2012年11月18日星期日天蔭有雨 (氣溫18至20度 - 吹東風4級),今日我哋要輕輕鬆鬆玩幾個鐘,跟住要買嘢去個朋友屋企度打邊爐,所以我選擇咗去魔鬼山。
食個早餐打吓氣先。
起步冇耐已經見到高樓處處。
大人小朋友都要影,到底有乜好影呢。
原來係..............灰灰的天...............空空的街..............千串細雨點.................
原來係..............灰灰的天...............空空的街..............千串細雨點.................
好一個避雨亭。
今日我帶咗啲蕃茄仔嚟做小吃。
長.....長........長氣樓梯。
不過我要選擇行泥路上山,因為我哋有嘢要玩,
你估吓佢哋個個帶晒電筒為乜。
之唔係要玩損山窿囉,我對上一次入去已經係2008年ge事啦,
你哋睇吓樂樂幾勇敢,幫我哋去探洞。
回望山洞入口。
Z型分兩層ge山洞,依個係另一邊ge出入口。
玩完山洞,行多幾分鐘就上到嚟魔鬼山炮台。
由阿玲喺澳門帶返嚟ge杏仁餅。
小休過後又係觀光時間。
灰濛濛ge維多利亞港。
遙望對岸ge阿公岩。
魔鬼西崖。
落山約十分鐘,就會見到另一組大炮台。
離開馬路之後,我哋又準備進入另一組炮台,不過依家點解會多咗個指示牌。
依條係路,而且仲耐唔中有狗吠。
下行數分鐘就會見到依個唔多起眼ge炮台,不過最精景並唔係佢,
而係再橫移多廿米ge另一邊炮台連地下室。
依個地下室好深,相信未被沙泥活埋之前,應該係互通兩個炮台的,而
上面更係一大堆荒廢嘅墓地,不過大家想睇吓真實ge環境就睇下一張啦。
好靚ge金錢窗花。
依個就係入口嚟ga啦。
終於出返嚟啦,係時候行快啲落去鯉魚門食下午茶啦。
忽然依幾年會出現一個傳說而變成............心願樹,依個傳說信不信由你。
由昔日ge海濱學校改為要今ge鯉魚門創意館,介紹鯉魚門ge古今。
其中一幅艮展品我好欣賞....... (名稱 : 三猩與蘋果 - 一日一蘋果,
是需要,一人一蘋果,是炫耀。)
當然唔小得嚟我最喜愛ge豬 / 牛肉乾ge鋪頭.............年香園,
$25半磅,不知不覺已經食咗佢成十年有多。
為咗等佢出爐,為有食住等啦。
熱騰騰啱啱烤好ge牛肉乾。
唔好客氣啦,大家食住等呀。
出爐啦..............
出爐啦..............
老板娘仲額外送多6件比我哋食,多謝多謝。
大家食完牛肉乾同雞仔餅之後,都唔洗再食下午茶,
於是直接出嚟買料準備今晚打邊爐。
當然唔小得阿琴煲ge粉葛湯.............超正。
開餐啦喂。
沒有留言:
張貼留言