梅州三天行 Day 3 - 雨下圍龍

2009年12月27星期日天陰有雨，經過第一日梅州三天行 - Day 1 (南台禮彿)，同第二日 梅州三天行 - Day 2 (霧中追日) 之後，今日係梅州三天行ge最後一日，一早6:00am 就自己morning call，執返好個 look 之後就出酒店附近週圍睇睇，個天啱啱先光，而且落住毛毛細雨 (即刻諗起學友首歌 -  晨曦細雨重臨在這大地......................)，可能因為今日係星期日，再加上落雨，所以人車都唔多，只有一兩間食店開咗門，於是我快快咁行咗一陣就返酒店叫醒寵物。

(1)

梅州三天行 Day 2 - 霧中追日

2009年12月26日天晴 (16度)，聖誕節三日假期ge第二日，玩完第一日ge行程 梅州三天行 - Day 1 (南台禮彿)之後，zzZZZzzz咗唔夠4個鐘，零晨4:30am就彈起身，預備摸頂睇日出，不過真係好大霧，而且出面得返7至8度左右，相信日出就一定睇唔到，不過我哋依班爛玩之人，一於大踏步上山摸吓個頂 (陰那山 - 玉皇頂 1298m)。

(1) 外太空漫步..........

梅州三天行 Day 1 - 南台禮佛

2009年12月25日星期五天晴 (18度)，聖誕節三日假期ge第一日，一早7:15 am喺九龍塘地鐡站集合，一行23人(連領隊耶穌)坐大巴經沙頭角口岸過關，再轉乘旅遊中巴呆足5個多鐘頭先到達梅州。

(1) 早上7:30am集合............

聖誕新年.......hohohoho

 MERRY X'MAS 2009 ............ hohohohohoho

WISHING U  NEW YEAR ............. HAPPY 2010 TO YOU

真實版開心農場

2009年12月20日(星期日)天朗氣清，依排身邊朋友d興趣都好似好健康咁，話題總係離唔開最近種緊乜，d收成又比邊個偷咗...........， 個個都都好似轉咗行做農夫咁 (包括我自己都一樣) ，不過原來大家都只係成日上網喺d虛擬世界度種嘢.............收割，今日，我選擇咗另一個途徑去擁抱大自然，將虛擬變成真真實實 ......................

(1) 農場主人帶我同寵物去咗一間幾好味ge齋鋪........隨緣。

我的雪亮聖誕

2009年12月17日星期四天寒地凍  (14度)，因為寵物公司有半價ge廸士尼門票優惠，所以今日我同寵物一齊去咗廸士尼樂園，提早迎接今年ge聖誕節，尋找一點點ge童真，我哋準時10:00am已經喺樂園門口會合其餘兩個朋友一齊玩返日 (不過佢哋兩位大忙人只係玩了上半天就要走了)，所以一入去就先玩咗d機動遊戲同睇3D電影，留返下午我先同寵物先週圍影吓相拍吓拖，今年樂園ge主題係........雪亮聖誕，可能因為天氣比較凍，再加上小鎮大街耐唔中會有一d漂雪ge效果，置身其中，真係好似去咗外國一樣.........................

(1) 你估我哋去邊處........

冬日鐡板燒

2009年12月13日星期日天晴，今日風和日麗，本來約咗一班朋友行石壟仔石林，不過早在幾日前才記起原來已在兩個月前約好咗老點入去佢間老點居度鐡板燒，我哋約咗11:30am先喺彩虹坐小巴入白沙灣，跟住再由阿點爺開船出嚟接我哋 (辛苦晒)，準備今日冬日ge鐡板燒......................

(1) 一班貪玩又貪食ge地球人呀 !

年年蛇一鑊

2009年12月8日星期二天晴(20度)，又係秋風起三蛇肥ge時候，當然緊唔會小得一年起碼至小有一次ge蛇宴啦，不過今年同往年ge菜式有小小唔同，但我都依然會比80分。

(1)

青大逃忙行

2009年12月6日星期日天晴  (20度)，今日天氣未常清涼，我哋一行四十幾人10:00am已坐旅遊巴到咗白泥，由於車大路窄，結果要喺 "稔灣路"路口 嘅 "廈村鄉白泥村公所" 落車行成個鐘入去 "下白泥" ，今日ge行程本來係走青大石澗再轉入月牙谷過方包石，然後下走花朗古道出北朗，不過除咗因為起步小小有阻滯之外，又在入澗初段因錯走了一段大冷溪而需時折返，結果要成14:30pm先入到四疊潭，正因如此，所以我同長江研究過打後行程後，一致認同只有趕住行............到北朗坐旅遊巴 (月牙方包就  byebye 囉)，所以決定同老師申報離隊人數後，改為開小差做逃兵，輕輕鬆鬆上山轉軍車路返出去良景村.............(不過最後得知他們一如我哋所講.......行行行行行)。

(1)   起步喇..............

東亞煙花耀香江

2009年12月5日星期六天晴 (18度)，今日係香港舉辦第五屆東亞運動會ge開幕大匯演日子 ，而且更會創下東亞運動會歷來開幕最大ge舞台、最大規模及最多人(因為整個維港將會化身成舞台，約有廿萬人在維港兩岸)觀賞ge表演。耗資四千萬元製作的第五屆香港東亞運動會開幕式 ，由20:05pm開始，在尖沙嘴文化中心 廣場及對開維多利亞海港正式上演，象徵香港繁榮演變的維多利亞港化身成全晚開幕式的海上舞台，以「創造傳奇」為主題 ，維港兩岸布滿三百盞射燈照亮，十座大廈頂部有激光表演，配合幕幕煙花，發放「傳奇」。 正因為咁，所以我決定喺九龍城食完晚飯之後，差唔多19:30pm就同寵物偷偷咁摸黑行成個鐘夜闖舊啟德機場跑道 ，拍下另一角度ge維港煙花...............

(1) 真係黑到咁.........

茜草奇墓

2009年11月29日星期日天晴，早於3個星期前，老師在社慶時給了一張幾特別ge相比我睇 (一張座落在石礦場內ge墓地相片)，因為同我哋平時喺香港見慣ge有d唔同，所以就約好咗今日去考證研究一吓，由於今日ge活動主題比較特別，所以一般行友都沒有太大ge興趣參與，最終只有我哋5個研究生約好咗早上10時唙油塘地鐡站集合，跟住就行去茶果嶺村穿遊一吓，然後先上茜草灣石礦場去睇吓依個可能全港唯一得這種建築風格ge墓穴......................

(1) 一齊搬咗個寶箱返去仲唔發.......

大細孖..........嚟喇

2009年11月22日星期日天晴，今日決心放棄大自然 (全因為兩個人)，佢哋就係我ge大細孖姨甥啦，仲有幾日就一個月大啦，今日我哋成家人一齊入去睇吓佢兩個...........真係好可愛ga，外婆同外公見到個孫一定笑到見牙唔見眼啦，而我當然影咗好多好多相啦，話晒我都榮升咗做舅父仔wor 。

(1) 兩個主角出場啦.............當然係BB 床裡

面嗰兩位小主人  (大細孖姨甥)啦  !

帽影日落

2009年11月21日星期六天寒地冬(最低只有12度)，今日又係一年一度ge毅行者，亦即係話大帽山全年最多人ge兩晚 (咁就唔驚有人打劫啦)，所以早於兩個月已經安排咗今日上大帽山影日落，如萬一厚雲ge話，就改為影夜景，是關都未試過喺大帽山睇夜景，不過今日都算順利，3個傻瓜下午3點半就坐巴士到咗荃錦坳，跟住就開始慢慢行上山，沿路上都見到好多毅行人士正迎面而來趕往報到站，經過大半個鐘就已經到咗閘前，慢慢靜待日落西山................... (不過真係越來越凍)

(1) 好熱鬧呀........

昂船洲大橋百慢行

2009年11月15日星期日天氣清涼(約18度)，早於個半月前己安排今日ge活動，就係我哋自組咗廿一人參與 - 昂船洲公益金百萬行 (每人籌款額最小要三佰大元)，由於參加人士眾多(大會話今次參加百萬行ge人士有成3萬幾人)，大會要分批安排起步時間，我哋就安排喺南昌西鐡站上接駁巴士ge時間係上午11:00，至於私人集合時間就提早約咗10:30南昌西鐡站大堂，不過一到步已經人山人海，好不容易先搵返d自己友，跟住就開始今日全長六點五公里ge.....................百慢行啦。

(1) 依張係大會ge宣傳海報。

 

中印大閘會

2009年11月13日星期五天寒地冬 ，今日個冷鋒啱啱到，夜晚約莫得返17度，有咁啱得咁啱一早已經約咗幾個朋友今晚食餐中印大閘飯 ..................(中式加印尼再加大閘蟹)，今次依然有位家用印尼大廚……… Tutik 為我地烹調港式大閘蟹， 然後再炮製一系列正宗地道廣東菜同印尼菜，兩個字.......正呀!

(1) 頭盤...........焗花蟹。

四圍賀社慶

2009年11月8日星期日天陰，今日冇出隊，入咗我家姐度睇吓我個可愛ge大細孖姨甥，跟住夜晚就出返去社長旺角ge飯堂，賀一賀行山隊12週年ge，今年社長只係小小哋攪咗4圍嚟高興吓，不過社慶聚餐入場費就多謝三佰大元，而今年ge抽獎可以講係各式其式，小弟有幸抽到一部......................名牌計數機，真係有咁啱得咁啱公司又冇計數機用，哈哈哈.........咁就可以拎返公司用啦，當然唔小得ge更係人人有份ge圍獎啦...........襪一對，最後大家喺飲飽食醉ge開心歡笑聲下，say 句good bye 各自歸家。

(1)

趕住舂魔爪

2009年11月7日星期六天晴，今日中午趕住收工去親親大自然，點知都係遲咗小小，結果去到中環地鐡站ge時候，啲人都已經起晒步............不過好彩我都識路知點入去起步點。

(1) 起步啦..........

三支香下的核動航母

2009年11月1星期日天晴微風................有煙霞，下午13:30由青衣長青村起步，直上三支香 (青衣山)，全程又係數不盡ge樓梯，不過今日主要目的唔指係行山咁簡單，而係要去昅吓隻船...............一隻全球最大ge核動航空母艦 (喬治華盛頓號)。

(1)

重九登高遊古城

2009年10月26日星期一 (天晴有風)，今日係農曆九月九日重陽節，我哋緊係應吓節登高啦，今日應豬腸粉要求，我哋開小隊過蛇口，一登小南山，順方訪南頭古城，實行輕鬆優閒吃喝玩樂登高一日遊。

(1)

菜園村的黃昏

2009年10月24日星期六天晴，最近不知不覺地迷上玩一個網上農場，但係玩耐咗，反而比到我一個很大ge感慨，難道我哋ge下一代，真係只可以咁樣去接觸農村，而事實上，社會ge發展，大多數人已經忘記咗我哋生存係先要依賴農田，依賴依個比人類污染到不知所謂ge大自然。而腦中亦不經不覺地浮起咗一條重不留意ge小村，就連地圖上亦找不出來ge................菜園村，最近半年不停地都有大大小小ge新聞，原因係因為政府要將佢地辛辛苦苦建立ge家園拆除，用嚟起高鐡 (廣深港高速鐡路)，面臨清拆 ge過去幾個月，村民馬不停蹄，希望令政府收回成命，不過.......................政府要你三日搬，怎可留人到五日。於是就攞起部相機，希望喺佢消失前，入去遊一轉，留下一點點ge回憶。

(1)

倣遊北頂

2009件10月18日星期日天晴，吹東北風3至4級，今日又跟社長出隊，原本目的地係住灣洲ge西頂，不過因為水漲ge關係，冇綑到去上山位，結果九唔搭八咁上咗北頂，而且大半程都要手腳並用，不過都唔算辛苦，因為全程都有秋風送面。

(1) 嘩.......工展會咩 (有背囊賣)。

 

拆蟹行動 2009

2009年10月20日星期二天晴，一年多度ge大閘蟹宴又嚟喇，今次我哋移師去Cammy同阿Joe ge新居拆蟹，順便同Cammy補切生日蛋糕...........................

(1) 今日ge主角出場喇.............

蒲台自由行

2009年10月11日星期日天陰東北風4至5級，今日本來凡ge地方係墨洲，不過因為太大風浪，根叔隻駁艇連青洲都過唔到，結果今日全隊人都只能登上蒲台島，而我亦選擇咗AB線都唔跟，一落船就先食餐飽ge再自己開條痴線(C線)嚟行，兩句可以講完，到處行到處食。

(1)

八月十五又中秋

2009年10月3日星期六.......農曆八月十五，今日就係中秋節，晚上23:38pm係月正中天ge時候，正所謂人月兩團圓.....................

(1)

維港煙花賀國慶

2009年10月1日星期四天晴吹東北風，今日一早6:00已經起身睇電視，因為今日係我國ge甲子國慶，除咗要係電視睇灣仔升旗外，當然係睇今日ge頭炮，北京國慶閱兵 (只可以睇電視直播)，同地道主菜ge香港國慶煙花匯演啦。

(1) 紅香爐峰最高ge位置17:00 未夠已經有成20幾人係度

霸晒位.......唯有退後小小，如果唔係就連小小位都冇，

一到放煙花ge時候已經有差唔多成佰人..........估唔到真

係有咁多人識路wor 。

茶果拼孖洲

2009年9月27日天陰東北風3級，今日天氣都算幾好，有風唔曬綑邊行山都一流，今日ge頭圍就係去茶果洲，探吓個拳頭石，不過今次真係幾好彩，唔洗除草，個拳頭已經出晒嚟。

(1) 喂~~~~冇位企喇 !

深港梧桐賀國慶

2009年9月20日星期日天氣悶熱，今日跟中國香港旅行遠足聯會舉辦ge國慶遠足活動 - 健步賞遊深圳梧桐山，同以往返國內行山一樣，要天未光就起身，所以昨天22點鬆d就zzZZzzzZZZ，今日出門口非常之順利，雖然法定集合時間係8:30福田口岸，但7點未夠已經去到落馬洲過關嘆個早餐。

(1) 日出........光滿天。

象鼻鐡板燒

2009年9月6日星期日天晴，今日我哋ge行程係入老點居，坐艇出海洞玩呀，順路緊係鐡板燒喇，照舊一早嘆個早茶，再去買小小食物之後，坐車入西貢白沙灣，因人數多咗2個，所以要分兩次才能接得晒入去(因為驚水警捉超載)，入到去我已經二話不說跳落海.................因為真係大熱喇。

 (1)

赤洲自由行

2009年8月30日星期日天晴東北風3 級，今日我哋12人自行租艇出海玩島，目的地地係一個以赤紅色地貌聞名，而且跟社長去了很多次(不過已經差不多3年都冇去過ge小島).................赤洲，一早8:00喺西貢飲嘆個早茶，9:00坐巴士入黃石碼頭再轉駁艇，船程約十分鐘就已經到咗赤洲，由於今日行程比較輕鬆同有彈性，再加上唔會上頂，所以一上岸就行咗另一邊，因為依邊d海岸之前我同部份行友都未綑過，而且都只係走一小段就回頭返赤漠迷城，再加上實行依個三三制 (行3個字休三個字)，所以今日真係可以慢慢咁欣賞d石頭....................

(1)