屏山燒鴨鵝

2011年7月31日星期日天晴，不過今日決定休山一天，去睇我嗰兩個寶貝姨甥，順路帶我家兩位長老話事人同寵物一齊入去屏山食個晚飯，放底三幾嚿去會一會鴻興金牌雙剎.............燒鴨 / 燒鵝。

(1) 鴻興~~~海鮮燒鵝食家。

一別多年的詠藜園

2011年7月29日星期五 (天陰 - 間中有狂風大驟雨)，今日下午啱啱落晒d風球訊號 (洛坦 - 3號風球)，收工決定同寵物出去食過晚飯，起初諗咗好多地方..........藍田 / 樂富 / 旺角 / 尖沙咀 / 鑽石山 ，最後心血來潮，揀咗去黃大仙食四川嘢，一間差唔多成十三四年都冇去幫襯過ge老牌川菜館 .................... 詠藜園。

()

巨蟹之夜

2011年7月27日星期三天晴，今日收工喺街市見到d蟹終於忍唔到手，一次過買咗兩隻返屋企同佢搏鬥，最終我同寵物用咗個幾鐘先將佢收復到..............飽晒。

(1) 每隻有成一斤4兩 - $68 / 斤，檔口寫住係 "澳洲糕蟹"。

夕接夜龍行

2011年7月23日星期六天晴微風 (大暑)，今日收咗工兼攪妥一d私事之後，仲趕得切同幾個朋友嘆返一盅兩件，一行未知幾多人約咗15:30pm喺荃灣地鐡站A出口集合，再轉剩51號巴士到大帽山郊野公園落車，一齊漫步到石龍拱，由於今次特別為一班朋友安排行夜山ge初體驗，所以經過多條路線ge篩選之後，我決定咗依條又行得安全兼又唔長程，有日落睇之餘又有夜景昅ge路段，等大家先體會吓夜行ge滋味，好作日後ge安排。 整體今日ge天色都唔錯，最終亦可以喺我預計ge時間21:30pm前完成，更開心ge係可以讓幾位外籍朋友從另一角度認識香港。

(1) 三軍未動，糧草先行。

炭上龜背

2011年7月17日星期日天晴 (多雲 - 西南風)，今日與幾位朋友一齊跟老師返兜九肚山，一早9:00係火炭集合之後就沿工業區上桂地新村再上接龜背頂 (一個不知名ge山嶺，一般行山人士稱之為龜背頂或龜背山)，由於今日天氣異常之悶熱，上行不久，同行一位朋友已經唔係好舒服，所以在上山途中已決定與數位朋友離隊自由行，而今次又要再一次與九肚山擦身而過 (已經係一年內ge第三次喇)

(1)

游龍戲水

2011年7月10日星期日天晴吹西風，今日我哋入黃龍坑，一次過玩晒多條山澗 (黃龍澗 / 東龍澗 / 北龍澗 / 藏龍澗 / 臥龍澗 / 左龍澗 / 右龍澗)...................流落嚟ge山水，其實冇入嚟黃龍坑已經差唔多有十年啦，聽聞2008年嗰場世紀大雨已經改變晒黃龍坑之前ge樣貌，今日再踏足依度，果然唔同晒，石又多咗，坑又闊咗，就連藏龍澗嗰入口都差d唔認得，重溫咗一小段之後，決定回走大水閘前作今日ge大休處兼水上樂園。

(1) 準備出發啦 !

慢步行山路

2010年7月3日星期日天晴，早幾日我選取咗一條非常之輕鬆ge行山路線，所以一早喺觀塘約埋一齊飲返個早茶，10:00am先由地鐡站行去裕民坊坐小巴入 "靈實醫院"，大伙兒就喺門口落車，整頓一吓行裝後，一行十五人準時10:35am正式開始上 "茅湖山" 睇古堡。

(1) 小朋友..........你邊位呀，點解成條神仙魚咁ga。

七一游行慶回歸

2011年7月1日星期五風雲莫測 (上午雷雨交更，下午陽光普照)，今日係回歸ge假期，我決定要參加游行.............. (游水 + 行山)，大船一過鯉魚門，個天d雨好就一直追住我哋唔放，沿途相隨ge只得風雨雷電，好不容易的等了又等先等得到個雷電遠我哋而去，大家便開始準備穿洞，無奈今日ge風浪亦唔算細，剛好只可容納一隻船穿過ge沙塘口洞，我們亦只得門前掠過而不入，而領隊ge文源大哥決定改去火石洲穿欖灣角洞 (又名關刀大洞) ，當然一班爛玩之人又點會比依d雨嚇阻到，結果換嚟ge就係未落水先濕身，當大家穿飽洞之後，大船就先行到甕缸灣放底一班玩水睇珊瑚之隊友，無奈........今日最好與最壞ge事件竟然不幸的同時出現 (天空放晴卻換嚟駁艇壞摩打)，結果又要同槓洲U型洞 / 海上宮殿說聲下次再見。

(1) 雙鴻出海 - 社長今日真係盆滿缽滿。