2007年12月25日天晴寒冷,天氣報告15-19度,準時早上5:00彈起身收拾行裝迎接聖誕神洲兩day行,6:15出門。經過一個小時的車程終於到了羅湖口岸,可能因為太早關係,過關非常順利,吃過一個苦等咗半個鐘ge遲來的早餐後,才施施然的行去集合地點,但奈何等了15分鐘還未出發呢? 追問之下得知有一家四口正在過關,遲的原因是因為有小朋友忘了帶自己的証件, 但大家都覺得更可笑的是,小朋友的証件唔係大人幫佢地準備ge咩? 原先以為事事暢順的一天,大家就係企咗係度半個鐘有多,最後我地比起原先出發的法定時間遲咗一個鐘。所以奉勸大家一句 (童男童女就救苦救難,遲男遲女就累人累己)。上車後,領隊及導遊一輪介紹後,大家就zzzZZZzzz,經過三個半鐘頭的車程後,我地先到達行程安排的第一個景點,鼎湖區ge(憩庵),她除咗有千年歷史之外,國父 孫中山 先生亦曾在憩庵內的一個小碼頭上岸及在此度宿過。
觀光過後,我地再去肇慶市中心食午飯,吃飽後便繼續我地下午ge行程,一小時車程便到達高要市,目的地.......河台ge黃金洞,係中國罕見的大金脈礦區,內有一條500米 長供開放參觀的走廊,大家戴上礦帽後,便急不及待的走入去睇吓有冇金執,而尾段更有師傅可以指導大家如何淘金,50大元一盤,保證一定有,而金粒更可以即場溶制成各式生肖。
當大家發完黃金夢後,已經係黃昏17:30了,我地仲要坐多個多小時才到達我地今晚落腳ge地方 (德慶)。 計計數,今日已經坐咗差不多6小時ge車程,所以吃過晚飯便立即送大隊去酒店落腳,而我所住的房間更是獨一無二,點解...... 一開門,個房比d招牌光管射到好似架步貢,跟住洗手盤個去水位斷咗,再黎迫你做運動 (拍蚊- 起碼死咗10隻),更恐怖的是,只有我個間房有一盤炭放係電視機櫃底,莫非~~~~~
由於之前曾經問過導遊有關夜市的資料,所以我地相約其他行友一行11人坐的士出去逛一逛 (的士起錶3蚊,每跳5毫),我地先去買了一些地道山果(皇帝吉),跟住再行去食街度食宵夜,哈哈哈食乜,我驚講出黎大家食唔落wor,個宵夜主菜個名就係......(屎坑粥) 。仲有啤酒、炒粉麵、油菜、炒蟹、坑螺,大吃大喝都只係每人九元正,超底。
(42)
睇睇隻錶已經成23:00,係時候返酒店搵周公吹吹水啦,因為明早7:00 morning call。
話明聖誕神洲兩day行,貢day 2我地又攬邊科呢,下一節再同大家分享。
沒有留言:
張貼留言