深圳半天雲

2007年10月28日星期日，清涼有煙霞，鬧鐘bbbb的叫起來，清晨5:30am就急急起身忙於梳洗， 旋風式的動作後，準時6:30出門口去坐地鐡，點解貢早出門口，唔洗問緊係去玩啦，一輪舟車勞動之後，7:45am終於到羅湖口岸，一個箭步吃個早餐，飲杯0茶............good 呀。 

今日旅聯有好多山友，有三部大巴，差不多成佰五人有多，今次仲有深圳依邊d行山隊領隊做我地嚮導，正呀.......

(1) 集合地點

   (2) 經過兩小時車程，終於到 "半天雲村" 山腳，不過條村個

入口竟然是墳場，真係估你唔到， 胆細d都唔敢行入去。

走了半小時的車路後，終於到半天雲村了，這條村在06年11月被廣東省旅遊局選為最美的自然村落之一，她坐落在拋狗嶺(海拔428米)的半山腰上，是深圳海拔最高的古村落。原本到了這裡是多麼的高興，不過今天的行程卻有小小的阻滯，因為當我們到了這條古村的村口時，竟然出現了村霸，仲要我地留下過路費，好彩我地依邊d領導人夠power，經過一輪週旋後，唔洗比錢就過得，勁呀! 

(3)

(4) 臉向鏡頭的就是村霸代表

過了半天雲村口，我們繼續上山，回頭已是一個勁靚的高爾夫球場，太約行多廿分鐘後，到了山上一個水庫,，這裡才算是今日行程的正式開始，因為以後的路段不再是石屎路，而是浮沙碎石路，小休過後，領隊一聲令下，大家一窩蜂的向上行。

(5)

(6)

經過浮沙碎石路之後再轉過密林，苦戰個多小時，終於到了全日最高點 (海拔482米) 的拋狗嶺，依個時候當然係開餐同大休啦，仲有緊係唔小得每次必做既動作.....影張大合照啦。

(7)

(8)

(9)

 (10)

(11) 

(12) 

(13)

 (14)

下午2:00起步，終於落山啦......好難走呀 (對一dd人啦) 因為今早在行車時，領導人話先前來探路的前鋒部隊 (全是高手)，竟然在落山的這個路段時滾了數次，就連行山手杖都要報銷，唔係下嘩.....咁激。所以二話不說，點都要走在最前，如果唔係有排塞，仲要一邊塞一邊食塵，當下走了三份一路程時，隊頭隊尾已經相差了半小時有多的距離。   

(15)

(16)

 (17)

(18) 

 (19)

 (20)

正所謂行得快好世界， 依個時候後面竟然傳來有人抽筋，所以大家停了下來等了半小時有多，點解要等，因為落山路段多分差路，而且仲有很多捕獸器，為了以策安全，大家就一起等吧，況且風景靚又有風，一個字......爽。

(21)

三點啦，對講機有聲啦.......(可以起步)，點知依個時候我隻左膝蓋又發作，竟然屈唔到膝，唔通真係等得多病痛多，我頂頂頂頂兼忍忍忍忍，點都要頂落山，真係好不容易兼痛不欲生地滾在頭隊，大家半行半滾沙塵滾滾，滾了一個多小時 (而我就痛足個幾鐘) 終於到山腳西貢西洋尾村。原來途中真係有捕獸器架，佢地冇老點架。

(22)

終於到了西洋尾村口，傳說中有一間士多，領隊仲話有汽水賣，等我一路落山一路唱住........1234567 我的可樂在那裡，點知到步時竟然冇汽水賣，就連乜鬼都冇得賣，有冇攪錯。乾煎幾個字後，大家為有上車去水頭食飯囉。

 

(23)

 (24)

正所謂.......(夕陽西下就食飽飯，沙頭角過關就快回家。)， 一日行程終於到此為止，全日總結 (上山落山減一磅，食完餐飯多三磅)......好玩。

(25)

(26) 水頭海鮮街。

(27)

~~~~~~~~~~ 完 ~~~~~~~~~~