粥大魚頭

2013年5月14日星期二 (氣溫26度至29度)，今日17:00pm公司已經冇乜嘢做可以早收工，咁啱寵物昨晚又話想食粥，所以走咗去街市買嘢返屋企玩吓煲粥仔。

(1) 超級大魚頭，淨重一斤十四兩，多謝$86大元，好彩同魚檔

老板有兩句，佢只收我$80，仲送多兩條魚骨比我淆粥底。 

巨蟹之夜

2011年7月27日星期三天晴，今日收工喺街市見到d蟹終於忍唔到手，一次過買咗兩隻返屋企同佢搏鬥，最終我同寵物用咗個幾鐘先將佢收復到..............飽晒。

(1) 每隻有成一斤4兩 - $68 / 斤，檔口寫住係 "澳洲糕蟹"。

秘製新春住家盆菜

2011年2月4日星期五天晴14度至20度 (年初二)，今日開年，早上返咗寵物屋企，夜晚又返自己屋企，過年就真係左騰騰右騰騰，由於早兩天蒸好晒D蘿蔔糕仲剩小小料，於是乎再買D料試吓整個迷你盆菜，誰不知個份量足夠4至6人食，而且計吓數.........買料都買咗成3嚿水 (炆蘿蔔 / 山根 / 墨魚丸 / 福州魚蛋 / 黃金芝士丸 / 蜜汁叉燒 / 蠔豉 / 豉汁炆大鱔 / 蠔皇炆苳菇 / 清蒸大干貝 / 豉油皇大蝦 / 原隻鮮鮑魚。)，而且D苳菇同蘿蔔都要炆成3 日， 結果用金錢 + 時間 + 人力 + 柴火先攪到依盆嘢出嚟............再祝大家今年搵金搵銀搵到盆滿砵滿。

(1) 半制成品。

 

富蠔蘿蔔糕

2011年2月2日星期三天晴，今日係年三十晚，不知不覺已經收爐 (放假)咗成五日啦，昨天一早落咗街市買料，準備今日整蘿蔔糕，由於時間有限，昨天晚上已經將d材料切切切晒 (用咗我成3 個鐘)，留待今日再蒸蒸蒸............. 蘿蔔糕，不過今年我放棄用臘腸，改咗用蠔豉，唔知味道智係點ge呢.......................

(1) 山東蘿蔔黎ga要成$1.5斤.........勁平又勁甜，蝦米，蔥。

簡簡單單又一餐

2009年8月7日星期五天晴，今日忘於整理最近一年影落ge相片，所以冇乜時間可以整好多餸，匆匆忙忙走到街市買小小嘢返屋企，跟住就將佢哋變成................

 

(1) 洋蔥蝦仁炒蛋。 

摸唔到.........食餐好

2009年8月1日星期六，今日一早出咗去摸蜆，不過收穫就未如理想，所以決定提早撤退去街市shopping，跟住返屋企開大餐，經過一個鐘頭喺廚房ge努力之後，今晚尾男廚房ge菜單係...........................
 

(1) 薑蔥爆大蝦。

清蒸新鮮鮑魚

2009年6月23日天陰有雨，今日行經街市ge時候見到d新鮮鮑魚唔係貴，所以就買咗十隻八隻返屋企攪攪佢，一輪清洗調味之後(加d薑蔥同果皮)，就蒸佢廿分鐘 (要睇吓佢大隻定細隻，時間有所調教)，嘩~~~好滑......... ，不如大家先睇睇相吧。

 

(1) 嗱~~~都唔算細隻ga 。

熱爆雞煲翅

2008年7月28日天晴，今日放工返到屋企又有新攬作............，不過由於依排放咗工比較多野攪，所以個過程就不再多加寫作啦，就睇睇相吧。   

(1) 又係雞........今次又攪乜呀 !

田雞蠔一餐

2008年7月21日天晴，唔知點解今日突然之間好想食田雞，於是放工一返到黎，立即走去街市買咗d田雞同d蠔，跟住即刻洗呀洗呀斬呀斬呀，經過一輪調味之後，嗱嗱淋用d蔥同薑爆香個鑊，跟住炒炒炒，由於d田雞一定要煮得好熟先可以食，經過獨家ge炒焗之後，終於大功告成，試過味之後..........唔錯唔錯，所以決定下個星期返屋企再煮多次比屋企人食。 

(1) 排排坐.......等住我。

第一條牛孖筋

2008年6月25日，早兩日買咗d牛孖筋返屋企，今晚終於有時間炆啦，一放工返到黎，立即動手切切洗洗，因為d牛孖筋稔住好多小毛毛，所以一定要洗得好乾淨先可以再加煮煮，經過好幾次開火 / 熄火 / 焗完再焗之後，終於大功告成，試過味之後..........唔錯唔錯，d牛孖根好淋又唔韌，而且冇晒d牛蘇味，估唔到第一次炆牛孖筋就哈哈哈...........成功，下一次我ge目標就係..................未諗到。  

(1) 洗淨之後等出水。

8號荷葉雞

2008年6月24日天陰，今年第一個颱風風神喺今日黎香港暢遊，晚上22:45天文台已經掛咗8號風球，雖然今日ge天氣唔係咁好，但我喺收工ge時候去咗街市走一轉，目的就係為咗依個餸................荷葉雞。

(1) 雞呀雞呀......你好快就會變身ga啦 !

雞蟹二重奏

2008年2月24日天陰有微雨，今日休息冇去行山，忽然心血來潮，好想食凍蟹同白切雞，所以就走落街市買咗一隻雞同幾隻花蟹，其中隻大花蟹有成一斤十兩重ga，三隻蟹已經成兩舊水la，雞就用黎蒸薑蔥白切雞，兩隻中蟹就薑蔥炒蟹，隻大花蟹就整凍蟹，嘩.....正呀。

(1) 幾....幾....大隻花蟹。

再戰賀年蘿蔔糕

2008年2月4日寒冷有微雨，仲有兩日就過年，公司提早今日收爐，本來諗住今日自己走去船灣睇吓個象鼻岩，點知個膝頭早兩日行山ge時候貪玩整傷咗，唯有乖乖地留喺屋企la，於是乎一早就走落街市買料再整幾底蘿蔔糕比屋企人過年，應該今次會比上一次好食d，因為有咗上一之經驗之外兼加重咗料(12粒大元貝同自制即炒芝麻)，應該會色香味都會有返貢上吓，等攤凍一晚之後，年初一就可以食啦。  

(1) 韓國蘿蔔黎ga要成六蚊斤ga。