再戰賀年蘿蔔糕

2008年2月4日寒冷有微雨，仲有兩日就過年，公司提早今日收爐，本來諗住今日自己走去船灣睇吓個象鼻岩，點知個膝頭早兩日行山ge時候貪玩整傷咗，唯有乖乖地留喺屋企la，於是乎一早就走落街市買料再整幾底蘿蔔糕比屋企人過年，應該今次會比上一次好食d，因為有咗上一之經驗之外兼加重咗料(12粒大元貝同自制即炒芝麻)，應該會色香味都會有返貢上吓，等攤凍一晚之後，年初一就可以食啦。  

(1) 韓國蘿蔔黎ga要成六蚊斤ga。

石磨萬里長城 - 下午篇

之前 (石磨萬里長城 - 上午篇) 講到我地喺虎地坳的一個小山嶺大休，無聊的我同幾個朋友就連這個只得73m兼且唔知係乜山ge頂都上去摸一摸。 不過這裡卻可以睇到沙嶺同羅湖禁區，大休過後我地就原路反落山繼續下午ge行程，沿馬路走了十分鐘左右就見到水務處ge大型東江輸水管，之後就可以由火車軌下面的一個橋墩過到另外一面，d水管原來真係好大條ga (攪到我仲撞到個膝頭哥個舊患，痛到依家都仲未痛完)，再走過雙魚河ge橋之後，禁區範圍就在眼前。

(1)

石磨萬里長城 - 上午篇

2008年2月3日天晴，天陰落雨ge天氣已經持續咗成個禮拜，早上天氣非常之凍，市區溫度得7.9度，是入冬以來最凍ge一日，不過今日凍得黎就有太陽同藍天白雲，本來一行23人的行程亦因為貢冬ge天氣只餘下16人，不過貢都好，我地可以一部小巴上齊晒。由於今日法定等人時間加長到半個鐘，所以我地要到9:30先係粉嶺火車站出發去坐小巴。
先講吓我地ge行程，上午先上松山經馬頭嶺過華山再接杉山落虎地坳 (行山界稱之為小萬里長城)，這段山頭是昔日ge軍事禁區，而所走的全是昔日的軍車路，部份路後更鈄得要命，而大休過後就穿火車橋上大石磨探究一個已經廢棄之舊警崗觀察哨站，再落河上鄉食豆腐花，全程十公里。

(1) 16人包車

40年啦

2008年2月1日嚴寒，昨天晚上正是小弟ge母校40週年聚餐大日了，不知不覺離開咗學校都已經有一段幾長ge日了子la，可以見返當年一d老師同學，師兄弟妹，感覺真係幾開心，而我地依d當年品學兼優，年年考第一兼運動健將...... (全部都冇我份)ge頑皮學生，有d老師仲一眼就認到自己，可想而知我地係當年係幾咁人氣旺啦! 不過依一餐都要成三佰大元一位ga。

(1)

賀年蘿蔔糕

2008年1月23日，我終於做出我第一次自製的蘿蔔糕，不過貢樣攪一攪就攪咗我成晚，由19:00開始切料開粉到完蒸糕已經係23:45啦。

(1)

道風萬佛之旅

2008年1月19日星期六天晴，一行5人在大圍飲過早茶後便乘的士上道風山，一處由道教改換成基督教的地方，這裡是我第一次上黎，中式建築西方教派裝飾，令我覺得有d新鮮感，欣賞過後便沿路落山走過隔離再上山往萬佛寺，印象中，我對上一次去萬佛寺已經係我幾歲ge時候。

 

(1) 道風山

又飲又玩食尾禡

2008年1月17日寒冷，昨天我地公司提早係蛇口做尾禡，中午我地香港的幾個同事就已經北上，感覺好似去旅行貢，而國內同事亦會提早小小收工坐公司安排的旅遊巴出發，今年係我第一年亦係第一次喺國內做禡，所以覺得非常新鮮，公司包了一間食烤肉的餐廳，類似香港的巴西燒烤，味道唔錯，又有數十箱紅酒供應，而且仲有獎抽.....全部都係現金獎 (人人都有份)，總知開開心心貢過咗一晚啦。

(1)