摸唔到.........食餐好

2009年8月1日星期六，今日一早出咗去摸蜆，不過收穫就未如理想，所以決定提早撤退去街市shopping，跟住返屋企開大餐，經過一個鐘頭喺廚房ge努力之後，今晚尾男廚房ge菜單係...........................
 

(1) 薑蔥爆大蝦。

尋......蜆

2009年8月1日星期六天晴，今日一早10:30就同寵物入到去水口準備摸蜆，唔知係唔係因為最近太多人入去摸ge關係，今日d大蜆小蜆都比之前嗰幾次小咗好多...........應該係小得可憐，經過5個鐘頭ge努力，最終決定提早撤退，返屋企開大餐，為咗日後ge摸蜆成績會更上一層樓..............我決定今年ge摸蜆工作暫時停工，留返出年先再嚟過。

 

(1) 今日第一隻似返d樣ge蜆。

2009 日偏蝕

2009年7月22日星期三天晴，經過心思考慮之後，昨天晚上決定今日一早獨闖太平山.............影 [2009香港日偏蝕]，今次被喻為500年一遇蝕得最長ge世紀日全食 (香港只可以睇到日偏蝕，不過都蝕咗3/4個太陽)，講多無謂，太家分享吓我悶曬咗2個幾鐘ge心血啦。

 

(1) 今日個天都唔錯，有d雲仲靚。

一別十八年的西高山

2009年7月12日星期日天晴，本來已經成個月都冇出過海ge我，一心已為今日可以游吓水.....綑吓邊......再穿吓洞........，點知昨天社長因風浪大(東風5級)取消咗今日ge行程，於是懶洋洋ge一日就開始啦，起身之後約咗班山友下午上西高山，一處在細路仔時代差不多個個月都會去ge地.............山頂(太平山)，2點幾先喺中環坐小巴上去，今次再重遊舊地，真係已經面目全非，原本ge一條山路，差不多已經變咗密林，另一條本來只有沙石ge山脊路，如今兩旁都係密林，而且已經變咗做樓梯........唉，真係一別18年，乜都已改變。

(1)

清蒸新鮮鮑魚

2009年6月23日天陰有雨，今日行經街市ge時候見到d新鮮鮑魚唔係貴，所以就買咗十隻八隻返屋企攪攪佢，一輪清洗調味之後(加d薑蔥同果皮)，就蒸佢廿分鐘 (要睇吓佢大隻定細隻，時間有所調教)，嘩~~~好滑......... ，不如大家先睇睇相吧。

 

(1) 嗱~~~都唔算細隻ga 。

不知不覺愛上......蜆

2009年6月20日星期六天晴有風 (不過中午掛咗一號風球)，最近不知為何成日都攪依個掘蜆ge活動，今日依舊分咗兩批人入水口，一早陪咗寵物返工之後，就自己先入東涌同其餘d蜆友一齊坐車入去水口，今次仲多咗幾個小朋友，今次我決定主打只攞走d中蜆同大蜆，約莫11:00就到達水口，於是乎立即開始今日ge工作......................掘大蜆。 

  

(1) 又有得玩.........又有得食ge健康活動。

帽啟之旅

2009年6月14日星期日天晴 (間中有雷暴)，一早8:30喺荃灣坐車上到施樂園，會合埋之前一晚上去宿營ge其他山友一齊行吓大帽山，不過今日d天氣好悶熱，而且又要趕下場，所以玩咗一陣就開始落山，嗱嗱淋去荃灣嘆茶，順手執埋長江同佢哋去啟德機場跑道...................(唉~~~~早兩日先行完)，最終18:30pm先完成今日e行程，跟住唔洗講嘢緊係去食飯啦。

(1)

三傻遊啟德

2009年6月11日星期四多雲有雨，天文台一早已掛起黃雨及狂風雷暴，不過我哋3個傻佬今日決定風雨不改，勇闖啟德機場之端，9:00由新蒲崗出發，雨一路未停過..........時大時細..........時左時右，原住舊飛機場ge跑道一路直出，沿途真係好似走咗入另一個世界咁...........草原 / 沼澤 / 唔知係鷹定其他ge飛鳥 (我只可以用一個專業ge學名嚟介紹...........雀) / 仲有獅子等等，經過3個多鐘頭行來行去，最終成功到達啟德機場之端，然後再喺九龍灣蒲返出嚟(不走回頭路)，但係個人已經濕晒，其實我今日最失敗就係冇穿涼鞋，以為對鞋防水好鬼醒，點知唔記得橫風橫雨ge時候d雨水可以由褲管流入去..........失敗之中ge失敗，不過好彩影到好多好嘢，遲d等遊輪碼頭動工ge時候就會面目全非ge喇。

 

(1) 啟德河..........定係啟德渠。

模蜆摸不停

2009年6月6日星期六天晴，因為今日有部份朋友需要返工，所以就分咗兩批人入水口，一早陪咗寵物返工之後，就自己先入東涌同其餘4人一齊飲個早茶 (點知特價咗都貴到嘔)，約莫中午12:30就坐車入水口，原本一心已為今日要到15:30先退到盡，點知唔記得咗今日係農曆十四，所以入到去ge時候已經退到好出，於是乎立即開始今日ge工作......................掘蜆。

 

(1) 開工啦喂~~~~~

2009墨墨釣

2009年5月30日星期六天晴，今日中午入咗西貢釣魚，結果三人同行，只得一條，而我當然係..................白果啦。

 

(1) 胸有成竹咁個款。