快閃羊臺山

2008年3月15日天晴有微風，今日跟社長上去深圳石岩羊臺山 (羊台山)，一早落茶餐廳吃過早餐後，準時7:20去到九龍塘集合處坐開7:30經西部通道開往深圳灣ge大巴，位位$40 大元，但真係好快，8:15已經過晒關，由於我地有五條友，所以要坐白牌車去，點知個司機一開價就話佰伍人仔，嘩.....你真係當我香港新移民咩，好在小弟一早問定價，最後八十五個人仔埋單。經過差不多四十分鐘ge車程，我地終於到咗羊臺山上山位ge停車場度，由於今日ge能見度並唔係太理想，所以沿途上山都係睇得唔係好遠，返而係山路上仲有一d石頭睇吓，今日上ge羊臺山高587.3米，由起步到頂一共2592級樓梯，而且每一佰級都有記號，途中共分九站，每站都有一個牌提提你海拔幾高，距離山頂仲有幾遠，而且仲有小賣茶座同治安員，差d唔記得仲有三座好靚好乾淨同唔收錢ge洗手間係度，一路上落山ge人好多，而且沿路都係走在山脊上同樹蔭下，所以都唔係好辛苦，結果我地未到11點已經上到頂 (太約用咗一個鐘四十五分鐘)，依個時候社長視察過落山ge路線之後，決定係山頂大休。

(1) 八十五蚊人仔ge白牌車。

(2)

(3) 早上9:00am嚟到羊台山。

(4)

(5)

(6) 起點站.........海拔62米，距離頂峰路程2618米。

(7) 每一佰級樓梯都會提醒你。

(8)

(9)

(10)

(11)

(12) 治安員真係睇得吓。

(13)

(14)

(15)

(16)

(17)

(18) 

(19)

(20)

(21)

(22) 個洗手間幾靚 。

(23)

(24)

(25)

(26)

 (27) 對面就係羊台山個主峰。

(28)

(29) 過埋主峰會回頭由背後的山脊下山。

(30)

(31)

(32) 終於11:00am上到嚟2592級嘅羊台山主峰 - 587米。

(33) 羊臺山頂 ge 羊台石。

(34) 唔好跣落嚟呀 !

(35)

(36) 大休時間。

(37) My Lunch。

(38) 嘩........真係好多人wor !

吃過乾糧後，我地就係11:30起步落山，開始落山ge一段非常之直，但係就走返我最喜歡ge沙泥路，我地沿住往(不文石) 方向ge山脊路上上落落，終於花咗成粒鐘有多先去到，雖然係咁，但都物有所值，因為個太陽超黎越猛，而個視野就清咗好多，走到中段ge路程，我地開始走在樹蔭下，而且仲有一d清風由兩邊送上，直頭係全日最舒服ge一段，走到咁上吓，我地已不知不覺咁走到了植林路上，我地快步的走到一堆亂石下休了一休，就沿一條好闊ge沙泥車路落山，誰知社長又帶錯我地入咗人地個果園度，好在個場主好好人咁比我地通過，仲教我地點樣出返去市區，於是我地就跟佢指示一路走，沿途經過好多住係貧民ge樹林，多走十分鐘左右，我地穿過一高速公路橋樑底後，終於到咗一工廠區ge後門啦，依次都好好彩，個保安肯比我地過閘，而我地就用咗三個半鐘落返黎山腳，依個時候以為可以嘆吓冰凍可樂，點知行晒成條街都買唔到，因為佢地個雪櫃係唔駁電ga。

(39) 起步落山。

(40)

(41) 背後就係今日落山ge山脊路啦 !

(42)

(42) 落山啦~~~~~~~ 小心呀 ! 

(44)

(45)

(46)

(47)

(48)

(49)

(50) 你夠唔夠力呀 !

(51)

(52) 回望羊臺山 .......... 最遠處。
(53)

(54)

(55)

(56)

(57) 不文台。

(58) 請問你喺度做乜呀???? 

(59)

(60)

(61) 大石鼓。

(2) 林蔭小路

(63)

(64)

(65)

(66) 一堆屋 ge 後面就係今朝上羊臺山 ge 起步點。

(67)

(68)

(69)

(70) 偉大 ge 植樹民工。

(71)

(72)

(73)

(74) 好大隻ge石蛋 。

(75) 植樹民工ge宿舍。

(76)

(77)

(78)

(79)

(80)

(81)

(82)

(83)

(84)

(85)

(86)

(87)

(88)

跟住坐兩蚊公巴出返去羅租村，正在商量如何坐車返歸ge時候，同行曾生話佢自己坐車去梅林，咁我地就簡單啦，可以一部的士返去深圳灣 (65蚊人仔)，跟住飛奔返屋企休息吓，hehe......因為聽日仲要去玩好好玩ge抗戰地道呀。

~~~~~~~~~~ 完 ~~~~~~~~~~