閃完又閃

2010年9月10日星期五，今晚個天又好似想閃多場show咁，晚上九點幾就開始又行旱天雷，同前晚一模一樣，相信我唔洗講你哋都知我想點啦，結果..............一影就影到凌晨兩點鐘，最慘第二朝仲要起身開工，不過今次比起對上兩次ge收穫好好多，都影到幾十張，不過見得吓人ge得兩三張。

(1) 你哋估吓條電閃咗係邊處........

閃耀的夜空

2010年9月8日星期三，依個星期個天好悶熱，今日終於落出雨喇，22:30pm返到屋企，個天不停咁行旱天雷，而且仲有閃電，於是又乜都唔做，即刻攞部相機出嚟睇吓影唔影到好嘢，當然唔係想影雷震子啦，而係............................閃電 ，不過今晚個天ge雲層好厚，閃電ge時侯得個光字，但條電就好難先見到一次。(天文台話今晚ge閃電係時間最長同最多ge一次，足足閃足差唔多4個鐘有多，而且仲閃咗有成二萬五千幾次，勁呀。)

(1) 好似開咗大光燈咁。

獅子山下的橫瀾島

2010年8月29日星期日天晴 (東風4級)，雖然今年個個颱風都過門不入，但依兩日都有一個颱風 (獅子山) 喺香港對開200海里游來遊去，所以未出發之前對於今日能否上岸都不太落觀，因為我哋今日會踏足ge海島就係平時聽天氣報告ge時候都會成日轆到ge.............橫瀾島。

(1) 橫瀾島........ (潛水艇) - 不過上岸冇幾耐就掛1號風球 。

飛禽走獸遊石澳

2010年8月22日星期日天晴 (東風4級)，今日輕輕鬆鬆由港島徑8段開始上山 (當然唔係行龍脊喇)，而係右移玩山脊上ge石頭，再抽頭直插返落馬路去石澳食午飯，下午就去大頭洲轉一圈...........睇睇石澳一帶 (飛禽走獸) ge怪石頭。

(1) 賴洋洋ge小肥豬。

白腊真攞膽

2010年8月8日星期日天晴，今日冇出隊行山，不過就跟咗大隻黃入西貢白腊潛珍珠蚌同海膽，同過往一樣，一早8:30am喺西貢嘆個早茶，跟住就坐成90幾蚊的士入白腊，再行十分鐘落就去到士多，由於今日中午潮退，所以我哋先去木棉洞潛海膽同珍珠蚌.....................

(1)

太陽海嘯的黃昏

2010年8月4日星期三天晴，早兩日睇到幾位朋友在網誌內上載咗一d極靚ge鯉魚門黃昏夜景相片，心血來潮都想今日收工抽D時間入去影返轉，眼見昨日ge天色極佳，點知今日個天唔知係因為有個低氣壓喺出面行緊嚟丫，定係同太陽海嘯有關.......，成個天都好似有一層薄紗咁，不過最終我都係冇理咁多，諗住入去碰一碰運氣，睇吓又會影到D乜嘢出嚟。

(1) 太陽海嘯...........定係低氣壓呢?

澗行薄扶林

2010年8月1日星期日天氣炎熱，一早喺中環飲完茶就坐巴士入去薄扶林水塘，目的地就係山頂，雖然今日冇乜指定路線，不過我主要想由澗而上，等大家有d新鮮感，只可惜條澗唔係好長 (不過好滑)，走咗半個鐘已差唔多駁返郊遊徑，所以臨時決定改行山路直上山頂探吓隻神龜，再行返落去中環。

(1) 是是旦旦搵條就開始入澗。

黑暗的黃昏

2010年7月29日星期四有雨，今日18:51pm傍晚時份個天真係給人有一點.......................心寒 (真係好似就嚟世界末日咁)。

(1) 18:51pm...........

玩轉東平洲

2010年7月24日星期六，今日個天真係唔錯，一早起身天青氣朗，而且能見度都幾高，中午收工後立即返屋企攞埋個背囊去沙田會合d山友飲茶，跟住趕15:30pm船入東平洲宿營，不過今日個天文台好準，個天果然開始越嚟越多雲，雖然盤算過影到日出日落ge機會不大，但係都影響唔到我哋依班咁貪玩ge人，因為我哋係................(唔理有乜好影，總知有乜就影乜)，17:00pm一落船就趕去士多放底晒d行裝，跟住改走山路去先玩海螺洞，點解要咁急，因為d潮水已經開始漲緊.......................

(1) 天氣唔錯ge一日。

慢遊石龍拱

2010年7月18日星期日天清氣朗，今日天氣炎熱，一早9:00am喺荃灣飲過早茶之後，就坐車上荃錦坳，輕輕鬆鬆慢步過蓮花山落石龍拱，再轉接元荃古道返荃灣，本來一段只需兩三個鐘已經可以行完ge路段，今日卻用上七個大鐘至行完，沿路影相 (雲 / 風景 / 飛機....................)同大休小休無數次，真係慢慢遊啦喂。

(1) 起步啦..............