天空祭壇

2008年5月25日天晴吹南風，今日ge行程係南丫島，我地一行18人準時早上8:35係中環碼頭坐船入索罟灣，不過就喺上船ge一刻就發生咗一件七不思異人狗神秘失蹤事件，我地其中一個行友竟然連人帶狗唔知去咗邊，幾經追查之後，迷底終於解開咗，原來有人上錯船去咗榕樹灣。到步後，我地就立即開始上山 (因為有數位行友須要趕16:30船返出去開工及飲宴)，11:15我地所有人都已經到達山地塘，又即係陰山頂 (353m)，當然行得快個幾位一早已經等到發咗呆啦，大休過後，我地就立即向住大角ge方向再下降至今日ge主菜.......天空祭壇 / 風動石，大約一個鐘，終於黎到祭壇啦，影呀影呀影咗成個鐘之後，就進入最後回程ge路段，本來一心諗住橫移到深灣石河 ，再接走我地對上一次之林路落海邊綑回深灣，誰不知...........(只差100m就到海邊)，為咗部份人ge人生安全及準時趕船返出去，經過商議後，我地決定經山脊鏟一段小林再回走陰山，本來一心諗住不用再上山的大家，又要重整心情，再次向陰山頂進發，好彩今日ge大部份時間都係冇乜太陽，仲有小小風，而且喺大家心情最低落ge時候，長江竟然拎出一支冰凍ge可樂同大家一齊分享，嘩~~~~即時同大家加晒油，經過8個鐘ge上山落山加鏟林，尾隊終於係17:40返到去索罟灣碼頭，坐船出去香港仔食晚飯。

(1) 上船啦 !

(2) 落船啦 !

(3) 索罟灣。

(4) 正式起步登山。

(5)

(6) 陰山即係陰山。

(7)

(8)

(9)

(10) 索罟灣。

(11) 小天池。

(12) 深灣與圓角。

(13)

(14) 好大隻南丫島生蠔。

(15) 靚靚小毛蟲。

(16) 陰山頂  - 353m ......仲行咗好幾個雷。

(17) 大休.........

(18)

(19)

(20) 南丫島大角。

(21) 南丫島圓角。

(22)

(23)

(24) 奇趣石景。

(25)

(26) 似隻香蕉頭定係似安全............套呢 !

(27) 終於嚟到天空祭壇啦 !

(28)

(29) 天空祭壇 (一)。

(30) 天空祭壇 (二)。

(31) 唔好阻住晒........張相冇預你ga。

(32) 風動石。

(33) 離開天空祭壇後又想鏟林過去玩石 !

(34) 屁股石

(35)

(36) 喂~~~~小心d呀!

(37) 因為時間有限，最終都係接回山路返上陰山頂。

(38)

(39) 墨硯石已被遮掩得只餘一半。

(40) 修飾後的 "山藏石硯"。

(41) 深灣..............又名海龜灣。

               

最後都要講多句，每次我叫人去行南丫島，好多人都會第一句就話..................(南丫島我都行過好多次啦，好易行啫)，不過我可以喺依度大膽講一句，千祈唔好睇少佢，因為南丫島唔係只得榕樹灣同索罟灣ge唯一一條ge行山路徑，依度絕對有五星級ge路線可以招呼大家。

~~~~~~~~~~ 完 ~~~~~~~~~~