶先出發。

秋楓送爽

2011年9月4日星期日天晴微風，仲有一個星期就係中秋節，不過天氣依然炎熱，我哋依舊訪尋石澗中ge清潭去抵抗炎夏，繼續以行山行得小，玩水玩得耐ge兩大原則去安排今日ge行程，經過左諗右諗之後，出發前一日決定選走秋楓石澗，一早嘆個西茶之後，就坐96R直入麥里浩夫人渡假村落車殺落秋楓澗，由於前一日西貢落咗一場30毫米ge雷雨，所以相信今日水量充足，為咗爭取更多時間玩水，決定由全溯改為先走山路再跳入一線瀑大休。

(1) 嘆返個西式早餐先。

北坑水世界

2011年8月14日星期日天晴，今個星期初落咗幾場大雨，咁就可以幫d澗補充吓d水量，一早8:00am喺鑽石山嘆個早茶之後，坐9:40am 的96R巴士直入北潭坳落車，開始今日游閒的一天，向住輕鬆易行ge............. 北坑山澗進發。

(1) 驢友樂樂的好朋友.......驢友。

猴塘派對迎初夏

2011年5月29日星期日 (多雲 - 東風3級)，夏天初到..........今日約咗班朋友一齊入澗野餐玩水，出發前先去生果鋪提取我早一日預留喺店內雪櫃ge大西瓜，足足有15磅重，9:30am喺西貢集合後就轉小巴入猴塘溪，輕輕鬆鬆沿山路上山15分鐘再切入今日ge駐紮地點，由於上星期日落咗幾場黃雨紅雨，所以水流量亦相對ok。

(1) 猴塘溪 ....... 我來也。

萬水之邊

2011年4月16日星期六天晴，今年雨水同大霧ge日子都比往年小，早兩晚突然心血來潮想去萬宜水庫睇睇，所以立即call 咗幾位山友一齊走返半日，我哋14:00pm 由西貢坐$75的士入萬宜水塘西霸，再綑水塘內湖出返去西灣路迴旋處，沿路上可以睇吓旱季月份ge水塘另一面。

(1) 今日ge主角.................旱季後雨季前ge萬宜水塘。

鹿巢送虎

2011年1月23日星期日天朗氣清，今日履行遲到不候ge特別行動 (四人遲到，最終在山上小休時才趕上大隊)，準時9時正喺西貢出發，坐小巴上菠蘿輋輕輕鬆鬆行上昂平，目的地係鹿巢山石林，山上奇形怪狀ge石頭眾多，真係一唔小心就會走漏眼，不過今日ge時間掌握得好好，下午15:00pm已經落返嚟馬鞍山村，再尋找昔日馬鞍山礦場110礦洞入口，結果當然另我滿意啦，一輪拍攝工序完成之後，就返回恆安村坐車出去食我哋ge團年飯，一行廿一人浩浩蕩蕩開開心心咁完成咗虎年最後一次ge山行活動，在此祝願大家明年繼續開開心心又平平安安哋去擁抱大自然，正所謂.........一山還有一山行，一島還有一島登。

(1)

三杯酒加個吉慶元旦

2011年1月1日星期六天陰 (13度東北風4級)，新一年新的開始............又行過，所以今日跟社長出隊都改咗玩輕鬆線，出印塘就例早8:45am 喺大學集合，今日都有成100人咁多，開航約半個鐘就嚟到吐露港中心ge丫洲，依個島仔唔算大，不過南北兩岸d石頭就完全唔同，而且d顏色仲好特別，綑遊一週只需一小時。

(1) 位於吐露港的丫洲。

慢遊荔枝莊

2010年12月5日星期日天晴，今日ge目的地係其中一個朋友特別要求，目的地係荔枝莊，我哋一行13人一早9:00am喺西貢坐的士入去榕樹澳起步，輕輕鬆鬆經深涌過荔枝莊，當到達荔枝莊ge時候已經差唔多下午13:00pm啦，本來今日ge終點係白沙澳，不過我哋ge行程係非常之彈性，因為大家最終決定不走回頭路，改由荔枝莊坐船出黃石碼頭，亦正因為咁，結果在旅途未聲卻帶喺小小不愉快，話說........... <<<<<荔枝莊出黃石的尾班船係開15:45pm，我哋已經提早廿分鐘到了碼頭等船，等了一陣就看見有船嚟，正當大船拍向碼頭時，大約相距50米，只聽見大船響了兩聲，跟手就180度轉了出海走了，但睇吓隻錶只是15:39pm，正當碼頭上ge人還未知發生什麼事時，只聽見有一船家話依隻就係去黃石碼頭嗰隻乜乜船務隻船囉，於是立即致電船公司了解，點知回覆當然是非常可笑 (我比個電話個船長，佢話已經拍咗碼頭但冇人上船)，唔係吓話...............荔枝莊真係咁猛，成個碼頭十幾廿人等上船都話見唔到，最PK就係都未夠鐘就連碼頭都唔拍就開走，咁你貼個船期表出嚟玩人咩>>>>>，最終有其他行山人士call咗大飛出去，我哋緊係順便跟尾啦，每人放底$40。

(1) 少年食神喺電視節目 "為食一條街" 推介過的西貢粥店。

白腊真攞膽

2010年8月8日星期日天晴，今日冇出隊行山，不過就跟咗大隻黃入西貢白腊潛珍珠蚌同海膽，同過往一樣，一早8:30am喺西貢嘆個早茶，跟住就坐成90幾蚊的士入白腊，再行十分鐘落就去到士多，由於今日中午潮退，所以我哋先去木棉洞潛海膽同珍珠蚌.....................

(1)

大廟鐵參

2010年4月11日星期日天晴，今天老師帶隊玩清水灣 "鐵參洲"，聞說這裡曾是一個火口，不過信不信由你...............

(1) 一早9:00am 寶林地鐵站集合。

上窰新春行大運

2010年2月21日星期日年初八天陰，新一年ge開始唔想行得太辛苦，所以就同寵物輕輕鬆鬆坐巴士入北潭涌，喺上窰轉返個圈行個大運先…………

(1) 行咗咁多年西貢都未入過去，今次終於可以入去睇吓喇。

悠悠閒閒荔枝莊

2008年12月28日天陰有微雨，今天一早追蹤完龍津橋之後，就立即坐小巴入西貢同d山友一齊嘆早茶，雖然我已經8:45分到，不過佢哋已經開咗兩圍係度食緊，好彩我都趕得切，大刷一輪之後，我哋就分4部的士入去榕樹澳，開始我地今年最後一次ge 擁抱大自然。

 

(1)

蠟燭燒牛尾

2008年8月16日天晴吹西南2級風，因為繼上一次2008夏水禮出海ge天氣十分之差，所以昨天睇定天氣，先再同豬腸粉決定約老點出海，今日真係好好天，一早9:30入到去白沙灣食個早餐後，跟住就走去遊艇會上船出牛尾海，我地今次一行5個人，輕輕鬆鬆咁曬住太陽吹住海風，沿途有好多好多ge帆船伴我同行，不消一會，我地已經到咗牛尾洲，二話不說，我地就立即跳落海，游水上岸玩今日ge第一個景點........秘洞幽廊，之後再去橋咀島ge倒吊蠟燭去摸吓裡面個對天皇靴，不過今日d船尾浪同暗湧都好大，經個4個鐘ge天人合一之後，我已經完成咗今日ge進化，變成地度乳豬皇，而我地亦都要留返d力明天ge大南山之行，所以一致決定回航返白沙灣食野，留返下一次再玩過。

(1) 出海啦........

香港的夏威夷

2008年6月14日天陰有雨，剛剛走去睇完沙田坳道塌山泥 (雨後睇真D) ge現場之後，準時15:30 到達彩虹小巴站，我地一行5人立即跳上小巴直到井欄樹，跟住就好小心咁非法橫過馬路，雖然今日都係要與蚊同行，但好彩有寵物ge蚊怕水，等我地不至於又再一次人蚊合一，經過上星期六個場超級大黑雨之後，再加依幾日個幾場ge紅黃雨，真係可以講係水頭充足，一路沿住往澳頭村轉入小夏威夷徑ge路上都已經變晒小小ge溪流，而我地亦都正式開始進入今日ge夏威夷睇瀑之旅啦。

      

(1) 昔日引水道................往山下ge農田。