馬巒山冰火之行

2007年5月27日天晴，今次我地一行8人跟埋旅聯上深圳馬巒山，例牌早上8:00 深圳食早餐跟住集合，今次旅聯分咗5部大旅遊巴，差不多有成二佰伍十人 (咁多人一定唔洗驚有山賊啦)，佢地一車就車大家去到小梅沙起步，今日個太陽真係曬到人都癲，不過能見度就好好，西貢蚺蛇尖清晰可見，我地繞過收費亭就開始依山而上，太約十分鐘就已經直到疊翠湖，穿過一道破爛閘門進入水庫範圍，踏過木板橋就直入水庫心臟地帶，誰知帶路的人也帶錯路，好在依個時候有其他工作人員及時抖正航道，大約多行一小段路之後，終於到咗上馬巒山ge入澗位 (傻人谷)，由於人數眾多，我地沿途保持喺中上游位置，接近中午時份，個天竟然開始落出雨黎，落吓停吓，直至行到澗頭大休ge時侯。終於出返太陽，依個時候領隊話大休過後多行十五至廿分鐘就會到馬巒山山頂個梅花亭啦。

(1) 幾咁虛陷.....

(2) 

 (3)

(4)

(5) 四部大旅遊巴接送我哋依班山痴。

(6)

(7)

(8)

(9) 由小梅沙收費站正式起步。

(10)

(11)

(12)

(13)

(14)

 (15) 個天幾清晰 (最遠個度就係西貢蚺蛇尖)。

(16) 真係要咁樣先入到嚟 !

(17) 疊翠湖。

(18) 傻人谷  

(19)

(20)

(21)

(22) 結咗冰ge西瓜汁 (冇太陽係發揮唔到佢ge功效)。

(23)

食飽過後，我地立刻繼續走埋上山ge最後一程，行到一半，竟然山頂有一幅大草坪 原來這裡本來想做一個私人高爾夫球場，但最終爛尾收場，而我亦點都估唔到我地ge行程竟然同個高爾夫球場一樣都係爛尾收場，(太約只差五六十米就到頂)，個天依個時候黑晒，仲喺咁行雷，不遠處仲有閃電，大隊為安全起建，我地改而快步趕去馬巒村，入到村ge時候已經雷電交更，d雨大到你估唔到，經商議過後，大隊決定不走回頭路，仲比咗一舊水個村民教大家點樣走返落山 (只有兩三個高手工作人員沿澗返回落山，睇吓有冇滯留喺澗度ge隊友)，沿路上我地比d雨打到全身濕晒，雖然只係下午三點鐘，但個天黑到好似六點鐘咁，去到一d過澗位，直頭已經山洪咗，而一d本來係山邊ge路，亦已經同條山澗係同一水位，正因為已經變晒黃泥水，唔係有個人企係度，我睇都冇人敢叉隻腳落去，苦行咗差唔多兩個鐘，而個天就一路行雷閃電同落雨玩足我地幾個鐘，最後個個以一身泥鴨裝到達咗東部華僑城，以為可以即刻彈上車，點知又因為停唔到車，我地要行去大梅沙先可以上車，而依個時候個天仲係耐唔中閃兩吓，其中一下仲閃中條電覽打橫行，真係難得一見，終於多行十五分鐘左右就見到我地ge車隊啦，最終我地返到沙頭角食晚飯，一共廿五圍，熱鬧非常。

(24) 爛咗尾ge高爾夫球場。

(25) 山上ge分流設施。

(26)

(27)

(28) 馬巒村。

(29)

(30)

(31)

(32)

(33)

(34)

(35)

(36) 風雲變色..............唔好停行快d啦 !

(37) 依家先下午三點鐘，乜個天黑成咁。

(38)

(39) 千祈唔好差錯腳呀 (本身條澗得三四呎闊)。

(40)

(41)

(42) 

(43)

是次行程真係估佢唔到，上午曬太陽曬死，下午雷雨閃電嚇死，不過總算個個平安大吉。(另有數條係馬巒山 ge 山洪及雷電 MV，有機會遲d再同大家分亨。)

~~~~~~~~~~ 完 ~~~~~~~~~~