大城小澗

 2013年8月25日星期日天陰，落咗兩個星期雨，深信香港大部份ge山澗都會水源充足，咁啱今日又有朋友開咗線行山澗，所以都係唔好諗，跟住朋友衫尾向住...........大城石澗出發。



(1) 今日撞啱又係城門水塘長跑日，
9:40am 落車ge時候勁多人。

水淺游龍

2013年8月18日星期日(天陰 / 早上有局部地區狂風大驟雨 - 氣溫26度至30度)，今日ge行程已經係成個月前安排好的，雖則依個星期初先掛完八號風球 (尤特)，跟住再落咗成個禮拜雨，我哋評估過風險之後，決定...............風雨不改，繼續我哋一行15人ge黃龍坑嬉水之行。

 

11:15am出發啦，依家就有小小陽光，不過起步前

就落咗場大雨，咁又可以幫我哋條澗補補水啦。

早晨尤特

2013年8月14日星期三 (颱風尤特 - 八號風球)，依個颱風中心風力每小時175公里，離岸有成7至8級風，昨晚天文台一話會於凌晨時份改掛8號烈風信號，已得知今日一定有半天假，本想大覺瞓半天，點知六點鐘就自動彈咗起身，左諗諗右計計都係決定同Sonia一齊出去尖沙咀碼頭感受吓。

七點幾...............咁多人坐地鐵，又話打8號風。

高達食魚蛋

2013年8月11日星期日 (天晴 - 氣溫38度)，今日約好咗個同事一齊入長洲食魚蛋，點知一早起身ge時候寵物話想去銅鑼灣時代廣場睇吓模型，所以就決定臨時加插一個環節，睇.......高達。

(1) 今次來港的 "高達" 和 "渣古"，是按真實
比例 1：3 製作，雖然仍不及 "台場" 的 1：1 
"高達"  (高18 米)  般霸氣，但今次 6 米高的
"高達"  和 "渣古"，在銅鑼灣鬧市亦非常搶眼。

生日薄餐

2013年8月8日星期四 (天晴 - 氣溫31度至34度)，今晚收工有飯局，本來約咗三個壽星 + 六個陪客，點知臨時各有一個嚟唔到，不過又突然多咗個外星人小朋友，結果我哋都係.............party 繼續。

(1) 有薄餅吃..............

 

貝尋大蜆

2013年7月7日星期日 (氣溫28度至33度)，今日休山去摸蜆，不過目的地唔再係大嶼山水口，而係改咗去.............貝澳。

藍天白雲.........迷人到暈。

今晚玩Free 啲

2013年8月4日星期日天晴 (氣溫31度至34度)，今日公司又有新攪作，事源早於兩個月前有同事話要今日結婚，剛好又有兩位人士於同日生日，我哋CEO決定攪次瘋狂派對賀一賀佢哋，還特意請來排舞老師為大家排舞表演，而巧合地就連排舞都師的生日也是同一日，所以最終我哋CEO都邀請埋排舞老師一齊玩，今次可以講係重頭製作，就連春茗都唔夠今次嚟，因為.............依兩個月每星期都要排舞兩日，最後嗰個星期仲要日日排，而且仲係搵咗專業人士為我哋拍攝製作依個........瘋狂派對。

17:00pm已經嚟到YMCA嘅禮堂，為今晚表演作最後採排。

魷去英國

2013年8月3日星期六 (氣溫27度至31度 - 間中有大雨)，今晚同一班山友約好咗隻魷魚妹出嚟食餐飯，因為依條魷魚好快就要出國讀書啦。

(1) 鴻運乳豬全體。

四季九龍坑

2013年7月28日星期日 (天晴 - 間中有大雨 / 氣溫27度至31度 / 南風2級)，落咗幾日大雨，今日個天先開始有好轉，所以前晚先決定走轉九龍坑山 (高440m)，博吓大雨過後會有清晰ge景觀，由流水响水塘起步初段比較悶熱，不過好快就有陣陣涼風送爽，而且今日ge行程都比較幸運，雨區多數都喺我哋兩邊擦身而過，四季天氣盡體驗在今日ge行程之中，市區一日，山中一年................ (上山ge熱 / 山頂ge霧 / 落山ge風 / 餐廳ge凍)

群山環抱嘅...............鶴藪村。

峰晟六十

2013年7月14日星期日天晴，今日行完陰澳出返荔景嘆咗個下午茶之後，我哋一行三人又再向著長沙灣出發，參加社長攪嗰個有嘢睇又有得食 (不過要入場費 $310) 嘅.................峰晟六十聯誼聚餐。

(1) 今晚襯返社長花甲年，所以開足五席...............六十人。

行入廸士尼

2013年7月14日星期日天晴 (氣溫29度至33度 / 東南風)，今日只係得一個字............."熱"，好彩一早約好今天屬於輕鬆行，上半後就只係入陰澳 / 欣澳 走走沙堤，下半程就行入去廸士尼睇吓條護城河。

 

襯食早餐時段順經青衣城，影埋依個.............壞蛋獎門人嘅3D圖先。

瞬間看地球

2013年7月6日星期六 (氣溫29度至33度)，今朝一早過咗太古城睇一個世界遺產...........樂高展，因為全部都係用LEGO砌出嚟，今次首次衝出日本嚟到香港，展期到本月底。

(1) 巴拿馬運河。

黃泥淺水游

2013年6月30日星期日 (氣溫34度 - 東南風4至6級)，今日係一連三日回歸假期ge第二日，想行吓山........但又唔想太辛苦，所以決定返兜一條早幾個月先行過ge超爽路線.................黃泥涌落淺水灣。

藍天白雲ge黃泥涌水塘。

六月High Tea

2013年6月29日星期六 (氣溫33度)，一連三日回歸假期正式開始，今日本來想同Sonia入長洲行吓食吓影吓，點知去到中環嗰碼頭ge時候見到勁勁勁多人排隊，所以臨時決定改行程上山頂，雖然山頂冇咁多人，不過都有小小迫嘅感覺，最終行行逛逛就入咗去食個Tea Buffet，喺香港高度接近海拔500米的地方食Buffet，仲唔係真真正正的High Tea。

(1) 真真正正ge山頂..............老襯亭。

 

孔怕不再遇上

2013年6月23日星期日 (東南風4至6級)，昨天仲係3號風球，不過今日就天朗氣清，所以今日想輕輕鬆鬆咁行吓南丫島............

(1)  今日個天真係唔錯。

落馬解禁自由行

2013年6月12日星期三 (氣溫24度至28度 - 北風4級)，今日係端午節假期，亦係第二階段開放禁區 (由羅湖至落馬洲內嘅六村..........得月樓村 / 料壆村 / 馬草壟村 / 信義新村 / 落馬洲村 / 下灣村 ) ge 第二日，早於上個月尾得到消息後已立即相約一眾好友安排是日行程。

尖風棄鷓鴣

2013年6月9日星期日天晴 (氣溫29度至33度)，今日本來一心跟老師連走尖風山 (346m) + 鷓鴣山 (432m)，不過今日真係好好好熱，走完上半程再補給過後，決定今日到此為止，放棄連走鷓鴣山，坐車返落市區嘆茶。

井欄樹果然好多樹。

藍天日落

2013年6月1日星期六天晴 (氣溫28度至32度)，最近依幾日個天都好清晰，所以同朋友借咗部車去遊車河影日落，今日陽光普照 + 藍天白雲，天文台仲送多個酷熱天氣警告................

依家有成37度高溫，你就緊係爽啦，匿埋嘆冷氣。

星星飯局

2013年5月28日星期二 (天晴 26度至30度)，今晚約咗一班好友喺北角市政街市<<東寶>>食飯，實情就係要同兩位壽星佬 (5月楚大俠 & 6月郭大俠) 慶祝生日，開開心心食餐飯兼聚一聚再吹吓水。

(1) 一班好朋友，點會冇啤酒。

百看香港

2013年5月26日星期日天陰有雨，今日係我有生以嚟踏上最高ge樓層............100層，再用另一角度全方位360度咁欣賞我哋嘅家.............香港。

(1) 隻鴨................中咗毒。

45年啦

2013年5月23日星期四，今晚係小弟母校四十五週年校慶嘅校友聚餐，雖然相比五年前ge40週年聚會小咗啲人，不過今次都有成19圍ga，而且收費冇變，依然係每位三佰大玩，不過今晚真係好開心，更要多謝一班幕後攪手。

(1) 人生有幾多個四十五年。

丹霞3日2夜之行 - Day 3 佛崗寒址

2013年5月19日星期日 (氣溫24度至28度)，今日係三日旅程ge最後一日，我哋一早食完早餐就坐返兩個鐘頭旅遊巴返佛崗食午飯，跟住就係尋找一處冰川遺址，短玩一會就回巢返深圳食晚飯。

(1) 途經加油站.............買咗好多嘢wor。

丹霞3日2夜之行 - Day 2 (pm) 勇闖巴寨

2013年5月18日星期六 (氣溫23度至28度 - 多雲有雨)，上午遊覽咗長老峰ge錦石巖寺之後，大家又醫飽飽個肚，係時候玩埋我哋今次行程ge主菜................巴寨，由丹霞山去巴寨約需半個小時，大家又以可在車上小休一會。

(1) 下午13:20pm到達影區啦，我哋要18:00pm返嚟
依度集合，登寨前先嚟張大合照。

丹霞3日2夜之行 - Day 2 (am) 雲海湧現

2013年5月18日星期六 (氣溫23度至28度 - 多雲有雨)，今日將會行程緊密，瞓咗唔夠四個鐘，又要4:00am彈起身，因為大隊準備開車入丹霞山坐覽車睇日出，餘下行程仲有錦石巖寺同丹霞最高山峰.................巴寨。

(1) 今次睇日出唔需要行鑊金，"寶珠峰" 都有成三佰幾米

高，行都要成粒鐘多啲，依家坐覽車就只需三分鐘。

丹霞3日2夜之行 - Day 1 災後佛音

2013年5月17日星期五 (氣溫27度至30度有雷暴)，今日係佛旦假期，再加之後嘅星期六日，一連三日ge假期亦正式開始，不過依排天氣非常之不穩定，清遠韶關早兩天先落咗場二佰年一遇ge超級大暴雨，而正正今次我同寵物跟社長上去ge地方就係佛崗 & 丹霞山玩三日。

(1) 早上8:45am深圳橋社集合，今次一行四十三人。

 

粥大魚頭

2013年5月14日星期二 (氣溫26度至29度)，今日17:00pm公司已經冇乜嘢做可以早收工，咁啱寵物昨晚又話想食粥，所以走咗去街市買嘢返屋企玩吓煲粥仔。

(1) 超級大魚頭，淨重一斤十四兩，多謝$86大元，好彩同魚檔

老板有兩句，佢只收我$80，仲送多兩條魚骨比我淆粥底。 

總有出頭天

2013年5月5日星期日 (氣溫21度至24度)，今朝喺中環食過早餐之後，臨時加咗個頭盤就係...........香港大會堂，而主菜就依然係出南灣岬角近賞頭洲，甜品就緊係出返香港仔嘆下午茶啦。

依個紀念龕只係開放每個月第一個星期日ge時間係 9:30am 至 12:30pm。

人人都要Duck

2013年5月4日星期六天陰 (氣溫18度至22度)，今日出尖沙咀買嘢，順路行出碼頭睇吓隻鴨仔，點知佢已經游埋咗去角落頭。

(1) 風水鴨........頭向東尾向西。

香港乜都Duck

2013年5月2日星期四天陰  (氣溫16至20度)，除了自1917年以來最凍ge五月，而今日亦有另一大件事就係巨鴨襲港，得知隻鴨會於中午正式登場，至於幾時會由青衣運送過嚟海運大廈就不得而知啦，所以我決定襯未開工就一早就走咗出尖沙咀影返幾張相。

(1) 好一條3D鴨仔河。

行又古食又古

2013年4月28日星期日天蔭 (氣溫22至24度)，本來一條平平無奇而又行過多次ge東大古道，我哋欲要早於三星期前約好今次行程，仲要講明不可甩底，原因好簡單............就係今日要去攞我哋一早喺沙螺灣訂咗啲由古法炮製出嚟ge好嘢。

今日行程輕鬆，10:00am先喺東涌集合。

冇大冇細

2013年4月27日星期六 (氣溫21度)，今日同寵物約埋長江一齊去睇鴨，不過未睇鴨之前先入咗沙田睇戶外品開倉，跟住我哋先撲入青衣，尋找一隻只係睇得唔食得ge大肥鴨，點知今日睇ge嘢原本大ge就變咗細，原本係細ge變咗大，結果攪到冇大冇細。

入到嚟青衣城，發現依度原來仲有一個 "微型藝術展"，我哋緊係順手影埋佢啦。

墳來墳去

2013年4月21日星期日(天陰20度至22度 - 東南風3至4級)，今日跟社長出隊入印洲塘，餐湯係先去鎖羅盤村，頭盤係睇吓依個荔枝窩ge風水名穴........黃狗雙連，主菜係上一個冇人住而只得兩個墳嘅墳洲，甜品係.........西黃泥洲，餐飲就係........黃金海岸。

今日A線 + B線 都有成九十幾人，熱鬧熱鬧。

張保仔魔爪

2013年4月14日星期日多雲 (氣溫22度至25度)，天氣唔穩定，能見度又差，真係唔知行邊度好，只好約好班朋友一齊食過靚早餐，再邊行邊諗。

 

今日集合時間係9:00am，不過第一站係去嘆返個歐陸早餐先。

積木城市

2013年4月13日星期六天晴，早兩日從報紙得知大會堂展城館會有一個名為.........城市印象@尖沙嘴 (兩套由彩色塑膠積木砌成的模型)，所以決定襯今日寵物要返公，我就可以送完佢返公再順路走去昅一昅。

(1) 十點先開門，走去食個早餐嘆吓報紙先。

珠仃復活4日3夜之行 - Day 4 板樟白蓮

2013年4月1日星期一天陰有雨 (氣溫19度至22度)，今日係最後一日行程，大家8:30am集合等Check out 房間，跟住再寄存好啲背囊就可以輕鬆出發食早餐，然後再坐車出發去依個板樟山..................

(1)

珠仃復活4日3夜之行 - Day 3 仃返過海

2013年3月31日星期日天陰有雨 (氣溫19度至22度)，今日係留喺伶仃島ge最後一日，原本行程係打算坐下午船返珠海，跟坐聽日就喺珠海行山，不過臨時改咗行程，打算坐早船返過珠海再過澳門食嘢，明天行程就再作決定，點知一個十分鐘加一個驚喜就為今次旅程帶出更美好回憶.................

(1) 今日我哋7:30am集合Check out 房間，而個天色就灰濛

濛咁，企喺河涌灣勉勉強強都可以睇到大嶼山同石鼓洲。

珠仃復活4日3夜之行 - Day 2 仃完再仃

2013年3月30日星期六大霧有雷雨 (氣溫19度至21度)，今日一早7:00am集合出發食早餐，一心計劃早啲食就早啲上伶仃峰，點知驚喜一個接一個，先嚟早餐食咗兩個鐘，再嚟半日之內翻兜上山兩次，直到夜晚，個天竟然.......................

(1) 早晨呀.............伶仃島。

珠仃復活4日3夜之行 - Day 1 過海搵仃

2013年3月29日星期五天陰有雨 (氣溫21至23度)，今日係復活節假期ge第一日，我哋一行六人選擇咗過珠海出外伶仃島喪玩喪食，一早7:45am約好喺上環信德中心食過早餐後就坐8:40am船直到珠海九洲港，迎接我哋依個快樂旅程。

(1) 豐富早餐係我每日必備ge，不過相比之後嗰
兩日ge早餐就差小小啦。

由淺入深

2013年3月24日星期日天陰 (氣溫21至25度)，由於天文台預報今日中午過後有雷瀑，所以今日行程超輕鬆+簡單，仲要攪到昨晚差唔多成10點先落實到路線，就係由黃泥涌水塘落淺水灣，不過唔上山。

喺中環飲埋早茶再坐巴士上到嚟有水上單車踩ge黃泥涌水塘都差唔多成11:30am啦。

九缽一盆

2013年3月23日星期六天陰 (21至25度)，早兩星期有山友介紹新界有處食盆菜幾好ge地方，所以就約好一班山友今個星期一齊食......................九缽一盆。

(1) 早咗入到嚟屏山，就行去搵吓事頭婆，

因為好掛住佢................

甲龍尋橋

2013年3月17日星期日天陰 (氣溫21至25度 - 微風2級)，今日行程直到落車食早餐嘅一刻都依然係一個迷，因為我只喺約好幾位好友於荃灣一起食早餐，至於行邊處山就仲未諗到，而約在荃灣ge好處就係目的地可以多元化，而最終我決定以大帽山ge荃錦坳為出發點，路線就等坐車上到去先邊行邊決定，就係咁啱在落車時見到巴士內ge顯示器顯示出下一站係甲龍，所以就決定先由荃錦坳落車行甲龍古道，起步冇耐竟遇到一位高手兼貴人，短短十分鐘嘅交談，佢給予我哋一些提示去河貝水塘尋找一石橋，遠離一石檯，仲分享咗好多行山事宜比大家，另我穫益良多，亦令我今日ge行程豐富許多。

我ge至愛早餐之一............羅宋湯螺絲粉。

公司請叫雞

2013年3月13日天晴 (氣溫18至22度)，Carmen萬歲今晚公司飯局，請晒大家齊齊去土瓜灣叫雞............煲。

同事推介，結果請食海鮮餐與雞煲ge最終比拚定局係

雞煲勝出，海鮮就要留待下一次啦。