2011年2月28日 星期一

八鄉盆菜宴新春一天遊

2011227日星期日天晴多雲 (18-22),兔年至今都仲未正正式式出山,今日依然都係老少咸宜一天遊,事原因為寵物ge朋友ge某某教友聲稱佢哋ge教會舉辦了一個 "八鄉盆菜宴新春一天遊",位位$100,今次最吸引我ge主要原因係因為可以喺出面d鄉村食盆茶 (咁耐都未試過),貪玩貪食ge我就一定係逢約必到ga啦,行程包括有.........參觀錦田ge跳蚤市場紅磚屋,再去元朗麵廠展銷場,跟住就係今日ge主題.........正宗家鄉盆菜宴,尾站係錦田鄉村俱樂部 (順遊水尾村樹屋)

(1) 春臨大地

2011年2月24日 星期四

2011 財政愚算案

2011224日星期三天晴,不過個心情就差d,昨日又係財爺公佈財政預算案ge日子 (儲備6000 - 盈餘713),真係雞同鴨講,批評接受思想照舊,唔明點解依幾年ge預算案好似公司做Appraisal (照抄之前嗰份改小小嘢),電視都有話啦,如果我係財爺.................ge廢苦之言 (肺部有話講)

*****  *****

1. 煙酒稅 : 加煙唔加酒,鼓勵你介煙唔介酒 (小咗肺癌,多咗肝癌 ? )

2. 公積金 : 醒你六仟蚊,鼓勵你保重健康,至少活到六十五 ,唔好咁早落地府 (退休生活未必睇得到,依家益晒嗰班基金佬),依幾十年冇錢食飯唔緊要,只要等到退休就可以攞錢食飯啦。

3. 綜援金 : 筍多一個月,鼓勵你唔好自力更新 (日捱夜捱年尾冇雙糧,嘆吓綜援點止有雙糧)

香港政府大事做唔到,小事唔識做,自己捱一生卻換嚟退休乜都要自己顧自己 (醫療金自己供,退休金自己供,就連雙腳一申都冇位比你),但係仲要交稅養你兼照顧你班高官廢柴 (乜津貼都有,退休仲要括返一大筆先走)


現今大部份基層打工仔就如沙漠上的人,一心已為政府會比水飲 (有退稅或有錢派),點知政府話............ 唔洗驚,財爺會將d水放喺沙漠出面ge酒店 (注資入強積金等退休攞),等大家出到去就有得飲ga......... 出得到去先算啦 (退到休先算啦)

大家在壯年時為社會作出貢獻,就像父母為子女付出一生,雖知現今社會就像不孝兒一樣,要大家老時自己顧自己 ............ 可悲。唉唉唉~~~~~~~越寫越火滾,就嚟部電腦都罄到爆炸,我要 ......................爆啦 !






2011年2月18日 星期五

元宵的聲光

2011217日星期四大霧 (13-17),今日係正月十五元宵佳節 (中國情人節),同寵物喺九龍城食咗牛肉麵做晚餐,順路行去九龍寨城公園睇香港藝術節ge聲光園,點知行到去先知原來要18號先公眾開放,今晚只係招呼大會贊助商VIP,一心已為白行一趟,點知 .................... 無啦啦行吓行吓就變咗做埋VIP (仲有美酒佳餚招呼),但行完之後覺得依個展覽應該留返鬼節或者萬聖節會夾D

(1) 元宵節晚餐有....... 牛肉麵 / 乾煎豬肝 /
苳菇蛋卷 / 牛肉湯

2011年2月14日 星期一

東北虎四咀東北鴨

2011213日星期日寒冷 (11 + 東北風4又有雨,兔年第一炮跟社長出隊,就踏進一處渺無人煙ge東北海岸.............東北七咀 (亞公咀 / 企山咀 / 三角咀 / 新舅埔角咀 / 上角咀 / 白角咀 / 九蘆頭咀),不過因為雨勢未停過,最終只能玩住個咀先 (亞公咀 / 企山咀 / 三角咀 / 新舅埔角咀)

(1)

2011年2月7日 星期一

三村賀兔

201126日星期日天晴,今日係年初四,唔洗問阿貴...........過年緊係穿吓村襯吓熱鬧啦,今日選擇咗三條村嚟賀兔年........................ 上水圍門口村 / 大埔林村 / 大埔社山村。

(1) 新年最常見ge門口告示。

2011年2月5日 星期六

福兔大團拜

201125日星期六年初三 (天晴 - 17度至23),今年又要麻煩金老板借出佢會所ge場地比我哋攪團拜,可惜波爺一家四口只有兩位能出席 (細女病咗,波嫂要留喺屋企照顧個女),今年大會預備ge食物非常之豐富好味,而且又有美酒相伴,真係熱熱鬧鬧的一夜不過眼見大家ge小朋友一年一年咁長大,唔知佢哋重會跟住父母出嚟幾多年呢,期望明年大家都能健健康康又開開心心咁一齊再大團拜。

(1) 一早知道今日ge菜單有羊架
所以就一早預備咗薄荷醬啦。

2011年2月4日 星期五

秘製新春住家盆菜

201124日星期五天晴14度至20 (年初二),今日開年,早上返咗寵物屋企,夜晚又返自己屋企,過年就真係左騰騰右騰騰,由於早兩天蒸好晒D蘿蔔糕仲剩小小料,於是乎再買D料試吓整個迷你盆菜,誰不知個份量足夠46人食,而且計吓數.........買料都買咗成3嚿水 (炆蘿蔔 / 山根 / 墨魚丸 / 福州魚蛋 / 黃金芝士丸 / 蜜汁叉燒 / 蠔豉 / 豉汁炆大鱔 / 蠔皇炆苳菇 / 清蒸大干貝 / 豉油皇大蝦 / 原隻鮮鮑魚。),而且D苳菇同蘿蔔都要炆成3 日, 結果用金錢 + 時間 + 人力 + 柴火先攪到依盆嘢出嚟............再祝大家今年搵金搵銀搵到盆滿砵滿。

(1) 半制成品。
 

2011年2月2日 星期三

富蠔蘿蔔糕

201122日星期三天晴,今日係年三十晚,不知不覺已經收爐 (放假)咗成五日啦,昨天一早落咗街市買料,準備今日整蘿蔔糕,由於時間有限,昨天晚上已經將d材料切切切晒 (用咗我成3 個鐘),留待今日再蒸蒸蒸............. 蘿蔔糕,不過今年我放棄用臘腸,改咗用蠔豉,唔知味道智係點ge.......................

(1) 山東蘿蔔黎ga要成$1.5.........勁平又勁甜,蝦米,蔥。